Jannoo 3:15 - Yn Conaant Noa 1810

¹⁵ As ta shiu er varroo prince y vea, ren Jee y hroggal veih ny merriu; myr ta shinyn nyn veanishyn.

Yn Vible Casherick 1775 1819

¹⁵ As ta shiu er varroo prince y vea, ren Jee y hroggal veih ny merriu; myr ta shinyn nyn veanishyn.

Jannoo 3:15 ပူးပေါင်းရင်းမြစ်များ

Noo Luke 24:48

As ta shiuish nyn veanishyn jeh ny reddyn shoh.

Noo Ean 1:4

Aynsyn va bea, as va’n vea soilshey deiney.

Noo Ean 10:28

As ta mee cur daue yn vea veayn, as cha jean ad dy bragh cherraghtyn, as cha n’ghow fer erbee ad ass my laue er‐niart.

Noo Ean 14:6

Dooyrt Yeesey rish, Mish y raad, yn irriney, as y vea: cha vel dooinney erbee cheet gys yn Ayr, agh lioryms.

Noo Ean 17:2

Myr t’ou er chur da pooar harrish ooilley sheelnaue, dy vod eh yn vea veayn y choyrt da whilleen as t’ou er chur da.

Noo Ean 4:10

Dreggyr Yeesey, as dooyrt eh r’ee, Dy beagh fys ayd’s er gioot Yee, as quoi eh ta gra rhyt, Cur jough dou? veagh oo er hirrey ersyn, as veagh eh er chur dhyt ushtey bio.

Noo Ean 4:14

Agh quoi‐erbee iu‐ys jeh’n ushtey ver‐yms da, cha bee eh dy bragh paagh: agh bee yn ushtey ver‐ym da ny farrane ushtey ayn nee geill gys y vea ta dy bragh farraghtyn.

Noo Ean 5:26

Son ’naght myr ta ec yn Ayr bioys ayn hene; myr shen t’eh er choyrt da’n Mac bioys y ve echey ayn hene;

Jannoo 1:22

Goaill toshiaght veih bashtey Ean derrey’n laa v’eh er ny ghoaill seose voïn, shegin da fer ve ny eanish mârin jeh’n irree‐seose‐reesht echey.

Jannoo 2:24

Eshyn ta Jee er hroggal seose reesht veih ny merriu, liorish feaysley geulaghyn e vaaish: son nagh row eh ayns pooar y vaaish dy chummal fo eh.

Jannoo 2:32

Shoh yn Yeesey cheddin ta Jee er hroggal seose, myr ta shinyn ooilley nyn veanishyn.

Jannoo 4:2

As ayns jiarg‐chorree roo son dy row ad gynsaghey yn pobble, as preacheil trooid Yeesey yn irree‐seose‐reesht veih ny merriu.

Jannoo 5:31

Eshyn ta Jee er droggal seose gys e laue yesh hene, dy ve ny Phrince as ny Haualtagh, dy chur arrys da Israel as leih peccaghyn.

1 Corinthianee 15:45

As myr shen te scruit, Va’n chied dooinney Adam jeant ny annym bio, va’n Adam s’jerree jeant ny Spyrryd ta choyrt bioys.

Ephesianee 1:20

Ren eh gobbraghey ayns Creest, tra hrog eh eh veih ny merriu, as hoie eh eh ec e laue yesh hene ayns ny ynnydyn flaunyssagh.

Hebrewnee 12:2

Jeeaghyn gys Yeesey toshiaght as bun nyn gredjue; ren, son yn eunys va soit kiongoyrt rish, surranse y chrosh, soiaghey beg jeh’n nearey, as t’eh er hoie sheese er laue yesh stoyl‐reeoil Yee.

Hebrewnee 2:10

Son ve cooie dasyn, er e hon ta dy chooilley nhee, as liorish ta dy chooilley nhee, ayns cur lesh ymmodee mec gys gloyr, dy chasherickey captan nyn saualtys trooid surranse.

Hebrewnee 5:9

As myr shoh er ny chasherickey, haink eh dy ve bun y taualtys dy bragh farraghtyn dauesyn ooilley ta coyrt biallys da;

1 Ean 5:20

As ta fys ain dy vel Mac Yee er jeet, as er choyrt dooin tushtey, dy vod mayd enney y choyrt ersyn ta firrinagh: as ta shin aynsyn ta firrinagh, dy jarroo ayns e Vac Yeesey Creest. Shoh yn Jee firrinagh, as yn vea dy bragh farraghtyn.

Ashlish 21:6

As dooyrt eh rhym, Te cooilleenit. Mish Alpha as Omega, yn toshiaght as y jerrey: ver‐yms dasyn ta paagh farrane ushtey’n vea nastee.

Ashlish 22:1

As yeeagh eh dou awin glen dy ushtey yn vea, sollys myr crystal, gell magh ass stoyl‐reeoil Yee, as yn Eayn.

Ashlish 22:17

As ta’n Spyrryd as ben y phoosee gra, Tar‐jee. As lhig dasyn ta clashtyn, gra, Tar‐jee. As lhig dasyn ta paagh cheet. As lhig da quoi‐erbee saillish goaill ushtey yn vea nastee.