Jannoo 28:17 - Yn Conaant Noa 1810

¹⁷ As haink eh gy‐kione lurg three laa, dy deïe Paul er ny ard Hewnyn cooidjagh. As tra v’ad er jeet huggey, dooyrt eh roo, Gheiney as vraaraghyn, ga nagh vel mee er n’yannoo nhee erbee noi yn pobble, ny cliaghtaghyn nyn shenn‐ayryn, ny‐yeih va mee er my livrey seose my phryssoonagh veih Jerusalem gys laueyn ny Romanee.

Yn Vible Casherick 1775 1819

¹⁷ As haink eh gy-kione lurg three laa, dy deïe Paul er ny ard Hewnyn cooidjagh. As tra v’ad er jeet huggey, dooyrt eh roo, Gheiney as vraaraghyn, ga nagh vel mee er n’yannoo nhee erbee noi yn pobble, ny cliaghtaghyn nyn shenn-ayryn, ny-yeih va mee er my livrey seose my phryssoonagh veih Jerusalem gys laueyn ny Romanee.

Jannoo 28:17 ပူးပေါင်းရင်းမြစ်များ

Jannoo 13:50

Agh ghreinnee ny Hewnyn ny mraane seyrey va jeh’n chredjue oc, as deiney ooasle yn ard‐valley nyn ’oï oc, as dirree ad seose noi Paul as Barnabas, as deiyr ad ad ass dy ardjyn oc.

Jannoo 22:5

Myr ta’n ard‐saggyrt hene gymmyrkey feanish lhiam, as slane quaiyl y chanstyr: voue hooar mee myrgeddin screeuyn gys ny braaraghyn, as hie mee gys Damascus, dy chur lhiam adsyn v’ayns shen, kianlt gys Jerusalem, dy v’er nyn gerraghey.

Jannoo 23:33

As tra haink ny markee gys Cesarea, livrey ad ny screeuyn gys y chiannoort, as hoie ad Paul myrgeddin kiongoyrt rish.

Jannoo 25:10

Eisht dooyrt Paul, Ta mee my hassoo ec stoyl‐briwnys Cesar, raad s’cair dou ve er my vriwnys: da ny Hewnyn cha vel mee er n’yannoo aggair erbee, myr s’mie ta fys ayd hene.

Jannoo 25:2

Eisht haink yn ard‐saggyrt, as reiltee ny Hewnyn kionfenish, as ghuee ad er clashtyn y choyrt daue noi Paul.

Jannoo 25:8

Choud v’eshyn lhiassaghey ass e lieh hene, Chamoo noi leigh ny Hewnyn, chamoo noi yn chiamble, ny foast noi Cesar, ta mee er n’yannoo foill erbee.

Jannoo 6:14

Son ta shin er chlashtyn eh gra, dy jean Yeesey shoh dy Nazareth yn ynnyd shoh y stroie, as ny oardaghyn y chaghlaa ren Moses y livrey dooin.