Jannoo 25:11 - Yn Conaant Noa 1810

¹¹ Son my ta mee my ghrogh‐yantagh, ny my ta mee er n’yannoo nhee erbee dy hoilchin baase, cha vel mee gobbal baase y hurranse: agh mannagh vel yn irriney ayns nhee erbee t’ad shoh dy choyrt my lieh, cha vod dooinney erbee mish y livrey seose huc. Ta mee scughey yn chooish gys Cesar.

Yn Vible Casherick 1775 1819

¹¹ Son my ta mee my ghrogh-yantagh, ny my ta mee er n’yannoo nhee erbee dy hoilchin baase, cha vel mee gobbal baase y hurranse: agh mannagh vel yn irriney ayns nhee erbee t’ad shoh dy choyrt my lieh, cha vod dooinney erbee mish y livrey seose huc. Ta mee scughey yn chooish gys Cesar.

Jannoo 25:11 ပူးပေါင်းရင်းမြစ်များ

Jannoo 16:37

Agh dooyrt Paul roo, T’ad er nyn mwoalley dy foshlit ga dy nee Romanee shin, as neu‐chyndagh, as er hilgey shin ayns pryssoon; as vel ad nish dyn eiyrt shin magh dy follit? shen red nagh jean; agh lhig daue hene cheet as shin y chur lhieu magh.

Jannoo 18:14

As nish myr va Paul mysh loayrt, dooyrt Gallio rish ny Hewnyn, Dy beagh eh cooish dy aggair, ny obbyr scammyltagh erbee, cha beagh eh agh resoonagh dooys, O Hewnyn, dy ymmyrkey lhieu:

Jannoo 22:25

As myr v’ad dy chiangley eh lesh yeeallyn, dooyrt Paul rish y chaptan‐keead va ny hassoo liorish, Vel eh lowal diuish dy scuitchal dooinney ta ny Romanagh as gyn deyrey?

Jannoo 25:10

Eisht dooyrt Paul, Ta mee my hassoo ec stoyl‐briwnys Cesar, raad s’cair dou ve er my vriwnys: da ny Hewnyn cha vel mee er n’yannoo aggair erbee, myr s’mie ta fys ayd hene.

Jannoo 25:12

Eisht loayr Festus rish y choonceil, as dooyrt eh, Vel oo er scughey yn chooish gys Cesar? gys Cesar shegin dhyt goll.

Jannoo 25:21

Agh tra va Paul er scughey yn chooish gys clashtyn Augustus, doardee mee eh dy ve er ny reayll derrey oddin eh y choyrt gys Cesar.

Jannoo 25:25

Agh tra hoig mish, nagh row eh er n’yannoo nhee erbee dy hoilchin baase, as dy row eh hene er scughey yn chooish gys Augustus, ta mee kiarit dy choyrt eh.

Jannoo 26:32

Eisht dooyrt Agrippa rish Festus, Oddagh feaysley ve ec y dooinney shoh, er‐be dy vel eh er scughey yn chooish gys Cesar.

Jannoo 28:19

Agh tra loayr ny Hewnyn noi shoh, va mee êginit dy scughey my chooish gys Cesar; cha nee son dy row plaiynt erbee aym, jeh dy chassid my ashoon hene.

1 Thessalonianee 2:15

Chur dy baase chammah yn Chiarn Yeesey, as ny phadeyryn oc hene, as er n’yannoo tranlaase orrin; as cha vel ad pleasal Jee, as t’ad noi dy chooilley ghooinney: