Jannoo 23:35 - Yn Conaant Noa 1810

³⁵ Ver‐ym chlashtyn dhyt, as eshyn, tra vees dty phlaiyntee myrgeddin er jeet. As doardee eh eh dy ve freilt ayns halley briwnys Herod.

Yn Vible Casherick 1775 1819

³⁵ Ver-ym clashtyn dhyt, as eshyn, tra vees dty phlaiyntee myrgeddin er jeet. As doardee eh eh dy ve freilt ayns halley briwnys Herod.

Jannoo 23:35 ပူးပေါင်းရင်းမြစ်များ

Noo Mian 2:1

Nish tra rug Yeesey ayns Bethlehem dy Yudea, rish lhing ree Herod, cur‐my‐ner haink deiney‐creeney veih’n shiar gys Jerusalem,

Noo Mian 2:16

Eisht Herod toiggal dy row eh mollit liorish ny deiney‐creeney, v’eh erskyn‐towse eulyssagh, as hug eh magh sarey, as varr eh ooilley ny lhiennoo‐mec v’ayns Bethlehem, as ayns ooilley ny ardjyn shen, veih daa vleïn dy eash as fo, corrym rish y traa v’eh dy imneagh er vriaght jeh ny deiney‐creeney.

Noo Mian 2:3

Tra cheayll ree Herod shoh, v’eh dy mooar seaghnit, as ooilley Jerusalem mârish.

Noo Mian 27:27

Eisht hug sidooryn y chiannoort lhieu Yeesey gys halley ny briwnys, as deïe ad er slane sheshaght ny sidooryn.

Noo Ean 18:28

Eisht hug ad lhieu Yeesey veih Caiaphas gys halley ny briwnys: as ve moghey, as cha jagh ad hene stiagh ayns halley ny briwnys, er‐aggle dy beagh ad an‐chasherick; as nagh voddagh ad yn Eayncaisht y ee.

Jannoo 23:30

As tra ve inshit dou dy row ny Hewnyn lhie cooyl‐chlea son bioys y dooinney, hug mee fys chelleeragh hood’s, as doardee mee e phlaiyntee dy chur stiagh kiongoyrt rhyt’s cre‐erbee v’oc dy lhiassaghey n’oï. Slane lhiat.

Jannoo 24:1

As ec kione queig laa, hie Ananias yn ard‐saggyrt sheese marish y chanstyr, as ard‐phleadeyr dy row enmyssit Tertullus, dy chur stiagh nyn blaiynt gys y chiannoort noi Paul.

Jannoo 24:10

Eisht dreggyr Paul, tra va’n kiannoort er chur kied da dy loayrt, Son wheesh as dy vel fys aym dy vel uss er ve rish ymmodee bleeantyn dty vriw er yn ashoon shoh, ta mee ny s’aggindee dy ansoor er my hon hene;

Jannoo 24:19

As lhisagh ad shen ve ayns shoh kionfenish, dy yannoo mie yn phlaiynt, my va nhee erbee oc dy choyrt ass my lieh.

Jannoo 24:22

Tra cheayll, Felix shoh, hug eh ad shaghey, derrey oddagh eh toiggal sodjey y gheddyn ’sy chooish; as dooyrt eh, Tra hig Lysias yn ard‐chaptan neose, yioyms fys er bun y chooish eu.

Jannoo 24:23

As doardee eh centurion kiarail y ghoaill jeh Paul, as e reamys y lhiggey da, gyn lhiettal veg jeh’n ainjys echey dy hirveish er ny dy heet huggey.

Jannoo 25:16

Dansoor mish ad, Nagh nee cliaghtey yn vooinjer va bentyn rish y Raue ve dy livrey dooinney erbee seose gys baase, derrey ta’n kimmagh as e chassidee noi‐ry‐hoi, as kied echey loayrt er e hon hene mychione yn oill veagh currit ass e lieh.