Jannoo 4:31 - Yn Conaant Noa 1810

³¹ As erreish daue v’er ghoaill padjer, chrie yn boayl raad va’d er nyn jaglym cooidjagh; as v’ad ooilley lhieent lesh y Spyrryd Noo, as loayr ad goo Yee lesh dunnallys.

Yn Vible Casherick 1775 1819

³¹ As erreish daue v’er ghoaill padjer, chrie yn boayl raad v’ad er nyn jaglym cooidjagh; as v’ad ooilley lhieent lesh y Spyrryd Noo, as loayr ad goo Yee lesh dunnallys.

Jannoo 4:31 ပူးပေါင်းရင်းမြစ်များ

Noo Mian 21:22

As cre‐erbee nee shiu geearree ayns padjer, lesh credjue, yiow shiu eh.

Noo Ean 14:12

Dy firrinagh firrinagh ta mee gra riu, Eshyn ta credjal aynym’s ny obbraghyn ta mish dy yannoo nee eshyn myrgeddin, as obbraghyn smoo na ad shoh nee eh; er‐y‐fa dy vel mish goll royms gys my Ayr.

Noo Ean 15:16

Cha vel shiuish er my reih, agh ta mish er reih shiuish, as er chur shiu ayns pooar, dy vod shiu goll magh as mess y ymmyrkey, as dy vod y mess eu ve beayn: cre‐erbee nee shiu y hirrey er yn Ayr ayns yn ennym aym’s, dy vod eh y chur diu eh.

Noo Ean 15:7

My nee shiu tannaghtyn aynym’s, as my ghoan’s tannaghtyn ayndiuish, shirree shiu cre sailliu, as bee eh jeant er nyn son.

Jannoo 14:3

Ry‐foddey dy earish er‐y‐fa shen duirree ad ayns shen loayrt dy dunnal ayns y Chiarn, ren feanish y ymmyrkey gys goo e ghrayse hene, coyrt daue pooar cowraghyn as yindyssyn dy ve jeant liorish ny laueyn oc.

Jannoo 2:1

As tra va laa ny Kingeesh er jeet, v’ad ooilley lesh un aigney ’syn un voayl.

Jannoo 2:2

As haink doaltattym veih niau feiyr myr dy gheay heidee lajer, as lhieen eh ooilley yn thie raad v’ad nyn soie.

Jannoo 2:4

As v’ad ooilley lhieent lesh y Spyrryd Noo, as ren ad toshiaght dy loayrt lesh chengaghyn noa, myr va’n Spyrryd cur bree loayrtys ayndoo.

Jannoo 4:13

Nish tra hug ad my‐ner dunnallys Pheddyr as Ean, as hoig ad nagh row ad agh deiney boght gyn‐ynsagh, va yindys orroo, as hooar ad magh neesht dy row ad jeh fir‐eiyrtee Yeesey.

Jannoo 4:29

As nish, Hiarn, cur‐my‐ner nyn maggyrt: as giall da dty harvaantyn, dy vod ad lesh slane dunnallys dty ghoo y ockley magh,

Philippianee 1:14

As ta ymmodee jeh ny braaraghyn ayns y Chiarn, er n’aase dunnal liorish my gheulaghyn’s, foddey s’creeoil dy loayrt yn goo fegooish aggle.

Philippianee 1:20

Cordail rish my yerkal jeean, as my hreishteil, nagh bee nearey orrym ayns nhee erbee, agh lesh dy chooilley ghunnallys, myr dy kinjagh, myr shen nish myrgeddin dy bee Creest er ny ghloyraghey ayns my chorp, edyr eh ve liorish bioys ny baase.

Jamys 1:5

My ta veg euish feme creenaght, lhig da geearree er Jee, ta coyrt dy feoilt da dy chooilley ghooinney, as nagh vel mooaraghey, as bee eh er ny choyrt da.