Jannoo 21:24 - Yn Conaant Noa 1810

²⁴ Gow ad shoh, as bee er dty ghlenney as ec cost mâroo, dy vod ad nyn ghing y shaval: as dy vod fys y ve ec dy chooilley unnane, nagh vel nhee erbee ayns ny cheayll ad jeeds, agh dy vel oo hene freayll ny oardaghyn, ayns biallys da’n leigh.

Yn Vible Casherick 1775 1819

²⁴ Gow ad shoh, as bee er dty ghlenney as ec cost mâroo, dy vod ad nyn ghing y shaval: as dy vod fys y ve ec dy chooilley unnane, nagh vel nhee erbee ayns ny cheayll ad jeed’s, agh dy vel oo hene freayll ny oardaghyn, ayns biallys da’n leigh.

Jannoo 21:24 ပူးပေါင်းရင်းမြစ်များ

Noo Ean 11:55

As va caisht ny Hewnyn tayrn er‐gerrey: as va ymmodee ass y cheer goll seose gys Jerusalem roish y chaisht dy ghlenney ad hene er y hon.

Noo Ean 3:25

Eisht dirree question eddyr paart jeh ynseydee Ean as ny Hewnyn, mychione bashtey.

Jannoo 18:18

As duirree Paul ayns shen ymmodee laghyn, as eisht daag eh bannaght ec ny braaraghyn, as hiauill eh veih shen gys Syria, as mârish Priscilla as Aquila, v’er vaarey e chione ec Cenchrea; son v’eh fo breearrey.

Jannoo 21:26

Eisht ghow Paul ny deiney, as yn nah laa ghlen eh eh‐hene mâroo as hie eh stiagh ayns y chiamble, dy hoilshaghey, dy row ad mysh cooilleeney laghyn y ghlenney, derrey veagh oural er ny hebbal son dagh unnane jeu.

Jannoo 24:18

Er shoh hooar shiartanse dy Hewnyn veih Asia mee glen ayns y chiamble, agh cha nee lesh chymsaghey sleih, ny boirrainys:

1 Corinthianee 9:20

As gys ny Hewnyn, ren mee gymmyrkey mee hene myr Ew, dy voddin ny Hewnyn y chosney: dauesyn ta fo’n leigh, myr fo’n leigh, dy voddin adsyn ta fo’n leigh y chosney;

Galatianee 2:12

Son roish my daink shiartanse voish Jamys, ren eh gee mârish ny Ashoonee: agh tra v’ad shen er jeet, hie eh dy lhiattee, as ren eh scarrey eh hene voue, ayns aggle rouesyn jeh’n giarey‐chymmylt.