Jannoo 21:33 - Yn Conaant Noa 1810

³³ Eisht haink yn ard‐chaptan er‐gerrey, as ghow eh eh, as doardee eh eh dy ve kianlt lesh daa gheuley; as dênee eh quoi v’eh hene, as cre v’eh er n’yannoo.

Yn Vible Casherick 1775 1819

³³ Eisht haink yn ard-chaptan er-gerrey, as ghow eh eh, as doardee eh eh dy ve kianlt lesh daa gheuley; as dênee eh quoi v’eh hene, as cre v’eh er n’yannoo.

Jannoo 21:33 ပူးပေါင်းရင်းမြစ်များ

Jannoo 12:6

As tra baillish Herod v’er choyrt lesh magh eh, yn oie cheddin va Peddyr ny chadley eddyr daa hidoor kianlt lesh daa gheuley; as dreill y watch ec y dorrys arrey er y phryssoon.

Jannoo 20:23

Er‐lhimmey dy vel y Spyrryd Noo gymmyrkey feanish ayns dagh ard‐valley, gra, Dy vel geulaghyn as seaghyn my chour.

Jannoo 21:11

As tra v’eh er jeet hooin, ghow eh cryss Phaul, as chiangle eh e laueyn as e chassyn hene, as dooyrt eh, Shoh myr ta’n Spyrryd Noo gra, Er yn aght cheddin nee ny Hewnyn ec Jerusalem kiangley yn dooinney s’lesh yn cryss shoh, as eh y livrey gys laueyn ny Hashoonee.

Jannoo 22:29

Eisht daag adsyn eh er‐y‐chooyl va ry‐hoi feysht eh, as va aggle er yn ard‐chaptan hene myrgeddin erreish da toiggal dy nee Romanagh v’eh, as son dy row eh er chiangley eh.

Jannoo 22:30

Laa ny vairagh er‐yn‐oyr dy baillish slane shickyrys y gheddyn jeh plaiynt ny Hewnyn n’oï deayshil eh eh veih e gheulaghyn, as doardee eh ny ard‐saggyrtyn as ooilley yn choonceil oc dy heet kionfenish, as hug eh lesh Paul sheese, as hoie eh eh kiongoyrt roo.

Jannoo 25:16

Dansoor mish ad, Nagh nee cliaghtey yn vooinjer va bentyn rish y Raue ve dy livrey dooinney erbee seose gys baase, derrey ta’n kimmagh as e chassidee noi‐ry‐hoi, as kied echey loayrt er e hon hene mychione yn oill veagh currit ass e lieh.

Jannoo 26:29

As dooyrt Paul, Baillym gys Jee dy beagh, cha nee ynrycan oo hene, agh myrgeddin ooilley ny ta dy my chlashtyn er y laa t’ayn jiu, cha nee faggys agh ooilley‐cooidjagh lheid as ta mish, cheu‐mooie jeh ny geulaghyn shoh.

Jannoo 28:20

Er‐yn‐oyr shoh eisht ta mee er chur fys erriuish, dy akin shiu, as dy loayrt riu: er‐y‐fa son treishteil Israel dy vel mee kianlt lesh y gheuley shoh.

Ephesianee 6:20

Er y choontey echey ta mee my haghter ayns geulaghyn: er y hon dy voddym loayrt dy dunnal, myr lhisin loayrt.

Philippianee 1:7

Dy jarroo myr te jesh dooys yn smooinaghtyn shoh y ve aym mychione eu ooilley, er‐y‐fa dy vel shiu aym ec my chree, ayns wheesh as chammah ayns my gheulaghyn, as ayns fendeil as niartaghey yn sushtal, ta shiu ooilley paarteeassyn mârym jeh grayse.

2 Timothy 1:16

Dy der y Chiarn myghin da lught‐thie Onesiphorus; son ren eh dy mennick m’y ooraghey, as cha row nearey er jeh my gheuley.

2 Timothy 2:9

Er y hon ta mee gymmyrkey seaghyn myr drogh‐yantagh, dy jarroo gys geulaghyn; agh cha vel goo Yee kianlt.