Jannoo 3:23 - Yn Conaant Noa 1810

²³ As hig eh gy‐kione dy bee dy chooilley annym nagh der geill da’n phadeyr shen, er ny stroie veih mastey yn pobble.

Yn Vible Casherick 1775 1819

²³ As hig eh gy-kione, dy bee dy chooilley annym nagh der geill da’n phadeyr shen, er ny stroie veih mastey yn pobble.

Jannoo 3:23 ပူးပေါင်းရင်းမြစ်များ

Noo Mark 16:16

Bee eshyn ta credjal as ta bashtit, er ny hauail; agh bee eshyn nagh jean credjal er ny gheyrey.

Noo Ean 12:48

Eshyn ta soiaghey beg jeem’s as nagh vel goaill rish my ghoan, ta shen echey ta dy vriwnys eh: eer yn goo ta mish er loayrt, nee shen y vriwnys eh ec y laa jerrinagh.

Noo Ean 8:24

Dooyrt mee er‐y‐fa shen riu, dy voghe shiu baase ayns nyn beccaghyn: son mannagh vel shiu credjal dy nee mish eh yiow shiu baase ayns nyn beccaghyn.

Jannoo 2:41

Eisht v’adsyn ren dy arryltagh goaill‐rish e ghoo er nyn mashtey: as y laa cheddin haink three thousaneyn dy leih stiagh gys y chredjue Creestee.

Hebrewnee 10:39

Agh cha vel shin jeh nyn lheid ta tayrn back gys y toyrt‐mow oc hene; agh jeusyn ta credjal, gys saualtys anmey.

Hebrewnee 12:25

Jeeagh‐jee nagh der shiu cooyl rishyn ta loayrt: son mannagh ren adsyn scapail hug cooyl rishyn ren loayrt er y thalloo, foddey smoo cha jig eh lhienyn my hyndaa‐ys mayd ersooyl voishyn ta loayrt veih niau:

Hebrewnee 2:3

Kys oddys shinyn scapail, my nee mayd mee‐rioose er saualtys cha gloyroil, va hoshiaght focklit magh liorish y Chiarn, as v’er ny hickyraghey dooinyn lioroosyn cheayll eh;

Ashlish 13:8

As ver ooilley cummaltee yn theihll ooashley da, nyn enmyn nagh vel scruit ayns lioar bea yn Eayn er ny varroo er‐dy hoshiaght y theihll.

Ashlish 20:15

As quoi‐erbee nagh row ry‐gheddyn scruit ayns lioar y vea, v’ad er nyn dilgey ayns y logh dy aile.