Jannoo 20:20 - Yn Conaant Noa 1810

²⁰ As kys nagh dreill mee back nhee erbee veagh vondeishee diuish, agh hoilshee mee diu, as dynsee mee shiu dy foshlit, as veih thie dy thie,

Yn Vible Casherick 1775 1819

²⁰ As kys nagh dreill mee back nhee erbee veagh vondeishagh diuish, agh hoilshee mee diu, as dynsee mee shiu dy foshlit, as veih thie dy thie,

Jannoo 20:20 ပူးပေါင်းရင်းမြစ်များ

Noo Mark 4:34

Agh fegooish coraa‐dorraghey cha loayr eh roo: as tra v’ad nyn lomarcan, hoilshee eh dy chooilley nhee da e ostyllyn.

Jannoo 2:46

As taaghey yn chiamble gagh‐laa lesh un aigney, as brishey arran ’sy thie ghow ad nyn meaghey lesh gennallys as feoiltys cree,

Jannoo 20:27

Son cha vel mee er haghney dy hoilshaghey diu slane coyrle Yee.

Jannoo 20:31

Bee‐jee er‐y‐fa shen er nyn arrey, as cooinee‐jee rish three bleeaney dy vel mee er ve kinjagh oie as laa cur raaue da dy chooilley unnane eu lesh jeïr.

Jannoo 5:2

As keiltyn ayrn jeh’n phrice er‐fys da e ven, hug eh lesh yn chooid elley, as lhie eh sheese ec cassyn ny hostyllyn eh.

Jannoo 5:42

As gagh laa ayns y chiamble, as veih thie dy thie cha scuirr ad dy ynsaghey as dy phreacheil Yeesey Creest.

1 Corinthianee 12:7

Agh ta soilshey yn Spyrryd er ny choyrt da dy chooilley ghooinney son vondeish ennagh.

1 Corinthianee 14:6

Nish, vraaraghyn, my hig‐yms hiuish loayrt lesh chengaghyn joarree, cre‐woad share vees shiu, mannagh loayr‐ym riu, edyr liorish ashlish, ny liorish tushtey, ny liorish phadeyrys, ny liorish ynsagh?

1 Corinthianee 15:3

Son livrey mee diu hoshiaght ooilley, shen ny hooar mee hene myrgeddin, kys dy dooar Creest baase son nyn beccaghyn cordail rish ny scriptyryn:

Philippianee 3:1

Ny sodjey, my vraaraghyn, gow‐jee boggey ayns y Chiarn. Dy scrieu ny reddyn cheddin hiuish, cha vel eh deinagh dooys, agh diuish te vondeishagh.

Colossianee 1:28

Eshyn ta shinyn dy phreacheil, cur raaue da dy chooilley ghooinney, as gynsaghey dy chooilley ghooinney ayns slane creenaght; dy vod mayd dy chooilley ghooinney y hebbal dy slane casherick ayns Creest Yeesey:

2 Timothy 4:2

Jean y goo y phreacheil, coyrlee dy jeean ec dy chooilley hraa as caa; cur oghsan, smaghtee, jean coyrlaghey lesh dy chooilley veenid as ynsagh.