Jannoo 26:24 - Yn Conaant Noa 1810

²⁴ As myr v’eh myr shoh loayrt ass e lieh hene, dooyrt Festus lesh ard‐choraa, T’ou ass dty cheeayl, Phaul: ta’n ynsagh mooar dy chur oo er‐shaghryn.

Yn Vible Casherick 1775 1819

²⁴ As myr v’eh myr shoh loayrt ass e lieh hene, dooyrt Festus lesh ard-choraa, T’ou ass dty cheeayl, Phaul: ta’n ynsagh mooar dy chur oo er-shaghryn.

Jannoo 26:24 ပူးပေါင်းရင်းမြစ်များ

Noo Mark 3:21

As tra cheayll e gheiney‐mooinjerey jeh, hie ad magh dy ghoaill eh: son dooyrt ad, T’eh ass e cheeayl.

Noo Ean 7:15

As ghow ny Hewnyn yindys, gra, Kys ta lheid yn ynsagh ec y dooinney shoh, nagh row eh hene rieau ynsit?

Noo Ean 8:48

Eisht dreggyr ny Hewnyn, as dooyrt ad rish, Nagh vel shin gra yn irriney, dy nee Samaritan oo, as dy vel drogh‐spyrryd aynyd.

Noo Ean 8:52

Eisht dooyrt ny Hewnyn rish, Nish ta fys ain dy vel drogh‐spyrryd aynyd. Ta Abraham marroo as ny phadeyryn; as t’ou uss gra, My ta dooinney freayll my raa’s, cha jean eh blashtyn er y baase dy bragh beayn.

Jannoo 17:32

As tra cheayll ad jeh irree‐seose‐reesht ny merriu ren paart gannidys: as dooyrt cooid elley jeu, Ver mayd clashtyn dhyt keayrt ennagh elley mychione y chooish shoh.

Jannoo 22:1

Gheiney, vraaraghyn, as ayraghyn, clasht‐jee rish ny t’aym’s dy ghra ayns my lieh hene.

Jannoo 24:25

As myr v’eh resooney mychione cairys, sheeltys, as y vriwnys ry heet, huitt Felix er creau, as dansoor eh, Immee royd son y traa shoh, as cha leah’s yioym caa cooie er y hon, ver‐ym fys ort.

Jannoo 24:27

Agh ec kione daa vleïn haink Portius Festus ayns ynnyd Felix: as son dy row Felix booiagh jannoo nhee taitnyssagh da ny Hewnyn, daag eh Paul ny phryssoonagh.

Jannoo 26:11

As smaghtee mee ad dy mennick ayns dy chooilley synagogue, as dêginee mee ad dy oltooan [Creest]; as va mee ass towse elgyssagh nyn ’oï oc, as ren mee tranlaase orroo gys eer ard‐valjyn joarree.

1 Corinthianee 1:23

Agh ta shinyn preacheil Creest v’er ny chrossey, da ny Hewnyn, scammylt, as da ny Greekyn, ommijys;

1 Corinthianee 4:10

Ta shinyn goit son ommydanyn er coontey Chreest, agh ta shiuish creeney ayns Creest: ta shinyn annoon, agh ta shiuish lajer: ta shiuish ooasle; agh ta beg er ny hoiaghey j’inyn.

2 Corinthianee 5:13

Son edyr shin ve shaghey shin hene, tee gys Jee: ny edyr shin ve orrin hene, te er y ghraih euish.

2 Timothy 3:15

As neayr’s v’ou dty lhiannoo dy vel oo er ve ynsit ayns ny scriptyryn casherick, oddys oo y yannoo creeney gys saualtys, trooid credjue ayns Creest Yeesey.