Jannoo 5:13 - Yn Conaant Noa 1810

¹³ As jeh’n vooinjer elley cha by‐lhoys da dooinney erbee cheet stiagh orroo: agh va soiagh mooar jeant jeu liorish y pobble.

Yn Vible Casherick 1775 1819

¹³ As jeh’n vooinjer elley cha by-lhoys da dooinney erbee cheet stiagh orroo: agh va soiagh mooar jeant jeu liorish y pobble.

Jannoo 5:13 ပူးပေါင်းရင်းမြစ်များ

Noo Luke 19:48

As cha row fys oc kys dy heet mygeart‐y‐mish; son va ooilley yn pobble feer aggindagh er clashtyn eh.

Noo Ean 12:42

Ny‐yeih mastey ny eer ard‐reiltee ren ymmodee credjal ayn; agh kyndagh rish ny Phariseeyn cha ghow ad rish, er‐aggle dy beagh ad er ny ghiarey‐magh veih yn agglish.

Noo Ean 19:38

As ny lurg shoh ren Joseph dy Arimathea (va fer jeh ynseydee Yeesey, agh dy follit, ayns aggle roish ny Hewnyn) guee er Pilate, eh dy lhiggey da corp Yeesey y ghoaill ersooyl; as hug Pilate kied da: Haink eh er‐y‐fa shen, as hug eh lesh corp Yeesey.

Noo Ean 9:22

Ny goan shoh loayr e ayr as e voir, son dy row ad ayns aggle roish ny Hewnyn: son va ny Hewnyn er choardail hannah, my ghoghe dooinney erbee rish dy nee eh va’n Creest, dy beagh eh er ny ghiarey magh ass y synagogue.

Jannoo 19:17

As hooar ooilley ny Hewnyn, as ny Ashoonee va baghey ec Ephesus fys er shoh; as haink aggle orroo ooilley, as va ard‐voylley er ny choyrt da ennym y Chiarn Yeesey.

Jannoo 2:47

Cur moylley da Jee, as ayns ard‐ghoo rish ooilley yn pobble. As va’n Chiarn cur stiagh gys yn agglish gagh‐laa lheid as va shirrey son saualtys.

Jannoo 4:21

Myr shen lesh baggyrt sodjey orroo, lhig ad y raad daue, tra nagh daink lhieu nyn gerraghey ad, kyndagh rish y pobble: son va dy chooilley ghooinney gloyraghey Jee son ny v’ad er n’yannoo.

Jannoo 5:26

Eisht hie yn captan, as ny fir‐oik, as hug ad lhieu ad, cha nee er niart: (son va aggle orroo dy jinnagh yn pobble nyn glaghey ad.)

Jannoo 5:5

Tra cheayll Ananias ny goan shoh, huitt eh harrish, as hooar eh baase: as haink aggle mooar orroosyn ooilley cheayll ny reddyn shoh.

2 Corinthianee 10:15

Cha nee boggyssagh jeh reddyn harrish nyn dowse, ta shen, jeh laboraght gheiney elley; agh treishteil, tra vees yn credjue euish er ny vishaghey, dy jean y towse ainyn roshtyn ny sodjey lieriuish dy gholl dy mooar er nyn doshiaght cordail rish y rule ainyn,