Jannoo 26:16 - Yn Conaant Noa 1810

¹⁶ Agh irree, as shass er dty chassyn: son ta mish er hoilshaghey mee hene dhyt er yn oyr shoh, dy yannoo oo dty hirveishagh as dty eanish, chammah jeh ny reddyn t’ou er vakin, as jeh ny reddyn shen ayndoo nee’m mee‐hene y hoilshaghey dhyt;

Yn Vible Casherick 1775 1819

¹⁶ Agh irree, as shass er dty chassyn: son ta mish er hoilshaghey mee hene dhyt er-yn-oyr shoh, dy yannoo oo dty hirveishagh as dty eanish, chammah jeh ny reddyn t’ou er vakin, as jeh ny reddyn shen ayndoo nee’m mee-hene y hoilshaghey dhyt;

Jannoo 26:16 ပူးပေါင်းရင်းမြစ်များ

Noo Luke 1:2

Eer myr hoilshee ad dooinyn ad, va er‐dyn toshiaght nyn veanishyn sooilley as nyn shirveishee jeh’n ghoo.

Jannoo 1:17

Son v’eh er ny earroo mârin, as er ghoaill ayrn jeh’n chirveish shoh.

Jannoo 1:25

Dy ghoaill ayrn jeh’n chirveish as yn ostyllys shoh, veih ta Yuaase liorish e pheccah er duittym, as er n’gholl gys e ynnyd hene.

Jannoo 20:24

Agh cha vel veg jeh ny reddyn shoh dy my agglagh, chamoo ta mee soiaghey jeh my vioys hene, my oddym agh my choorse y chooilleeney lesh boggey, as y chirveish ta er my churrym veih’n Chiarn Yeesey, dy ymmyrkey feanish gys sushtal grayse Yee.

Jannoo 21:19

As tra v’eh er vannaghey daue, hoilshee eh daue ayns coorse ny reddyn va Jee er n’obbraghey mastey ny Ashoonee liorish y chirveish echeysyn.

Jannoo 22:10

As dooyrt mish, Cre nee’m, Hiarn? As dooyrt y Chiarn rhym, Irree, as immee gys Damascus, as ayns shen vees inshit dhyt mychione dy chooilley nhee ta kiarit dhyt dy yannoo.

Jannoo 23:11

As yn oie er‐giyn hass y Chiarn liorish, as dooyrt eh, Bee dy yien mie, Phaul: son myr t’ou er n’ymmyrkey feanish jeem’s ayns Jerusalem, myr shen neesht shegin dhyt feanish y ymmyrkey ec y Raue.

Jannoo 26:15

As dooyrt mish, Quoi oo, Hiarn? As dooyrt eh, Mish Yeesey, orrym t’ou jannoo tranlaase.

Jannoo 6:4

Agh nee shinyn tannaghtyn kinjagh dy hirveish ayns padjer as preacheil y goo.

Romanee 1:5

Liorishyn ta shin er n’gheddyn grayse as ostyllys son biallys gys y chredjue mastey dy chooilley ashoon liorish yn ennym echey:

Romanee 15:16

Dy beign’s shirveishagh Yeesey Creest gys ny Ashoonee, shirveish sushtal Yee, dy voddagh soiagh ve jeant jeh ny Ashoonee chebbit seose son oural, er ny chasherickey liorish y Spyrryd Noo.

2 Corinthianee 4:1

Fakin er‐y‐fa shen dy vel yn oik shoh ain, myr ta shin er gheddyn myghin, cha vel shin lhiggey nyn gree voïn:

2 Corinthianee 5:18

As ta dy chooilley nhee veih Jee, ta er choardail shinyn rish hene liorish Yeesey Creest, as ta er livrey dooin shirveish y choardail;

Galatianee 1:12

Son chamoo hooar mee eh voish dooinney, chamoo hie eh er ynsaghey dou, agh liorish ashlish Yeesey Creest.

Galatianee 2:2

As hie mee seose myr ve er ny hoilshaghey dou ayns ashlish, as hirveish mee orroosyn yn sushtal shen ta mee dy phreacheil mastey ny Ashoonyn, agh er‐lheh da ny ard‐gheiney, er‐aggle er aght erbee dy roie‐in, ny dy beign er roie ayns fardail.

Ephesianee 3:3

Kys liorish ashlish ren eh soilshaghey dooys yn folliaght (myr scrieu mee roïe ayns focklyn giarey.

Colossianee 1:23

My nee shiu tannaghtyn ’sy chredjue gruntit as shickyrit, as gyn ve scughit ersooyl veih treishteil y tushtal, ta shiu er chlashtyn, as v’er ny phreacheil da dy chooilley chretoor fo niau; jeh shen ta mish Paul pointit dy ve my hirveishagh.

Colossianee 1:25

Jeh’n chooid cheddin, ta mish er my yannoo my hirveishagh cordail rish oardagh Yee, t’er ny choyrt dooys er y choontey euish, dy chooilleeney goo Yee;

Colossianee 1:7

Myr dynsee shiu myrgeddin jeh Epaphras nyn sheshey sharvaant graihagh, ta er ny son euish nyn hirveishagh firrinagh dy Chreest.

1 Thessalonianee 3:2

As chur shin Timotheus nyn mraar as shirveishagh Yee, as nyn sheshey‐labree ayns sushtal Chreest, dy niartaghey shiu, as dy gherjaghey shiu mychione nyn gredjue:

1 Timothy 1:12

As ta mee cur booise da Creest Yeesey nyn Jiarn, t’er my niartaghey, son dy gow eh mee dy ve firrinagh, pointeil mee gys oik y chirveish;

1 Timothy 4:6

My nee oo ny braaraghyn y choyrt ayns cooinaghtyn jeh ny reddyn shoh, bee oo dty hirveishagh vie dy Yeesey Creest, troggit ayns goan y chredjue, as ynsagh mie, huggey t’ou er roshtyn.

2 Timothy 4:5

Agh bee uss er dty arrey ayns dy chooilley nhee, bee surransagh fo seaghyn, cooilleen obbyr sushtallagh, cur slane prowal jeh dty oik.