Jannoo 20:1 - Yn Conaant Noa 1810

¹ As erreish da’n irree‐magh shoh ve ec fea, deïe Paul er ny Creesteenyn huggey, as daag eh bannaght oc, as jimmee eh roish dy gholl gys Macedonia.

Yn Vible Casherick 1775 1819

¹ As erreish da’n irree-magh shoh ve ec fea, deïe Paul er ny Creesteenyn huggey, as daag eh bannaght oc, as jimmee eh roish dy gholl gys Macedonia.

Jannoo 20:1 ပူးပေါင်းရင်းမြစ်များ

Jannoo 11:26

As haink eh gy‐kione dy duirree ad choud as bleïn ayns shen ayns sheshaght ny hagglish, as dy dynsee ad ymmodee dy leih; as va ny credjuee enmyssit Creesteenyn hoshiaght ayns Antioch.

Jannoo 16:12

As veih shen gys Philippi, yn reih ard‐valley v’ayns yn ayrn shen jeh Macedonia, as bentyn gys y Raue: as duirree shin ayns yn ard‐valley shen shiartanse dy laghyn.

Jannoo 16:9

As honnick Paul ashlish ayns yn oie; Hass dooinney jeh Macedonia liorish, as ghuee eh er, gra, Tar noon gys Macedonia, as coon lhien.

Jannoo 19:21

Tra va ny reddyn shoh ec kione, chiare Paul ayns y Spyrryd, erreish da v’er gholl trooid Macedonia as Achaia, dy ragh eh gys Jerusalem, gra, Lurg dou ve ayns shen, shegin dou myrgeddin yn Raue y akin.

Jannoo 20:10

Agh hie Paul sheese, as gliooney liorish, as goaill eh ayns e roihaghyn, dooyrt eh, Ny bee‐jee ayns imnea erbee; son ta e vioys ayn.

Jannoo 20:2

As tra v’eh er gholl harrish ny ardjyn shen, as dy jeean er choyrlaghey ad, haink eh gys Greece;

Jannoo 20:3

As duirree eh ayns shen three meeaghyn: as tra va ny Hewnyn lhie fo‐chlea er e hon, myr v’eh kiarail dy ghoaill lhuingys gys Syria, ghow eh ayns laue dy darragh eh back trooid Macedonia.

Jannoo 20:37

As cheayn ad ooilley dy treih, lhie er mwannal Phaul as dy phaagey eh,

Romanee 15:19

Trooid cowraghyn niartal as yindyssyn, liorish pooar Spyrryd Yee; myr shen voish Jerusalem, as ooilley mygeayrt Illyricum, ta mee dy slane er phreacheil sushtal Chreest.

Romanee 16:16

Banne‐jee y cheilley lesh paag chasherick. Ta kialteenyn Chreest dy nyn mannaghey.

1 Corinthianee 16:20

Ta ooilley ny braaraghyn dyn mannaghey shiu. Oltee‐jee yn derrey yeh yn jeh elley lesh y phaag dy hee.

1 Corinthianee 16:5

Eisht hig‐ym hiuish tra vee’m er n’gholl trooid Macedonia: (son ta mee ry‐hoi goll trooid Macedonia.)

2 Corinthianee 13:12

Bannee‐jee y cheilley lesh y phaag dy hee.

2 Corinthianee 7:5

Son tra va shin er jeet gys Macedonia, cha row fea ain ’sy challin, agh va shin seaghnit er dy chooilley heu; cheu‐mooie va caggey, cheu‐sthie va aggle.

1 Thessalonianee 5:26

Jean‐jee ooilley ny braaraghyn y vannaghey lesh y phaag dy hee.

1 Timothy 1:3

Myr ghuee mee ort dy uirriaght kinjagh ec Ephesus, tra hie mee gys Macedonia, dy voddagh oo raaue y choyrt da paart gyn dy ynsaghey sushtal erbee elley,