Jannoo 20:31 - Yn Conaant Noa 1810

³¹ Bee‐jee er‐y‐fa shen er nyn arrey, as cooinee‐jee rish three bleeaney dy vel mee er ve kinjagh oie as laa cur raaue da dy chooilley unnane eu lesh jeïr.

Yn Vible Casherick 1775 1819

³¹ Bee-jee er-y-fa shen er nyn arrey, as cooinee-jee rish three bleeaney dy vel mee er ve kinjagh oie as laa cur raaue da dy chooilley unnane eu lesh jeïr.

Jannoo 20:31 ပူးပေါင်းရင်းမြစ်များ

Noo Mian 13:25

Agh choud as va sleih nyn gadley, haink e noid, as chuirr eh coggyl mastey yn churnaght, as jimmee eh roish.

Noo Mian 3:7

Agh tra honnick eh ymmodee jeh ny Phariseeyn as ny Sadduceeyn cheet gys e vashtey, dooyrt eh roo, O shiuish heeloghe ard‐nieughyn, quoi t’er chur raaue diu dy hea veih yn jymmoose ta ry heet?

Noo Luke 21:36

Bee‐jee er nyn dwoaie er‐y‐fa shen, as bee‐jee kinjagh ayns padjer, dy vod shiu ve coontit feeu dy scapail ooilley ny reddyn shoh hig gy‐kione, as dy hassoo kiongoyrt rish Mac y dooinney.

Jannoo 19:10

As shoh chum eh jannoo choud as daa vleïn; myr shen dy ren ooilley cummaltee Asia clashtyn goo yn Chiarn Yeesey; chammah ny Hewnyn as ny Ashoonee.

Jannoo 19:8

As hie eh stiagh ayns y synagogue, as loayr eh lesh dunnallys choud as three meeaghyn, resooney as coyrlaghey ny reddyn va bentyn rish reeriaght Yee.

Jannoo 20:11

Tra v’eh er‐y‐fa shen er jeet seose reesht, as er vrishey arran, as er n’ee, as er daggloo foddey, gys eer brishey’n laa, jimmee eh roish.

Jannoo 20:19

Shirveish y Chiarn lesh dy chooilley injillid aigney, as lesh mooarane jeïr, as seaghyn haink my raad, liorish kialgyn [goanlyssagh] ny Hewnyn:

Jannoo 20:7

As er y chied laa jeh’n chiaghtin, tra va shin er jeet cooidjagh dy vrishey arran, ren Paul preacheil daue, as myr v’eh dy gholl roish laa ny vairagh, chum eh seose loayrt derrey mean‐oie.

Jannoo 24:17

Nish lurg mooarane bleeantyn, haink mee dy chur lhiam jeirk gys my ashoon hene, as ourallyn.

1 Corinthianee 4:14

Cha vel mee scrieu ny reddyn shoh dy naaraghey shiu, agh myr my chloan shynney lhiam ta mee cur coyrle diu.

Philippianee 3:18

(Son ta ymmodee gimmeeaght, my‐nyn gione ta mee er n’insh diu dy mennick, as nish lesh jeir ginsh diu, dy nee ad noidyn crosh Chreest:

Colossianee 1:28

Eshyn ta shinyn dy phreacheil, cur raaue da dy chooilley ghooinney, as gynsaghey dy chooilley ghooinney ayns slane creenaght; dy vod mayd dy chooilley ghooinney y hebbal dy slane casherick ayns Creest Yeesey:

1 Thessalonianee 5:14

Nish ta shin guee erriu, vraaraghyn, cur‐jee raaue dauesyn ta mee‐reiltagh, jean‐jee gerjaghey adsyn ta lhag‐chreeagh, ymmyrk‐jee lesh ny annooinee, bee‐jee surransagh rish dy chooilley ghooinney.

2 Thessalonianee 2:5

Nagh vel cooinaghtyn en, tra va mee foast mêriu, dy dinsh mee diu ny reddyn shoh?

2 Thessalonianee 3:8

Chamoo d’ee shin arran dooinney erbee nastee; agh ren shin gobbraghey lesh deinys as tooilleil oie as laa, son nagh beagh shin costyllagh da veg eu:

2 Timothy 4:5

Agh bee uss er dty arrey ayns dy chooilley nhee, bee surransagh fo seaghyn, cooilleen obbyr sushtallagh, cur slane prowal jeh dty oik.

Hebrewnee 13:17

Cur‐jee biallys dauesyn ta reill harrystiu, as bee‐jee arrymagh daue: son t’ad er nyn arrey son ny anmeenyn eu, myr adsyn shegin coontey ’choyrt: dy vod ad shen y yannoo lesh boggey, as cha nee lesh trimshey: son ta shen neu‐vondeishagh diu.

Ashlish 16:15

Cur‐my‐ner, ta mee cheet myr maarliagh. Bannit t’eshyn ta er e arrey, as freayll e gharmadyn, nagh jed eh rooisht, as dy vaik ad e nearey.