Jannoo 5:36 - Yn Conaant Noa 1810

³⁶ Son cha voddey neayr’s dirree magh Theudas, boggyssagh jeh hene dy ve ny ard‐ghooinney ennagh, as huggeysyn v’er ny lhiantyn mysh kiare cheead dooinney: agh v’eshyn er ny varroo, as er whilleen as hast da haink scaa‐lhean as toyrt‐mow.

Yn Vible Casherick 1775 1819

³⁶ Son cha voddey neayr’s dirree magh Theudas, boggyssagh jeh hene dy ve ny ard-ghooinney ennagh, as huggeysyn v’er ny lhiantyn mysh kiare cheead dooinney: agh v’eshyn er ny varroo, as er whilleen as hast da haink scaalhean as toyrt-mow.

Jannoo 5:36 ပူးပေါင်းရင်းမြစ်များ

Noo Mian 24:24

Son nee Creestyn foalsey, as phadeyryn foalsey girree, as cowraghyn mooarey as yindyssyn y hoilshaghey, ayns wheesh (my oddagh eh ve) dy jinnagh ad molley yn eer chloan reiht.

Noo Mian 24:26

Shen‐y‐fa my jir ad riu, T’eh ayns yn aasagh, ny gow‐jee magh: cur‐my‐ner, t’eh ayns ny shamyryn follit, ny cred‐jee eh.

Noo Mian 24:5

Son hig ymmodee ayns my ennym’s, gra, Mish yn Creest: as nee ad ymmodee y volley.

Jannoo 21:38

Nagh nee uss yn Egyptian shen, ren roish ny laghyn shoh irree‐magh y yannoo, as leeid magh gys yn aasagh kiare thousane dooinney, va nyn ghunveryn?

Jannoo 5:35

As dooyrt eh roo, Gheiney Israel, bee‐jee shiuish er nyn dwoaie, cre ta shiu kiarail y yannoo rish ny deiney shoh.

Jannoo 8:9

Agh va dooinney dy row enmyssit Simon, va er chliaghtey obbeeys ’syn ard‐valley cheddin, as er chur shaghrynys er pobble Samaria, boggyssagh jeh hene dy ve ny ard‐ghooinney ennagh.

Galatianee 2:6

Agh er nyn son ocsyn va lowit dy ve red ennagh (cre‐erbee v’ad, cha vel eh veg dooys: cha vel Jee soiaghey jeh persoon dooinney erbee) dy jarroo er nyn son ocsyn va goit dy ve myr shoh, tra va shin noi‐ry‐hoi, cha dynsee mee veg sodjey voue.

Galatianee 6:3

Son my ta dooinney jeeaghyn er hene dy ve red ennagh, tra nagh vel eh monney, t’eh molley eh hene.

2 Peddyr 2:18

Son tra t’ad fockley magh goan mooarey follym, sheidit seose lesh fardail, t’ad cleayney trooid sayntyn ny foalley, liorish mooarane rouanys, adsyn va dy glen er scapail vouesyn ta beaghey ayns shaghrynys:

2 Peddyr 2:2

As eiyree ymmoodee da ny raaidyn mollaghtagh oc, kyndagh roosyn bee raad yn irriney er ny oltooaney.

Jude 1:16

Ta’d shoh sleih ta tallagh, plaiyntee gyn oyr, gimmeeaght lurg nyn yeearreeyn hene; as ta’n beeal oc loayrt focklyn mooarey dy ardail, brynneragh rish persoonyn deiney er graih cosney.

Ashlish 17:3

Er shen hug eh lesh mee liorish y spyrryd gys yn aasagh: as honnick mee ben ny soie er baagh scarleod, lane dy enmyn mollaghtagh, lesh shiaght king, as jeih eairkyn.

Ashlish 17:5

As er glare yn eddin eck va ennym scruit, FOLLIAGHT, YN BABYLON MOOAR, MOIR STREEBEEYN AS REDDYN FEOHDOIL Y THEIHLL.