Jannoo 20:19 - Yn Conaant Noa 1810

¹⁹ Shirveish y Chiarn lesh dy chooilley injillid aigney, as lesh mooarane jeïr, as seaghyn haink my raad, liorish kialgyn [goanlyssagh] ny Hewnyn:

Yn Vible Casherick 1775 1819

¹⁹ Shirveish y Chiarn lesh dy chooilley injillid aigney, as lesh mooarane jeïr, as seaghyn haink my raad, liorish kialgyn [goanlyssagh] ny Hewnyn:

Jannoo 20:19 ပူးပေါင်းရင်းမြစ်များ

Noo Luke 19:41

As tra v’eh er jeet er‐gerrey, yeeagh eh er yn ard‐valley, as cheayn eh harrish,

Noo Ean 12:26

My nee dooinney erbee mish y hirveish, lhig da geiyrt orrym; as y raad ta mish, shen y raad myrgeddin vees my harvaant: my nee dooinney erbee mish y hirveish, dasyn ver my Ayr onnor.

Jannoo 17:13

Agh tra hooar Hewnyn Thessalonica fys dy row Paul er phreacheil goo Yee ec Berea, haink ad derrey shen myrgeddin, as ghreinnee ad yn pobble n’oï.

Jannoo 17:5

Agh ny Hewnyn mee‐chredjuagh greinnit lesh goanlys, ghow ad huc shiartanse dy ghrogh gheiney mee‐reiltagh; as tra va chaglym mooar jeu oc, hug ad ooilley yn ard‐valley bun‐ry‐skyn, as vrish ad stiagh er niart ayns thie Jason, er‐chee ad y choyrt lhieu magh gys y pobble.

Jannoo 20:3

As duirree eh ayns shen three meeaghyn: as tra va ny Hewnyn lhie fo‐chlea er e hon, myr v’eh kiarail dy ghoaill lhuingys gys Syria, ghow eh ayns laue dy darragh eh back trooid Macedonia.

Jannoo 20:31

Bee‐jee er‐y‐fa shen er nyn arrey, as cooinee‐jee rish three bleeaney dy vel mee er ve kinjagh oie as laa cur raaue da dy chooilley unnane eu lesh jeïr.

Jannoo 21:27

As tra va ny shiaght laa faggys ec kione, ghreinnee ny Hewnyn va veih Asia ooilley yn pobble, tra honnick ad eh ayns y chiamble, as ghreimm ad eh,

Jannoo 27:23

Son hass liorym’s noght ainle Yee, quoi s’lesh mee, as eh ta mee dy hirveish,

Romanee 1:1

Paul sharvaant Yeesey Creest, er ny eam dy ve ny ostyl, soit er‐lheh gys sushtal Yee;

Romanee 1:9

Son Jee m’eanish, eh ta mee dy hirveish lesh my spyrryd ayns sushtal e Vac, dy vel mee dy kinjagh cooinaghtyn erriu ayns my phadjeryn,

Romanee 12:11

Cha nee liastey ayns obbyr; agh jeean ayns spyrryd; shirveish y Chiarn:

2 Corinthianee 2:4

Son lesh mooarane trimshey as angaish cree, scrieu mee hiu lesh ymmodee jeïr; cha nee dy chur trimshey erriu, agh dy voddagh fys ve eu er y ghraih jeean t’aym’s erriu.

2 Corinthianee 3:5

Cha nee dy vel shin fondagh j’in hene dy smooinaghtyn nhee erbee myr j’in hene; agh ta’n phooar ain veih Jee.

2 Corinthianee 7:5

Son tra va shin er jeet gys Macedonia, cha row fea ain ’sy challin, agh va shin seaghnit er dy chooilley heu; cheu‐mooie va caggey, cheu‐sthie va aggle.

Galatianee 1:10

Son vel mee nish geearree foayr gheiney, ny foayr Yee? ny vel mee shirrey dy wooiys deiney? son dy beign foast shirrey pleasal deiney, cha beign sharvaant Chreest.

Ephesianee 6:7

Lesh aigney‐mie jannoo nyn obbyr, myr da’n Chiarn, as cha nee da deiney:

Philippianee 3:18

(Son ta ymmodee gimmeeaght, my‐nyn gione ta mee er n’insh diu dy mennick, as nish lesh jeir ginsh diu, dy nee ad noidyn crosh Chreest:

Colossianee 3:24

Toiggal, dy nee veih’n Chiarn yiow shiu yn leagh dy eiraght: son ta shiu shirveish yn Chiarn Creest.

1 Thessalonianee 1:9

Son t’ad hene soilshaghey mychione ain, kys ghow shiu rooin tra haink shin hoshiaght ny mast’ eu, as kys hyndaa shiu gys Jee veih jallooyn, dy hirveish y Jee bio as firrinagh.

2 Timothy 1:4

Dy jeean goaill foddiaght dy dty akin, cooinaghtyn er dty yeir, dy voddym ve er my lhieeney lesh gerjagh:

Jamys 1:2

My vraaraghyn, jeeagh‐jee er myr oyr dy ard‐voggey tra huittys shiu ayns caghlaghyn dy heaghyn;

1 Peddyr 1:6

Son shoh ta shiu goaill mooarane boggey, ga nish son tammylt beg (my she aigney Yee eh) ta shiu ayns trimshey trooid ymmodee seaghyn:

2 Peddyr 1:1

Simon Peddyr, sharvaant as ostyl Yeesey Creest, dauesyn ta er n’gheddyn yn credjue ooasle cheddin rooinyn, trooid ynrickys Yee, as nyn Saualtagh Yeesey Creest:

Ashlish 7:15

T’ad er‐y‐fa shen kiongoyrt rish stoyl‐reeoil Yee, as dy hirveish eh oie as laa ayns e hiamble: as nee eshyn ta ny hoie er y stoyl‐reeoil cummal nyn mast’ oc.