Jannoo 21:34 - Yn Conaant Noa 1810

³⁴ As deïe paart un red, as paart red elley mastey yn pobble: as tra nagh dod eh shickyrys y gheddyn kyndagh rish y voirrainys, doardee eh eh dy ve er ny chur ’sy chashtal.

Yn Vible Casherick 1775 1819

³⁴ As deïe paart un red, as paart red elley mastey yn pobble: as tra nagh dod eh shickyrys y gheddyn kyndagh rish y voirraneys, doardee eh eh dy ve er ny chur ’sy chashtal.

Jannoo 21:34 ပူးပေါင်းရင်းမြစ်များ

Jannoo 19:32

Deïe paart er‐y‐fa shen un red, as paart red elley: son va’n chaglym bun‐ry‐skyn, as cha row fys ec yn ayrn smoo jeu cre’n‐fa v’ad er nyn jaglym cooidjagh.

Jannoo 21:37

As myr va Paul goll stiagh ayns y chashtal, dooyrt eh rish yn ard‐chaptan, Voym kied loayrt rhyt? Dooyrt eshyn, Vod oo Greek y loayrt?

Jannoo 22:24

Hug yn ard‐chaptan sarey eh dy ve er ny chur stiagh ’sy chashtal, goardaghey eh dy ve feyshtit liorish scuitchal, dy ghed‐kyn fys cre’n‐fa va’d gyllaghey myr shen n’oï.

Jannoo 22:30

Laa ny vairagh er‐yn‐oyr dy baillish slane shickyrys y gheddyn jeh plaiynt ny Hewnyn n’oï deayshil eh eh veih e gheulaghyn, as doardee eh ny ard‐saggyrtyn as ooilley yn choonceil oc dy heet kionfenish, as hug eh lesh Paul sheese, as hoie eh eh kiongoyrt roo.

Jannoo 23:10

As myr va’n streeu mooad‐aghey, va’n ard‐chaptan agglagh dy raipagh ad Paul ayns peeshyn, as doardee eh sidooryn dy gholl sheese, as dy ghoaill eh er‐niart veih nyn mast’ oc, as dy chur lhieu eh stiagh ayns y chashtal.

Jannoo 23:16

As tra cheayll mac shayrey Phaul jeh’n lhie farkiaght oc, jimmee eh roish, as hie eh stiagh ayns y chashtal, as dinsh eh ooilley da Paul.

Jannoo 23:32

Laa ny vairagh daag ad ny markee dy gholl mârish, as hie ad back gys y chastal.

Jannoo 25:26

As er‐y‐fa nagh vel shickyrys aym jeh nhee erbee oddym y scrieu gys my hiarn, ta mee er choyrt lhiam eh magh kiongoyrt riu, agh erskyn ooilley kiongoyrt rhyt’s, ree Agrippa, erreish da ve feyshtit, dy vod red ennagh ve aym dy scrieu.