Jannoo 28:20 - Yn Conaant Noa 1810

²⁰ Er‐yn‐oyr shoh eisht ta mee er chur fys erriuish, dy akin shiu, as dy loayrt riu: er‐y‐fa son treishteil Israel dy vel mee kianlt lesh y gheuley shoh.

Yn Vible Casherick 1775 1819

²⁰ Er-yn-oyr shoh eisht ta mee er chur fys erriuish, dy akin shiu, as dy loayrt riu: er-y-fa son treishteil Israel dy vel mee kianlt lesh y gheuley shoh.

Jannoo 28:20 ပူးပေါင်းရင်းမြစ်များ

Jannoo 10:29

As she shoh va’n oyr dy vel mee er jeet hiu dy arryltagh, cha leah as hug shiu fys orrym: baillym er‐y‐fa shen shiu dy insh dou cre’n oyr hug shiu fys orrym.

Jannoo 10:33

Chelleeragh er‐y‐fa shen hug mee fys ort: as t’ou er n’yannoo dy mie dy vel oo er jeet. Nish er‐y‐fa shen ta shin ooilley ayns shoh kionfenish, kiongoyrt rish Jee, dy chlashtyn dy chooilley nhee ta Jee er n’oardaghey dhyt.

Jannoo 21:33

Eisht haink yn ard‐chaptan er‐gerrey, as ghow eh eh, as doardee eh eh dy ve kianlt lesh daa gheuley; as dênee eh quoi v’eh hene, as cre v’eh er n’yannoo.

Jannoo 23:6

As tra denee Paul dy row yn derrey ayrn jeu nyn Sadduceeyn, as yn ayrn elley nyn Phariseeyn, deïe eh ayns y choonceil, Gheiney as vraaraghyn, ta mish my Pharisee, my vac da Pharisee: son y treishteil as irree‐seose‐reesht ny merriu ta mee er my vriwnys.

Jannoo 24:15

As ta treishteil aym gys Jee, shen t’ad hene myrgeddin dy lowal, dy bee ayn irree‐seose‐reesht jeh ny merriu, chammah jeh cairagh as neu‐chairagh.

Jannoo 26:29

As dooyrt Paul, Baillym gys Jee dy beagh, cha nee ynrycan oo hene, agh myrgeddin ooilley ny ta dy my chlashtyn er y laa t’ayn jiu, cha nee faggys agh ooilley‐cooidjagh lheid as ta mish, cheu‐mooie jeh ny geulaghyn shoh.

Jannoo 28:17

As haink eh gy‐kione lurg three laa, dy deïe Paul er ny ard Hewnyn cooidjagh. As tra v’ad er jeet huggey, dooyrt eh roo, Gheiney as vraaraghyn, ga nagh vel mee er n’yannoo nhee erbee noi yn pobble, ny cliaghtaghyn nyn shenn‐ayryn, ny‐yeih va mee er my livrey seose my phryssoonagh veih Jerusalem gys laueyn ny Romanee.

Ephesianee 3:1

Son yn oyr shoh, ta mish Paul, pryssoonagh Yeesey Creest er y choontey euish Ashoonyn‐quaagh;

Ephesianee 4:1

Ta mish er‐y‐fa shen pryssoonagh ayns cooish y Chiarn, coyrlaghey shiu dy jean shiu gymmyrkey shiu hene ayns aght cooie gys y stayd huggey ta shiu er nyn eam,

Ephesianee 6:20

Er y choontey echey ta mee my haghter ayns geulaghyn: er y hon dy voddym loayrt dy dunnal, myr lhisin loayrt.

Philippianee 1:13

Myr shen dy vel my gheulaghyn er coontey Chreest imraït ayns ooilley plaase y ree, as ayns dy chooilley ynnyd elley;

Colossianee 4:18

My vea as slaynt hiu fo my laue hene Paul. Cooinee‐jee er my gheulaghyn. Grayse dy row mêriu. Amen.

2 Timothy 1:10

Agh ta nish er ny hoilshaghey liorish cheet nyn Saualtagh Yeesey Creest, ta er stroie yn baase, as er choyrt lesh bea as bioys son dy bragh gys soilshey, liorish y sushtal:

2 Timothy 2:9

Er y hon ta mee gymmyrkey seaghyn myr drogh‐yantagh, dy jarroo gys geulaghyn; agh cha vel goo Yee kianlt.

Philemon 1:10

Ta mee jannoo aghin hood ayns lieh my vac Onesimus, ta mee er gheddyn ayns y chredjue tra va mee ayns my gheulaghyn:

Philemon 1:13

Eshyn veign er reayll mârish, ayns yn ynnyd ayd’s dy voddagh eh ve shirveishagh dou ayns geulaghyn y tushtal.