Jannoo 26:18 - Yn Conaant Noa 1810

¹⁸ Dy osley nyn sooillyn, as dy hyndaa ad veih dorraghys gys soilshey, as veih pooar Noid‐ny‐hanmey gys Jee, dy vod ad leih peccaghyn y gheddyn, as eiraght nyn mast’ ocsyn t’er nyn gasherickey liorish y credjue ta aynym’s.

Yn Vible Casherick 1775 1819

¹⁸ Dy osley nyn sooillyn, as dy hyndaa ad veih dorraghys gys soilshey, as veih pooar Noid-ny-hanmey gys Jee, dy vod ad leih peccaghyn y gheddyn, as eiraght nyn mast’ ocsyn t’er nyn gasherickey liorish y credjue ta aynym’s.

Jannoo 26:18 ပူးပေါင်းရင်းမြစ်များ

Noo Mian 4:10

Eisht dooyrt Yeesey rish, Ass my enish oo, Noid‐ny‐hanmey: son te scruit, Ver oo ooashley da’n Chiarn dty Yee, as eshyn ynrycan nee oo shirveish.

Noo Mian 4:16

Ta’n pobble va nyn soie ayns dorraghys, er vakin soilshey mooar: as orroosyn va nyn soie ayns cheer as scadoon vaaish, ta soilshey er n’irree seose.

Noo Luke 1:77

Dy chur tushtey dy haualtys da e phobble, liorish leih nyn beccaghyn,

Noo Luke 1:79

Dy chur soilshey dauesyn ta nyn soie ayns dorraghys as ayns scadoo yn vaaish, dy leeideil ny cassyn ain ayns raad y chee.

Noo Luke 2:32

Soilshey dy hoilshean er ny Ashoonee, as gloyr dty phobble Israel.

Noo Luke 24:45

Eisht doshil eh yn tushtey oc, dy voddagh ad ny scriptyryn, y hoiggal,

Noo Luke 24:47

As arrys as leih peccaghyn dy ve er nyn breacheil ayns yn ennym echey, mastey dy chooilley ashoon, goaill toshiaght ec Jerusalem.

Noo Luke 4:18

Ta spyrryd y Chiarn orrym’s, er‐y‐fa dy vel eh er my ooillaghey dy phreacheil y sushtal gys ny boghtyn, t’eh er my choyrt dy laanaghey yn vooinjer hrome‐chreeagh, dy phreacheil livrey‐ys gys ny cap‐peeyn, dy chur soilshey da ny doail, as reamys dauesyn ta broojit,

Noo Ean 17:17

Jean ad y chasherickey son dty irriney: dty ghoo she firrinys eh.

Noo Ean 3:19

As shoh yn vriwnys, dy vel soilshey er jeet gys y theihll, as dy row deiney ny s’graihee er y dorraghys na er y toilshey, er‐y‐fa dy row nyn obbraghyn olk.

Noo Ean 4:10

Dreggyr Yeesey, as dooyrt eh r’ee, Dy beagh fys ayd’s er gioot Yee, as quoi eh ta gra rhyt, Cur jough dou? veagh oo er hirrey ersyn, as veagh eh er chur dhyt ushtey bio.

Noo Ean 4:14

Agh quoi‐erbee iu‐ys jeh’n ushtey ver‐yms da, cha bee eh dy bragh paagh: agh bee yn ushtey ver‐ym da ny farrane ushtey ayn nee geill gys y vea ta dy bragh farraghtyn.

Noo Ean 8:12

Eisht loayr Yeesey roo reesht, gra, Mish soilshey yn theihll: eshyn ta geiyrt orrym’s, cha shooyllee eh ayns y dorraghys, agh bee echeysyn soilshey yn vea.

Noo Ean 9:39

As dooyrt Yeesey, Son briwnys haink mish gys y theihll shoh: dy vod adsyn nagh vel fakin, fakin; as adsyn ta fakin, dy vod ad v’er nyn yannoo doal.

Noo Ean 9:5

Choud as ta mee ayns y theihll, mee soilshey yn theihll.

Jannoo 10:43

Leshyn ta ooilley ny phadeyryn gymmyrkey feanish, trooid yn ennym echey, quoi‐erbee chred‐jys ayn, dy vow eh feaysley peccaghyn.

Jannoo 13:47

Son shen myr ta’n Chiarn er chur sarey dooin, gra, Ta mee er hoiaghey oo seose dy ve dty hoilshey da ny Ashoonee, as dy ve son saualtys gys ardjyn sodjey magh y thallooin.

Jannoo 15:9

As cha dug eh liettrimys erbee eddyr adsyn as shinyn, casherickey ny creeaghyn oc liorish credjue.

Jannoo 2:38

Eisht dooyrt Peddyr roo, Gow‐jee arrys as bee‐jee er nyn mashtey dy chooilley unnane eu ayns ennym Yeesey Creest, son leih peccaghyn, as yiow shiu gioot y Spyrryd Noo.

Jannoo 20:21

Gymmyrkey feanish chammah gys ny Hewnyn as myrgeddin gys ny Ashoonee, mychione arrys gys Jee, as credjue gys nyn Jiarn Yeesey Creest.

Jannoo 20:32

As nish, vraaraghyn, ta mee chymney shiu gys Jee, as gys goo e ghrayse, ta abyl nyn droggal shiu seose, as eiraght y chur diu nyn mast’ ocsyn ooilley ta er nyn gasherickey.

Jannoo 26:19

Er shoh, ree Agrippa, cha row mee mee‐viallagh gys yn ashlish flaunyssagh:

Jannoo 26:23

Dy row Creest dy hurranse, as dy nee eh veagh y chied er yinnagh girree veih ny merriu, as soilshey y skeayley magh er y pobble, as er ny Ashoonee.

Jannoo 3:19

Gow‐jee arrys er‐y‐fa shen, as chyndaa‐jee, dy vod shiu v’er nyn ghlenney veih nyn beccaghyn, dy vod earishyn yn ooraghey cheet erriu veih fenish y Chiarn,

Jannoo 5:31

Eshyn ta Jee er droggal seose gys e laue yesh hene, dy ve ny Phrince as ny Haualtagh, dy chur arrys da Israel as leih peccaghyn.

Romanee 8:17

As my she cloan shin, eisht eiraghyn; eiraghyn dy Yee, as co‐eiraghyn marish Creest: my she shen dy vel shin surranse mârishyn, dy vod mayd myrgeddin ve cooidjagh er nyn ghloyraghey.

1 Corinthianee 1:2

Gys agglish Yee ta ec Corinth, hucsyn t’er nyn gasherickey ayns Creest Yeesey, er nyn eam dy ve nyn nooghyn mâroosyn ooilley ta ayns dy chooilley ynnyd geamagh er ennym Yeesey Creest, chammah yn Chiarn ocsyn as ainyn.

1 Corinthianee 1:30

Agh jehsyn ta shiuish ayns Creest Yeesey eshyn ta liorish Jee er ny yannoo dooinyn creenaght, as cairys, as casherickys, as livrey‐ys:

2 Corinthianee 4:4

Ny vud oc ta Jee yn seihll shoh er choyrt fo dorraghys ny smooinaghtyn ocsyn nagh vel credjal, nagh jinnagh soilshey sushtal gloyroil Chreest, ta co‐chaslys Yee, soilshean hucsyn.

2 Corinthianee 4:6

Son ta Jee, doardee yn soilshey dy hoilshean ass y dorraghys, er hoilshean ayns ny creeaghyn ain, dy chur soilshey jeh tushtey dy ghloyr Yee, ayns fenish Yeesey Creest.

2 Corinthianee 6:14

Ny bee‐jee dy neu‐chorrym sniemmit cooidjagh marish ny mee‐chredjuee: son cre’n sheshaght t’ec cairys rish mee‐chairys? ny cre’n chommeeeys t’ec soilshey rish dorraghys?

Galatianee 2:20

Ta mee er my chrossey marish Creest: Ny‐yeih ta mee bio; foast cha nee mish, agh Creest ta bio aynym: as y vea ta mee nish dy veaghey ’syn eill, ta mee beaghey liorish credjue Mac Yee, va graih echey orrym, as ren eh‐hene y choyrt er my hon.

Galatianee 3:14

Dy voddagh bannaght Abraham cheet er ny Ashoonee trooid Yeesey Creest: dy voddagh shin gialdyn yn Spyrryd y chosney trooid credjue.

Galatianee 3:2

Shoh ny lomarcan baillym gynsaghey veue, Ren shiu yn Spyrryd y gheddyn liorish obbraghyn y leigh, ny liorish y clashtyn dy chredjue?

Ephesianee 1:11

Ayn myrgeddin ta shin er gheddyn eiraght, myr va shin pointit ro‐laue cordail rish y chiarail echeysyn ta gobbraghey dy chooilley nhee lurg coyrle e aigney hene:

Ephesianee 1:14

Ta eearlys yn eiraght ain, derrey va price yn chionniaght eeckit, gys moylley e ghloyr.

Ephesianee 1:18

Liorish sooillyn nyn dushtey v’er ny hoilshaghey; dy vod shiu toiggal cre ta treishteil yn eam echey, as cre ta berchys gloyr e eiraght ayns ny nooghyn,

Ephesianee 1:7

Aynsyn ta feaysley ain trooid e uill, leih peccaghyn, cordail rish berchys e ghrayse;

Ephesianee 2:8

Son liorish grayse ta shiu er nyn sauail, trooid credjue; as shen cha nee j’iu hene: shen gioot Yee eh:

Ephesianee 4:18

Yn tushtey oc fo dorraghys, nyn yoarreeyn gys bea Yee, kyndagh rish y vee‐hushtey t’ayndoo, trooid creoghys nyn greeaghyn:

Ephesianee 5:11

As ny lhig da sheshaght er bee ’ve eu rish obbraghyn neu‐vessoil y dorraghys, agh ny sleaie cur oghsan daue:

Ephesianee 5:14

Shen‐y‐fa t’eh gra, Dooisht, uss ta dty chadley, as irree veih ny merriu, as ver Creest soilshey diu.

Ephesianee 5:8

Son va shiu keayrt dy row dorraghys, agh nish ta shiu soilshey ayns y Chiarn: immee‐jee myr cloan y toilshey;

Ephesianee 6:12

Son cha vel shin gleck noi feill as fuill, agh noi ard‐reilltee, noi pooaraghyn, noi leeideilee dorraghys y theihll shoh, noi olkys spyrrydoil ayns ny ardjyn er‐nyn‐skyn.

2 Timothy 2:26

As dy vod ad feaysley ad hene ass ribbey yn drogh‐spyrryd, ta goit nyn gappee liorishyn ec e aigney.

Hebrewnee 10:10

Liorish yn aigney cheddin ta shin er nyn gasherickey, liorish yn oural jeh corp Yeesey Creest un cheayrt son ooilley.

Hebrewnee 10:14

Son liorish un oural t’eh er heyrey adsyn son dy bragh ta er nyn gasherickey:

Hebrewnee 11:6

Agh fegooish credjue te neu‐phossible eshyn y wooiys: son eshyn ta cheet gys Jee, shegin da credjal dy vel Jee ayn, as dy vel eh cooilleeney adsyn ta dy imnea‐agh shirrey huggey.

Hebrewnee 9:15

As son yn oyr shoh she eshyn ta eddyr shin as Jee fo’n conaant noa, myr shen liorish fuilliaghtyn baase dy yannoo lhiassaghey son ny peccaghyn va fo’n chied chonaant, dy voddagh adsyn t’er nyn eam geddyn yn gialdynys jeh eiraght dy bragh farraghtyn.

Jamys 2:5

Toig‐jee, my vraaraghyn ghraihagh, Nagh vel Jee er reih boghtyn y theihll shoh, berchagh ayns credjue, as eiraghyn y reeriaght t’eh er ghialdyn dauesyn ta graihagh er?

1 Peddyr 1:4

Gys eiraght shickyr as casherick, as nagh vel lheïe ersooyl, kiarit ayns niau nyn gour euish.

1 Peddyr 2:25

Son va shiu myr kirree goll er‐shaghryn; agh ta shiu nish er jyndaa reesht gys Bochilley as Aspick nyn anmeenyn.

1 Peddyr 2:9

Agh ta shiuish sheeloghe reiht, saggyrtys reeoil, ashoon casherick, pobble cosnit; dy jinnagh shiu soilshaghey magh yn moylley echeysyn t’er n’eamagh shiu ass y dorraghys gys e hoilshey mirrilagh:

1 Ean 1:9

My ta shin goaill‐rish nyn beccaghyn, t’eshyn firrinagh as cairagh dy leih dooin nyn beccaghyn, as dy ghlenney shin veih dy chooilley neu‐ynrickys.

1 Ean 2:12

Ta mee scrieu hiu, chloan veggey, er‐yn‐oyr dy vel ny peccaghyn eu er ny leih diu er graih e ennym.

1 Ean 3:8

Eshyn ta jannoo peccah, t’eh jeh’n drogh‐spyrryd; son ta’n drogh‐spyrryd kyndagh jeh peccah er‐dyn toshiaght. Son yn oyr shoh va Mac Yee er ny hoilshaghey, dy voddagh eh cur mow obbraghyn y drogh‐spyrryd.

1 Ean 5:19

As ta fys ain dy vel shin veih Jee, as dy vel ooilley yn seihll ny lhie ayns mee‐chraueeaght.

Jude 1:1

Jude sharvaant Yeesey Creest, as braar Yamys, hucsyn ta er nyn gasherickey liorish Jee yn Ayr, as er nyn goadey ayns Yeesey Creest, as er nyn eam:

Ashlish 21:27

As cha jed stiagh ayn er aght erbee red erbee neu‐ghlen, chamoo nhee erbee ta gobbraghey eajeeys, ny jannoo foalsaght: agh adsyn ta scruit ayns lioar vea yn Eayn.