Jannoo 21:40 - Yn Conaant Noa 1810

⁴⁰ As tra v’eh er chur kied da, hass Paul er ny greeshyn, as chrie eh e laue er y pobble: as tra v’ad ooilley cooidjagh nyn dhost, loayr eh roo ayns glare ny Hebrewnyn, gra.

Yn Vible Casherick 1775 1819

⁴⁰ As tra v’eh er chur kied da, hass Paul er ny greeshyn, as chrie eh e laue er y pobble: as tra v’ad ooilley-cooidjagh nyn dhost, loayr eh roo ayns glare ny Hebrewyn, gra,

Jannoo 21:40 ပူးပေါင်းရင်းမြစ်များ

Noo Luke 23:38

As va’n scrieu shoh myrgeddin soit erskyn e chione, ayns letteryn dy Ghreek, as dy Latin, as dy Hebrew, SHOH REE NY HEWNYN.

Noo Ean 19:13

Tra cheayll Pilate er‐y‐fa shen yn raa shoh, hug eh lesh Yeesey magh, as hoie eh sheese er stoyl ny briwnys, ayns ynnyd ta enmyssit yn Pavement, agh ayns Hebrew, Gabbatha.

Noo Ean 19:17

As dymmyrk eh e chrosh, as hie eh magh gys ynnyd yiarragh ad ynnyd y vollag rish, ta enmyssit ayns Hebrew, Golgotha.

Noo Ean 19:20

Yn screeu shoh eisht ren ymmodee jeh ny Hewnyn y lhaih, son va’n boayl raad v’eh er ny chrossey er‐gerrey da’n ard‐valley: as ve scruit ayns Hebrew, as Greek, as Latin.

Noo Ean 5:2

Nish ta ec Jerusalem liorish giat ny geyrragh, loghan, ta enmyssit ayns y ghlare Hebrewnagh Bethesda, ta queig porchyn er.

Jannoo 1:19

As va shoh er‐fys da ooilley cummaltee Yerusalem; ayns wheesh as dy vel y magher shen enmyssit ayns y ghlare ocsyn, Aceldama, ta shen dy ghra, Yn magher foalley.

Jannoo 12:17

Agh chrie eshyn e laue orroo ad dy ve nyn dhost, as hoilshee eh daue kys va’n Chiarn er chur lesh eh ass y phryssoon. As dooyrt eh, Insh‐jee ny reddyn shoh da Jamys, as da ny braaraghyn. As jimmee eh roish, as hie eh gys ynnyd elley.

Jannoo 13:16

Eisht hass Paul seose, as troggal seose e laue, dooyrt eh, Gheiney Israel, as shiuish ta goaill aggle roish Jee, eaisht‐jee.

Jannoo 19:33

As hayrn ad Alexander magh ass y cheshaght, ny Hewnyn cur eh er e hoshiaght. As chrie Alexander lesh e laue, as baillish v’er loayrt ass e lieh hene rish y pobble.

Jannoo 21:35

As tra v’eh er ny greeshyn, shen myr ve, dy hrog ny sidooryn lhieu eh, kyndagh rish chennid y phobble.

Jannoo 22:2

(As tra cheayll ad eh loayrt roo ayns glare ny Hebrewnyn, va’d wheesh shen smoo nyn dhost: as dooyrt eh)

Jannoo 26:14

As tra va shin ooilley er duittym gys y thalloo, cheayll mee coraa loayrt rhym, as gra ayns glare ny Hebrewyn, Saul, Saul, cre’n‐fa t’ou jannoo tranlaase orrym? S’doillee te dhyt dy vrebbal noi ny jilg.

Jannoo 6:1

As ayns ny laghyn shen tra va earroo ny credjuee er nyn mishaghey, hug ny Grecianee stiagh plaiynt noi ny Hebrewnyn, son dy row ny mraane‐treoghe oc faagit magh gyn ayrn jeh’n ghiastyllys gagh‐laa.

Ashlish 16:16

As ren eh ad y haglym cooidjagh gys ynnyd enmyssit ayns Hebrew, Armageddon.

Ashlish 9:11

As va oc ree harrystoo, ainle y diunid gyn‐grunt, ta’n ennym echey ayns glare ny Hebrewnee Abaddon, agh ayns glare ny Grecianee ta e ennym Apollyon.