Jannoo 20:24 - Yn Conaant Noa 1810

²⁴ Agh cha vel veg jeh ny reddyn shoh dy my agglagh, chamoo ta mee soiaghey jeh my vioys hene, my oddym agh my choorse y chooilleeney lesh boggey, as y chirveish ta er my churrym veih’n Chiarn Yeesey, dy ymmyrkey feanish gys sushtal grayse Yee.

Yn Vible Casherick 1775 1819

²⁴ Agh cha vel veg jeh ny reddyn shoh dy my agglagh, chamoo ta mee soiaghey jeh my vioys hene, my oddym agh my choorse y chooilleeney lesh boggey, as y chirveish ta er my churrym veih’n Chiarn Yeesey, dy ymmyrkey feanish gys sushtal grayse Yee.

Jannoo 20:24 ပူးပေါင်းရင်းမြစ်များ

Noo Luke 16:28

Son ta queig braaraghyn aym; dy vod eh feanish y ymmyrkey daue, nagh jig adsyn myrgeddin gys y boayl shoh dy horchagh.

Noo Ean 15:27

As nee shiuish myrgeddin feanish y ymmyrkey, er‐y‐fa dy vel shiu er ve mârym er‐dyn toshiaght.

Noo Ean 17:4

Ta mee er ghloyraghey oo er y thalloo: ta mee er chooilleeney yn obbyr hug oo dou dy yannoo.

Jannoo 1:17

Son v’eh er ny earroo mârin, as er ghoaill ayrn jeh’n chirveish shoh.

Jannoo 11:23

As tra v’eh er jeet as er vakin grayse Yee, ghow eh boggey, as choyrlee eh ad ooilley, lesh slane cree ad dy lhiantyn gys y Chiarn.

Jannoo 13:25

As myr va Ean cooilleeney e hirveish, dooyrt eh, Quoi, ta shiu smooinaghtyn mish? Cha nee mish eh. Agh cur‐my‐ner, ta fer cheet my yei, braagyn e choshey cha vel mee feeu dy eaysley.

Jannoo 14:3

Ry‐foddey dy earish er‐y‐fa shen duirree ad ayns shen loayrt dy dunnal ayns y Chiarn, ren feanish y ymmyrkey gys goo e ghrayse hene, coyrt daue pooar cowraghyn as yindyssyn dy ve jeant liorish ny laueyn oc.

Jannoo 15:7

As erreish daue v’er ve foddey resooney, dirree Peddyr seose, as dooyrt eh roo, Gheiney as vraaraghyn, ta fys eu foddey er‐dy‐henney, dy ren Jee reih y yannoo nyn mast’ ain, dy row ny Ashoonee veih my veeal’s dy chlashtyn goo yn tushtal, as dy chredjal.

Jannoo 18:5

As tra va Silas as Timothy er jeet veih Macedonia, va Paul er ny ghreinnaghey ayns e spyrryd, as dymmyrk eh feanish gys ny Hewnyn dy nee Yeesey va yn Creest.

Jannoo 20:21

Gymmyrkey feanish chammah gys ny Hewnyn as myrgeddin gys ny Ashoonee, mychione arrys gys Jee, as credjue gys nyn Jiarn Yeesey Creest.

Jannoo 20:23

Er‐lhimmey dy vel y Spyrryd Noo gymmyrkey feanish ayns dagh ard‐valley, gra, Dy vel geulaghyn as seaghyn my chour.

Jannoo 20:32

As nish, vraaraghyn, ta mee chymney shiu gys Jee, as gys goo e ghrayse, ta abyl nyn droggal shiu seose, as eiraght y chur diu nyn mast’ ocsyn ooilley ta er nyn gasherickey.

Jannoo 21:13

Eisht dreggyr Paul, Cre shoh ta shiu jannoo, dy cheayney as brishey my chree? son ta mee aarloo, cha nee ynrycan dy ve er my choyrt ayns geulaghyn, agh eer dy hurranse baase ec Jerusalem er graih ennym y Chiarn Yeesey.

Jannoo 22:21

As dooyrt eh rhym, Immee royd: son ver‐ym’s oo er chaghteraght foddey veih shoh gys ny Ashoonee.

Jannoo 9:15

Agh dooyrt y Chiarn rish, Immee royd: son t’eh ny haagh reiht dooys, dy ymmyrkey my ennym kiongoyrt rish ny Ashoonee, as reeaghyn, as cloan Israel.

Romanee 11:6

As my she liorish grayse, cha vel eh ny sodjey liorish obbraghyn: er aght elley cha vel grayse ny sodjey grayse. Agh my te liorish obbraghyn, eisht cha vel eh ny sodjey grayse: er aght elley cha vel obbyr jeh veg y vree.

Romanee 4:4

Nish dasyn ta gobbraghey, cha vel y leagh coontit myr foayr, agh myr cair.

1 Corinthianee 15:58

Shen‐y‐fa, my chaarjyn graihagh, shass‐jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.

2 Corinthianee 12:10

Shen‐y‐fa ta mee goaill boggey ayns annooinid, ayns oltooanyn, ayns êgin, ayns tranlaase, ayns chennid er graih Chreest: son tra ta mee annoon, eisht ta mee lajer.

2 Corinthianee 4:1

Fakin er‐y‐fa shen dy vel yn oik shoh ain, myr ta shin er gheddyn myghin, cha vel shin lhiggey nyn gree voïn:

2 Corinthianee 4:12

Myr shen eisht, ta baase gobbraghey aynin, agh bioys ayndiuish.

2 Corinthianee 5:8

Ta shin ayns cree, ta mee gra, as ny s’aggindee dy ve mooie ass y chorp, as dy ve ec y thie ayns y Chiarn.

2 Corinthianee 7:4

S’mooar ta reamys my ghlare hiuish, s’mooar ta my voggyssagh jiuish: ta mee lhieent lesh gerjagh, ta mee goaill boggey erskyn towse ayns ooilley yn seaghyn ain.

Galatianee 1:1

Paul ny ostyl (cha nee veih deiney, chamoo liorish dooinney, agh liorish Yeesey Creest, as Jee yn Ayr, ren eshyn y hroggal veih ny merriu)

Ephesianee 1:6

Gys moylley gloyr e ghrayse, liorish t’eh er n’yannoo soiagh j’in ayns e er‐graihagh:

Ephesianee 3:13

Shen‐y‐fa ta mee guee erriu ny lhig shiu nyn gree veue; son ny ta mish dy uilliaghtyn ayns y lieh euish, ta shoh yn ghloyr eu.

Philippianee 2:17

As, dy jarroo, my vees m’uill’s er ny gheayrtey magh er oural as shirveish y chredjue euish, ta mee dy my gherjaghey, as goaill boggey mêriu ooilley.

Philippianee 2:30

Er‐yn‐oyr son obbyr Chreest ve’h ayns dangeyr baaish, gyn soiaghey jeh e vioys hene dy yannoo magh hym’s shen ny va shiuish er‐gooyl ayns nyn ghiastyllys.

Colossianee 1:24

Ta nish goaill boggey ayns my hurranse er nyn son, as lhieeney seose shen ny ta er‐gooyl jeh seaghyn Chreest ayns my eill, er graih yn chorp echeysyn, ta shen yn agglish:

1 Thessalonianee 2:2

Agh dy jarroo lurg dooin ve roïe er hurranse, as er gheddyn dellal scammyltagh, myr ta fys eu, ec Philippi, va shin dunnal ayns y Jee ain, dy phreacheil diu sushtal Yee lesh lane streeu.

1 Thessalonianee 3:3

Nagh beagh dooinney erbee er ny ghleayshagh liorish ny seaghynyn shoh: son ta fys eu hene dy nee gys shoh ta shin er ve kiarit.

2 Timothy 1:12

Er‐yn‐oyr cheddin ta mee myrgeddin surranse ny reddyn shoh, ny‐yeih cha vel nearey orrym: son shione dou eshyn ayn ta mee er credjal, as ta mee feer shickyr dy vel eh abyl dy reayll shen ny ta mee er hymney gys e chiarail gys yn laa shen.

2 Timothy 3:11

Yn tranlaase, as y seaghyn haink orrym ec Antioch, ec Iconium, ec Lystra: cre’n tranlaase hie mee ny hrooid; agh assdoo ooilley ren y Chiarn my livrey.

2 Timothy 4:17

Ny‐yeih, hass y Chiarn lhiam, as ren eh m’y niartaghey; liorym’s dy voddagh preacheil [y tushtal] ve dy slane er ny hoiggal, as dy voddagh ooilley ny Ashoonee clashtyn: as va mee er my livrey ass beeal y lion.

Titus 1:3

Agh t’eh ayns imbaghyn cooie er hoilshaghey e ghoo trooid preacheil [y tushtal], y’er ny choyrt‐er my churrym, cordail rish sarey Yee nyn Saualtagh:

Titus 2:11

Son ta grayse Yee er ny hoilshaghey, ta chebbal saualtys da dy chooilley ghooinney.

Hebrewnee 10:34

Son va chymmey eu orrym’s ayns my gheulaghyn, as ghow shiu dy arryltagh rish spooilley nyn gooid, toiggal ayndiu hene dy vel nyn gour cooid share as s’beayn ayns niau.

1 Peddyr 5:12

Liorish Sylvanus braar firrinagh diuish (myr ta mee dy ghoaill eh) ta mee er scrieu ayns focklyn giarey, coyrlaghey as gymmyrkey feanish, dy nee shoh grayse firrinagh Yee ayn ta shiu shassoo.

1 Ean 3:16

Liorish shoh ta shin toiggal graih Yee, ayns dy dug eh sheese e vioys er nyn son: as lhisagh shinyn nyn mioys y chur sheese son ny braaraghyn.

Ashlish 12:11

As hooar ad barriaght er liorish fuill yn Eayn, as liorish goo nyn veanish; as cha row scansh oc jeh nyn mioys dy jarroo gys y vaase.

Ashlish 6:11

As va coamraghyn gial er ny choyrt da dagh unnane oc, as ve er ny ghra roo, dy row ad dy ghoaill fea foast son tammylt derrey veagh traa nyn sheshaghyn‐sharvaant myrgeddin, as nyn mraaraghyn va dy hurranse baase myr ren adsyn, cooilleenit.