Jannoo 20:7 - Yn Conaant Noa 1810

⁷ As er y chied laa jeh’n chiaghtin, tra va shin er jeet cooidjagh dy vrishey arran, ren Paul preacheil daue, as myr v’eh dy gholl roish laa ny vairagh, chum eh seose loayrt derrey mean‐oie.

Yn Vible Casherick 1775 1819

⁷ As er y chied laa jeh’n chiaghtin, tra va shin er jeet cooidjagh dy vrishey arran, ren Paul preacheil daue, as myr v’eh dy gholl roish laa-ny-vairagh, chum eh seose loayrt derrey mean-oie.

Jannoo 20:7 ပူးပေါင်းရင်းမြစ်များ

Noo Mark 16:9

Nish tra va Yeesey er n’irree er moghrey yn chied laa jeh’n chiaghtin, hoilshee eh eh hene hoshiaght da Moirrey Malaine, ass‐jee v’eh er hilgey shiaght drogh‐spyrrydyn.

Noo Luke 22:19

As ghow eh arran, as hug eh booise, as vrish eh eh, as hug eh eh daue, gra, Shoh my chorp t’er ny choyrt er nyn son eu: shoh jean‐jee ayns cooinaghtyn jeem’s.

Noo Luke 24:35

Eisht dinsh adsyn cre ny reddyn va jeant er y raad, as kys hug ad enney er, liorish brishey arran.

Noo Ean 20:1

Er y chied laa jeh’n chiaghtin, haink Moirrey Malaine dy moghey, tra ve foast dorraghey, gys yn oaie, as honnick ee yn chlagh goit ersooyl jeh’n oaie.

Noo Ean 20:19

Eisht er y laa cheddin, yn chied laa jeh’n chiaghtin, ayns yn astyr, tra va ny dorryssyn dooint, raad va ny ostyllyn er nyn jaglym cooidjagh ayns aggle roish ny Hewnyn, haink Yeesey as hass eh kiongoyrt roo, as dooyrt eh roo, Shee dy row hiu.

Noo Ean 20:26

As lurg hoght laa reesht va ny ostyllyn echey sthie, as Thomase mâroo: eisht haink Yeesey, as ny dorryssyn dooint, as hass eh kiongoyrt roo, as dooyrt eh, Shee dy row hiu.

Jannoo 16:10

As erreish da v’er vakin yn ashlish, ghow shin ayns laue dy gholl jeeragh gys Macedonia, toiggal son shickyrys dy row yn Chiarn er n’eamagh orrin dy phreacheil y sushtal daue.

Jannoo 2:42

As ren ad tannaghtyn ayns ynsagh as sheshaght ny hostyllyn, as ayns brishey arran, as ayns padjeryn.

Jannoo 2:46

As taaghey yn chiamble gagh‐laa lesh un aigney, as brishey arran ’sy thie ghow ad nyn meaghey lesh gennallys as feoiltys cree,

Jannoo 20:11

Tra v’eh er‐y‐fa shen er jeet seose reesht, as er vrishey arran, as er n’ee, as er daggloo foddey, gys eer brishey’n laa, jimmee eh roish.

Jannoo 20:31

Bee‐jee er‐y‐fa shen er nyn arrey, as cooinee‐jee rish three bleeaney dy vel mee er ve kinjagh oie as laa cur raaue da dy chooilley unnane eu lesh jeïr.

Jannoo 20:5

Hie ad shoh roïn, as duirree ad er nyn son ec Troas.

Jannoo 20:9

As va dooinney aeg dy row, va enmyssit Eutychus, ny hoie ayns uinniag, as huitt eh ayns trome chadley: as myr va Paul foddey preacheil, hie eh harrish ayns e chadley, as huitt eh neose jeh’n trass lout, as v’eh er ny hroggal marroo.

Jannoo 28:23

As tra v’ad er phointeil laa er e hon, haink ymmodee huggey gys e hie; daue shoh hug eh tushtey, as dymmyrk eh feanish jeh reeriaght Yee, coyrlaghey ad mychione Yeesey, chammah ass leigh Voses as ny phadeyryn, veih moghrey derrey yn astyr.

1 Corinthianee 10:16

Yn cappan dy vannaght ta shin dy oltaghey, nagh nee shoh dy ghoaill ayrn jeh fuill Chreest? Yn arran ta shin dy vrishey, nagh nee shoh dy ghoaill ayrn jeh corp Chreest?

1 Corinthianee 15:10

Agh liorish grayse Yee ta mee ny ta mee: as e ghrayse, va er ny ghiootal orrym, cha row eh ayns fardail; agh ren mee laboragh ny s’doccarree na ad ooilley: ny‐yeih cha nee mish, agh grayse Yee va mârym.

1 Corinthianee 16:2

Er y chied laa jeh’n chiaghtin, lhig dagh unnane eu coyrt dy lhiattee ayns stoyr, myr ta Jee er vannaghey eh, nagh bee feme chaglym y yannoo tra hig‐ym.

2 Timothy 4:2

Jean y goo y phreacheil, coyrlee dy jeean ec dy chooilley hraa as caa; cur oghsan, smaghtee, jean coyrlaghey lesh dy chooilley veenid as ynsagh.

Ashlish 1:10

Va mee ayns y Spyrryd er laa yn Chiarn, as cheayll mee my chooyl coraa ard, myr jeh cayrn.