Jannoo 5:18 - Yn Conaant Noa 1810

¹⁸ As hug ad laueyn er ny ostyllyn, as hilg ad ad ayns y phryssoon chadjin.

Yn Vible Casherick 1775 1819

¹⁸ As hug ad laueyn er ny ostyllyn, as hilg ad ad ayns y phryssoon chadjin.

Jannoo 5:18 ပူးပေါင်းရင်းမြစ်များ

Noo Mian 4:12

Nish tra cheayll Yeesey dy row Ean ny phryssoonagh, jimmee eh dy lhiattee gys Galilee.

Noo Luke 21:12

Agh roish ooilley shoh, gowee ad shiu, as nee ad tranlaase erriu, as livrey‐ee ad shiu seose gys quaiylyn, as gys pryssoonyn, as bee shiu er nyn goyrt fenish reeaghyn as fir‐reill er coontey yn ennym aym’s.

Jannoo 4:3

As lhie ad nyn laueyn orroo, as hug ad ad ayns pryssoon derrey laa ny vairagh: son nish va’n fastyr er.

Jannoo 8:3

Agh ren Saul cragh jeh’n agglish, goll stiagh ayns thieyn, as sleodey magh deiney as mraane, as dyn dilgey ad ayns pryssoon.

2 Corinthianee 11:23

Nee shirveishee Chreest ad? (ta mee loayrt myr ommydan) ta mish er‐nyn‐skyn: ayns tooilleilyn ny s’palchey, ayns surranse buillaghyn erskyn towse, ayns pryssoonyn ny s’menkey, ayns gaue baaish dy mennick.

Hebrewnee 11:36

As va feallagh elley er nyn browal lesh craid dewil, as scuitchal, dy jarroo myrgeddin lesh geulaghyn as pryssooney.

Ashlish 2:10

Ny gow aggle roish veg jeh ny reddyn shen nee oo surranse: cur‐my‐ner, nee yn drogh‐spyrryd paart eu y hilgey ayns pryssoon, dy vod shiu v’er nyn browal; as bee shiu fo tranlaase jeih laa: bee uss firrinagh gys y vaase, as ver‐yms dhyt attey dy vea.