Jannoo 25:8 - Yn Conaant Noa 1810

⁸ Choud v’eshyn lhiassaghey ass e lieh hene, Chamoo noi leigh ny Hewnyn, chamoo noi yn chiamble, ny foast noi Cesar, ta mee er n’yannoo foill erbee.

Yn Vible Casherick 1775 1819

⁸ Choud’s v’eshyn lhiassaghey ass e lieh hene, Chamoo noi leigh ny Hewnyn, chamoo noi yn chiamble, ny foast noi Cesar, ta mee er n’yannoo foill erbee.

Jannoo 25:8 ပူးပေါင်းရင်းမြစ်များ

Jannoo 23:1

As yeeagh Paul dy gyere er y choonceil, as dooyrt eh, Gheiney as vraaraghyn, Ta mee er n’ymmyrkey mee‐hene fenish Jee lesh cooinsheanse slane ynrick gys y laa t’ayn jiu.

Jannoo 24:12

As cha dooar ad mee ayns y chiamble ayns argane rish dooinney erbee, ny greinnaghey yn pobble gys irree magh, edyr ayns ny synagogueyn, ny ayns yn ard‐valley:

Jannoo 24:14

Agh shoh ta mee goaill‐rish hood’s, lurg yn aght t’adsyn genmys shaghrynys veih’n chredjue, dy nee shen myr ta mish cur ooashley da Jee my ayraghyn, credjal dagh nhee ta scruit ayns y leigh as ny phadeyryn:

Jannoo 24:6

T’eh myrgeddin er ghoaill er dy an‐chasherickey yn chiamble: as ghow shinyn eh, as baill‐lhien v’er vriwnys eh cordail rish y leigh ain hene.

Jannoo 25:10

Eisht dooyrt Paul, Ta mee my hassoo ec stoyl‐briwnys Cesar, raad s’cair dou ve er my vriwnys: da ny Hewnyn cha vel mee er n’yannoo aggair erbee, myr s’mie ta fys ayd hene.

Jannoo 28:17

As haink eh gy‐kione lurg three laa, dy deïe Paul er ny ard Hewnyn cooidjagh. As tra v’ad er jeet huggey, dooyrt eh roo, Gheiney as vraaraghyn, ga nagh vel mee er n’yannoo nhee erbee noi yn pobble, ny cliaghtaghyn nyn shenn‐ayryn, ny‐yeih va mee er my livrey seose my phryssoonagh veih Jerusalem gys laueyn ny Romanee.

Jannoo 28:21

As dooyrt adsyn rish, Cha dooar shinyn edyr screeunyn veih Judea my‐dty‐chione, chamoo ren veg jeh ny braaraghyn t’er jeet soilshaghey ny loayrt red erbee dy olk jeed.

2 Corinthianee 1:12

Son shoh nyn moggey, feanish nyn gooinsheanse, ayns ônid, as ynrickys crauee, cha nee lesh creenaght seihltagh, agh liorish grayse Yee, dy vel shin er n’ymmyrkey shin hene ’sy theihll, as foddey smoo ny mast’ euish.