Jannoo 22:30 - Yn Conaant Noa 1810

³⁰ Laa ny vairagh er‐yn‐oyr dy baillish slane shickyrys y gheddyn jeh plaiynt ny Hewnyn n’oï deayshil eh eh veih e gheulaghyn, as doardee eh ny ard‐saggyrtyn as ooilley yn choonceil oc dy heet kionfenish, as hug eh lesh Paul sheese, as hoie eh eh kiongoyrt roo.

Yn Vible Casherick 1775 1819

³⁰ Laa-ny-vairagh er-yn-oyr dy baillish slane shickyrys y gheddyn jeh plaiynt ny Hewnyn n’oï, deayshil eh eh veih e gheulaghyn, as doardee eh ny ard-saggyrtyn as ooilley yn choonceil oc dy heet kionfenish, as hug eh lesh Paul sheese, as hoie eh eh kiongoyrt roo.

Jannoo 22:30 ပူးပေါင်းရင်းမြစ်များ

Noo Mian 10:17

Agh bee‐jee er nyn dwoaie roish deiney, son livrey‐ee ad shiu seose gys ny coonceilyn, as scuitchee ad shiu ayns ny quaiylyn oc.

Noo Mian 27:2

As erreish daue v’er chiangley eh, deiyr ad lhieu eh, as livrey ad eh gys Pontius Pilate yn kiannoort.

Noo Mian 5:22

Agh ta mish gra riuish, Quoi‐erbee ta fargagh rish e vraar gyn oyr, dy jig eshyn neesht fo kerraghey yn vriwnys: as quoi‐erbee jir rish e vraar, Raca: dy jig eh fo briwynys yn ard‐whuaiyl: agh quoi‐erbee jir, Uss ommydan, dy bee eh ayns gaue aile niurin.

Jannoo 21:11

As tra v’eh er jeet hooin, ghow eh cryss Phaul, as chiangle eh e laueyn as e chassyn hene, as dooyrt eh, Shoh myr ta’n Spyrryd Noo gra, Er yn aght cheddin nee ny Hewnyn ec Jerusalem kiangley yn dooinney s’lesh yn cryss shoh, as eh y livrey gys laueyn ny Hashoonee.

Jannoo 21:33

Eisht haink yn ard‐chaptan er‐gerrey, as ghow eh eh, as doardee eh eh dy ve kianlt lesh daa gheuley; as dênee eh quoi v’eh hene, as cre v’eh er n’yannoo.

Jannoo 22:5

Myr ta’n ard‐saggyrt hene gymmyrkey feanish lhiam, as slane quaiyl y chanstyr: voue hooar mee myrgeddin screeuyn gys ny braaraghyn, as hie mee gys Damascus, dy chur lhiam adsyn v’ayns shen, kianlt gys Jerusalem, dy v’er nyn gerraghey.

Jannoo 23:1

As yeeagh Paul dy gyere er y choonceil, as dooyrt eh, Gheiney as vraaraghyn, Ta mee er n’ymmyrkey mee‐hene fenish Jee lesh cooinsheanse slane ynrick gys y laa t’ayn jiu.

Jannoo 23:15

Nish er‐y‐fa shen jean‐jee shiuish as y choonceil fys y chur gys yn ard‐chaptan eh dy chur lesh eh fenish euish mairagh, myr dy beagh red ennagh eu dy gheddyn toiggal sodjey jeh mychione echey: as bee mainyn aarloo dy ghoaill e vioys my jig eh nyn vaar.

Jannoo 23:20

As dooyrt eh, Ta ny Hewnyn er choardail dy hirrey ort’s, oo dy chur Paul sheese mairagh gys y choonceil, myr dy beagh red ennagh sodjey oc dy gheddyn toiggal jeh veih.

Jannoo 23:28

As liorish dy row mee booiagh fys y gheddyn er yn oyr v’oc dy phlaiynt er, hug mee lhiam eh fenish y whuaiyl oc:

Jannoo 23:6

As tra denee Paul dy row yn derrey ayrn jeu nyn Sadduceeyn, as yn ayrn elley nyn Phariseeyn, deïe eh ayns y choonceil, Gheiney as vraaraghyn, ta mish my Pharisee, my vac da Pharisee: son y treishteil as irree‐seose‐reesht ny merriu ta mee er my vriwnys.

Jannoo 26:29

As dooyrt Paul, Baillym gys Jee dy beagh, cha nee ynrycan oo hene, agh myrgeddin ooilley ny ta dy my chlashtyn er y laa t’ayn jiu, cha nee faggys agh ooilley‐cooidjagh lheid as ta mish, cheu‐mooie jeh ny geulaghyn shoh.

Jannoo 5:21

As tra cheayll ad shen, hie ad stiagh dy moghey ayns y chiamble, as dynsee ad. Agh haink yn ard‐saggyrt as adsyn va mârish, as symnee ad yn whuaiyl cooidjagh, as ooilley shanstyr cloan Israel, as hug ad fys gys y phryssoon dy chur ad stiagh kion fenish.