Jannoo 23:21 - Yn Conaant Noa 1810

²¹ Agh ny jean uss er y raa oc: son ta aarloo dy ghoaill eh erskyn da‐eed dooinney jeu, t’er chiangley ad hene fo mollaght, nagh jean ad gee ny giu derrey vees ad er varroo eh: as nish t’ad aarloo, jerkal rish gialdyn y gheddyn voïds.

Yn Vible Casherick 1775 1819

²¹ Agh ny jean uss er y raa oc: son ta aarloo dy ghoaill eh erskyn da-eed dooinney jeu, t’er chiangley ad-hene fo mollaght, nagh jean ad gee ny giu derrey vees ad er varroo eh: as nish t’ad aarloo, jerkal rish gialdyn y gheddyn voïd’s.

Jannoo 23:21 ပူးပေါင်းရင်းမြစ်များ

Noo Luke 11:54

Lhie ayns farkiaght er e hon, as shêgin er tayrtyn red ennagh ass e veeal son oyr plaiynt n’oï.

Jannoo 20:19

Shirveish y Chiarn lesh dy chooilley injillid aigney, as lesh mooarane jeïr, as seaghyn haink my raad, liorish kialgyn [goanlyssagh] ny Hewnyn:

Jannoo 23:22

Myr shen lhig yn ard‐chaptan yn raad da’n dooinney aeg, as hug eh currym er, Jeeagh nagh n’insh oo da dooinney erbee dy vel oo er hoilshaghey ny reddyn shoh dooys.

Jannoo 25:3

As geearree er yn foayr shoh n’oï, Eh dy chur fys er gys Jerusalem, kiarail ad hene lhie cooyl‐chlea er yn raad, dy ghoaill e vioys.

Romanee 9:3

Son baillym dy beign hene giarit magh veih Creest, er graih my vraaraghyn as my chynney cordail rish yn eïll:

2 Corinthianee 11:26

Ayns jurnaaghyn dy mennick, ayns gaue ushtaghyn, ayns gaue roosteyryn, ayns gaue veih my gheiney‐cheerey hene, ayns gaue veih ny Ashoonyn‐quaagh, ayns gaue ’syn ard‐valley, ayns gaue ’syn aasagh, ayns gaue er yn aarkey, ayns gaueghyn mastey braaraghyn foalsey;