Jannoo 24:10 - Yn Conaant Noa 1810

¹⁰ Eisht dreggyr Paul, tra va’n kiannoort er chur kied da dy loayrt, Son wheesh as dy vel fys aym dy vel uss er ve rish ymmodee bleeantyn dty vriw er yn ashoon shoh, ta mee ny s’aggindee dy ansoor er my hon hene;

Yn Vible Casherick 1775 1819

¹⁰ Eisht dreggyr Paul, tra va’n kiannoort er chur kied da dy loayrt, Son wheesh as dy vel fys aym dy vel uss er ve rish ymmodee bleeantyn dty vriw er yn ashoon shoh, ta mee ny s’aggindee dy ansoor er my hon hene;

Jannoo 24:10 ပူးပေါင်းရင်းမြစ်များ

Noo Luke 12:11

As tra ver ad lhieu shiu gys ny quaiylyn as gys fir‐reill as pooaraghyn, ny bee‐jee imneagh kys ny cre nee shiu y reggyrt, ny cre nee shiu y ghra:

Noo Luke 12:14

As dooyrt eh rish, Ghooinney, quoi t’er my hoiaghey’s seose son briw ny rheynneyder harrish‐diu?

Noo Luke 18:2

Gra, Va ayns ard‐valley dy row briw nagh row ayns aggle roish Jee, ny soiaghey jeh deiney.

Jannoo 12:17

Agh chrie eshyn e laue orroo ad dy ve nyn dhost, as hoilshee eh daue kys va’n Chiarn er chur lesh eh ass y phryssoon. As dooyrt eh, Insh‐jee ny reddyn shoh da Jamys, as da ny braaraghyn. As jimmee eh roish, as hie eh gys ynnyd elley.

Jannoo 13:16

Eisht hass Paul seose, as troggal seose e laue, dooyrt eh, Gheiney Israel, as shiuish ta goaill aggle roish Jee, eaisht‐jee.

Jannoo 18:15

Agh mannagh vel eh agh argane ny vud eu hene mychione focklyn as ennym, as y leigh eu hene, jeeagh‐jee hene da; son cha beem’s my vriw ayns lheid ny cooishyn.

Jannoo 19:33

As hayrn ad Alexander magh ass y cheshaght, ny Hewnyn cur eh er e hoshiaght. As chrie Alexander lesh e laue, as baillish v’er loayrt ass e lieh hene rish y pobble.

Jannoo 21:40

As tra v’eh er chur kied da, hass Paul er ny greeshyn, as chrie eh e laue er y pobble: as tra v’ad ooilley cooidjagh nyn dhost, loayr eh roo ayns glare ny Hebrewnyn, gra.

Jannoo 23:24

As kiare‐jee beiyn daue, dy vod Paul markiagh, as dy vod ad y chur lhieu eh dy sauchey gys y kiannoort Felix.

Jannoo 26:1

Eisht dooyrt Agrippa rish Paul, Ta kied ayd loayrt er dty hon hene. Eisht heeyn Paul magh e laue, as dansoor eh er e hon hene,

1 Peddyr 3:15

Agh jean‐jee yn Chiarn Jee y chasherickey ayns nyn greeaghyn: as bee‐jee kinjagh aarloo dy chur ansoor da dy chooilley ghooinney ta shirrey oyr son y treishteil t’ayndiu, lesh meenid as arrym: