Jannoo 3:16 - Yn Conaant Noa 1810

¹⁶ As yn ennym echeysyn trooid credjue ayns yn ennym cheddin t’er chur niart da’n dooinney shoh, ta shiu dy akin, as er ta enney eu: dy jarroo, she credjue aynsyn t’er n’obbraghey yn couyr breeoil shoh ersyn ’syn enish eu ooilley.

Yn Vible Casherick 1775 1819

¹⁶ As yn ennym echeysyn trooid credjue ayns yn ennym cheddin t’er chur niart da’n dooinney shoh, ta shiu dy akin, as er ta enney eu: dy jarroo, she credjue aynsyn t’er n’obbraghey yn couyr breeoil shoh ersyn ’syn enish eu ooilley.

Jannoo 3:16 ပူးပေါင်းရင်းမြစ်များ

Noo Mian 14:29

As dooyrt eh, Tar royd. As tra va Peddyr er jeet neose ass y lhong, huill eh er yn ushtey, dy gholl gys Yeesey.

Noo Mian 9:22

Agh hyndaa Yeesey mygeayrt, as tra honnick eh ee, dooyrt eh, Inneen, bee dy yien mie; ta dty chredjue er dty laanaghey. As va’n ven er ny lheihys veih yn oor shen magh.)

Noo Ean 14:12

Dy firrinagh firrinagh ta mee gra riu, Eshyn ta credjal aynym’s ny obbraghyn ta mish dy yannoo nee eshyn myrgeddin, as obbraghyn smoo na ad shoh nee eh; er‐y‐fa dy vel mish goll royms gys my Ayr.

Noo Ean 7:23

My ta dooinney er y doonaght goaill giarey‐chymmylt, son nagh bee leigh Voses er ny vrishey; vel shiuish jymmoosagh rhym’s, son dy vel mee er n’yannoo dooinney ooilley magh slane er y doonaght?

Jannoo 14:9

Cheayll eh shoh Paul loayrt; as yeeagh Paul dy gyere er, as cur‐my‐ner dy row credjue echey dy ve er ny lheihys,

Jannoo 16:18

As shoh ren ee ry ymmodee laghyn. Agh Paul seaghnit ec shoh, hyndaa eh, as dooyrt eh rish y spyrryd, Ta mee dy dty harey ayns ennym Yeesey Creest oo dy heet magh ass‐jee. As haink eh magh yn oor cheddin.

Jannoo 3:6

Eisht dooyrt Peddyr, Argid as airh cha vel aym, agh lheid as t’aym ta mee dy chur dhyt: Ayns ennym Yeesey Creest dy Nazareth, irree seose as shooill.

Jannoo 3:8

As lheim eh seose, as hass eh, as huill eh, as hie eh stiagh ayns y chiamble mâroo, shooyl as lheimyragh, as cur moylley da Jee.

Jannoo 4:10

Lhig da fys y ve euish ooilley, as ec ooilley pobble Israel, dy nee liorish ennym Yeesey Creest dy Nazareth, ren shiuish y chrossey, eh ren Jee y hroggal veih ny merriu, dy jarroo liorishyn ta’n dooinney shoh ta ny hassoo kiongoyrt riu er n’gheddyn slane couyr.

Jannoo 4:30

Liorish sheeyney magh dty laue dy lheihys: as dy vod cowraghyn as yindyssyn v’er nyn yannoo liorish ennym dty lhiannoo casherick Yeesey.

Jannoo 4:7

As tra v’ad er chur orroo shassoo stiagh, dênee ad jeu, Liorish cre’n phooar ny cre’n ennym ta shiu er n’yannoo shoh?

Romanee 3:22

Dy jarroo cairys Yee, ta liorish credjue Yeesey Creest, dauesyn ooilley, as orroosyn ooilley ta credjal; son cha vel liettrimys erbee:

1 Corinthianee 13:2

As ga dy beagh aym yn gioot dy adeyrys, as dy doiggin dagh folliaght, as dy chooilley hushtey; as ga dy beagh aym dy chooilley chredjue myr shen dy voddin sleityn y scughey, as gyn graih ve aym, cha vel mee veg.