Jannoo 24:5 - Yn Conaant Noa 1810

⁵ Ta shin er gheddyn yn dooinney shoh fer erskyn towse boiragh, as doostey anvea mastey ooilley ny Hewnyn er feai‐ny‐cruinney, as ny ard‐leeideilagh ayns shaghrynys credjue ny Nazarenee:

Yn Vible Casherick 1775 1819

⁵ Ta shin er gheddyn yn dooinney shoh fer erskyn-towse boiragh, as doostey anvea mastey ooilley ny Hewnyn er feaï-ny-cruinney, as ny ard-leeideilagh ayns shaghrynys credjue ny Nazarenee:

Jannoo 24:5 ပူးပေါင်းရင်းမြစ်များ

Noo Mian 10:25

S’lioar da’n scoillar dy ve myr e vainshter, as y charvaant myr e hiarn: my t’ad er cheau Beelzebub er mainshter y thie, cre‐woad smoo nee ad e vooinjer y oltooaney.

Noo Mian 2:23

As jimmee eh dy chummal ayns ard‐valley enmyssit Nazareth: as shoh myr va cooilleenit shen loayr ny phadeyryn, Bee eh enmyssit ny Nazarene.

Noo Mark 1:24

Gra, Faag voïd shin, cre’n eïe t’ayd orrin, Yeesey dy Nazareth? vel oo er jeet dy nyn stroie? ta fys aym quoi oo hene, eer fer casherick Yee.

Noo Luke 23:19

(Va son irree‐magh dy row, va jeant ayns yn ard‐valley, as son dunverys tilgit ayns prysson).

Noo Luke 23:2

As ren ad toshiaght dy loayrt n’oï, gra, Hooar shin eh shoh cur yn ashoon ain er‐shaghryn, as lhiettal sleih veih geeck keesh da Cesar, gra, Dy nee eh hene Creest yn ree.

Noo Luke 23:25

As deayshil eh daue, eshyn va son irree‐magh as dunverys tilgit ayns pryssoon, eh v’ad hene er n’yeearree, agh livrey eh Yeesey gys nyn aigney.

Noo Luke 23:5

As v’ad wheesh shen s’chenney er, gra, T’eh boirey yn pobble, gynsaghey trooid ooilley Judea, goaill toshiaght veih Galilee derrey shoh.

Jannoo 15:5

As hrog seose shiartanse jeh ny Phariseeyn v’er jyndaa gys y chredjue, as dooyrt ad, Dy row eh ymmyrchagh ad y ghiarey‐chymmylt, as ad ve sarit dy reayll leigh Voses.

Jannoo 21:28

Geamagh, Gheiney Israel, cooin‐jee lhien: shoh’n dooinney ta gynsaghey dy chooilley ghooinney, ayns dy chooilley ynnyd noi yn pobble, as y leigh, as y boayl shoh; as ny sodjey na shen t’eh er chur lesh Ashoonee stiagh ayns y chiamble, as er vee‐ooashlaghey yn ynnyd casherick shoh.

Jannoo 22:22

As deaisht ad rish gys y fockle shoh, as eisht hrog ad seose nyn goraa, as dooyrt ad, Ersooyl‐jee lesh lheid yn er shoh jeh’n thalloo: son cha vel eh cooie eh dy ve bio.

Jannoo 24:14

Agh shoh ta mee goaill‐rish hood’s, lurg yn aght t’adsyn genmys shaghrynys veih’n chredjue, dy nee shen myr ta mish cur ooashley da Jee my ayraghyn, credjal dagh nhee ta scruit ayns y leigh as ny phadeyryn:

Jannoo 24:4

Agh son nagh goym seose rouyr jeh dty hraa, ta mee guee ort jeh dty ooashley foayroil dy chur clashtyn dooin ayns focklyn giarey:

Jannoo 25:7

As tra v’eh er jeet, hass ny Hewnyn haink veih Jerusalem mygeayrt, as hug ad stiagh ymmodee foiljyn tromey gys lieh Phaul, nagh voddagh ad prowal;

Jannoo 26:5

Bione daue mee er‐dyn toshiaght (my yinnagh ad feanish y ymmyrkey) lurg yn aght schenney jeh’n chredjue ain, dy ren mee beaghey my Pharisee.

Jannoo 28:22

Agh ta shin booiagh clashtyn voïds, cre t’ou smooinaghtyn: son mychione yn chredjue shoh, ta fys ain dy vel eh ayns dy chooilley ynnyd loayrit n’oï.

Jannoo 5:17

Eisht dirree yn ard‐saggyrt as ooilley ny va mârish (v’ad jeh credjue ny Sadduceeyn) as v’ad lane dy yymmoose,

Jannoo 6:13

As hoie ad seose feanishyn foalsey, ren gra, Ta’n dooinney shoh kinjagh loayrt goan‐mollaghtagh noi yn ynnyd casherick shoh as y leigh.

1 Corinthianee 11:19

Son shegin da myrgeddin shaghrynys veih’n chredjue ve ny vud eu, dy vod adsyn ta firrinagh ayns y chredjue v’er nyn gronnaghey nyn mast’ eu.

1 Corinthianee 4:13

Tra ta scammylt er ny choyrt dooin, ta shin coyrt goan mie: ta shin myr trustyr y theihll, as breinid dy chooilley nhee gys y laa t’ayn jiu.

1 Peddyr 2:19

Son ta shoh feeu booise, my ta dooinney er graih cooinsheanse gys Jee gymmyrkey seaghyn, surranse dy neu‐chairagh.