Jannoo 23:30 - Yn Conaant Noa 1810

³⁰ As tra ve inshit dou dy row ny Hewnyn lhie cooyl‐chlea son bioys y dooinney, hug mee fys chelleeragh hood’s, as doardee mee e phlaiyntee dy chur stiagh kiongoyrt rhyt’s cre‐erbee v’oc dy lhiassaghey n’oï. Slane lhiat.

Yn Vible Casherick 1775 1819

³⁰ As tra ve inshit dou dy row ny Hewnyn lhie cooyl-chlea son bioys y dooinney, hug mee fys chelleeragh hood’s, as doardee mee e phlaiyntee dy chur stiagh kiongoyrt rhyt’s cre-erbee v’oc dy lhiassaghey n’oï. Slane lhiat.

Jannoo 23:30 ပူးပေါင်းရင်းမြစ်များ

Jannoo 15:29

Shiu dy reayll shiu hene veih bee chebbit gys jallooyn, as veih fuill, as veih reddyn toghtit, as veih maarderys: voue shoh my reaillys shiu shiu‐hene, nee shiu dy mie. Slane lhieu.

Jannoo 23:12

As tra va’n laa rish, haggil shiartanse jeh ny Hewnyn cooidjagh, as chiangle ad ad‐hene fo mollaght, gra, nagh n’ee‐agh ad as nagh n’iu‐agh ad derrey veagh ad er varroo Paul.

Jannoo 23:20

As dooyrt eh, Ta ny Hewnyn er choardail dy hirrey ort’s, oo dy chur Paul sheese mairagh gys y choonceil, myr dy beagh red ennagh sodjey oc dy gheddyn toiggal jeh veih.

Jannoo 23:31

Eisht ghow ny sidooryn Paul myr va’d oardrit, as hug ad lhieu eh ayns yn oie gys Antipatris.

Jannoo 23:35

Ver‐ym chlashtyn dhyt, as eshyn, tra vees dty phlaiyntee myrgeddin er jeet. As doardee eh eh dy ve freilt ayns halley briwnys Herod.

Jannoo 24:19

As lhisagh ad shen ve ayns shoh kionfenish, dy yannoo mie yn phlaiynt, my va nhee erbee oc dy choyrt ass my lieh.

Jannoo 25:16

Dansoor mish ad, Nagh nee cliaghtey yn vooinjer va bentyn rish y Raue ve dy livrey dooinney erbee seose gys baase, derrey ta’n kimmagh as e chassidee noi‐ry‐hoi, as kied echey loayrt er e hon hene mychione yn oill veagh currit ass e lieh.

Jannoo 9:24

Agh hooar Saul fys dy row ad lhie cooyl‐chlea er e hon, as freayll arrey ec ny giattyn oie as laa dy varroo eh.

2 Corinthianee 13:11

Er‐jerrey, vraaraghyn, my vannaght mêriu: Bee‐jee er nyn niartaghey dy cheilley, bee‐jee er nyn gherjaghey, bee‐jee jeh’n un aigney, jean‐jee beaghey ayns shee; as bee’n Jee dy ghraih as shee mêriu.