Jannoo 2:39 - Yn Conaant Noa 1810

³⁹ Son ta’n gialdyn diuish as da nyn gloan, as dauesyn ooilley ta foddey jeh, dy jarroo da whilleen as vees er nyn eam liorish nyn Jiarn Jee.

Yn Vible Casherick 1775 1819

³⁹ Son ta’n gialdyn diuish as da nyn gloan, as dauesyn ooilley ta foddey jeh, dy jarroo da whilleen as vees er nyn eam liorish nyn Jiarn Jee.

Jannoo 2:39 ပူးပေါင်းရင်းမြစ်များ

Jannoo 10:45

As ghow mooinjer yn ghiarey‐chymmylt va er chredjal, yindys mooar, whilleen as haink marish Peddyr, son er ny Ashoonee myrgeddin dy row gioot y Spyrryd Noo er ny gheayrtey magh.

Jannoo 14:27

As tra v’ad er jeet, as er n’eamagh er yn agglish cooidjagh, hug ad coontey daue jeh ooilley ny va Jee er n’yannoo roo, as kys v’eh er vosley dorrys y chredjue da ny Ashoonee.

Jannoo 15:14

Ta Simeon er hoilshaghey kys ren Jee ec y toshiaght jeeaghyn er ny Ashoonee dy ghoaill assdoo pobble son e ennym hene.

Jannoo 15:3

As hie yn agglish magh mâroo dy chur ad er nyn doshiaght er nyn yurnah, as jimmee ad trooid Phenice as Samaria, soilshaghey chyndaa ny Hashoonee gys y chredjue: as va shoh oyr boggey mooar da ooilley ny braaraghyn.

Jannoo 15:8

Agh dymmyrk Jee, fer‐fysseree ny creeaghyn, feanish lhieu, as hug eh daue yn Spyrryd Noo, myr hug eh dooinyn.

Romanee 11:29

Son ta giootyn graysoil as eam Yee gyn caghlaa.

Romanee 8:30

As adsyn ren eh kiarail ro‐laue, orroo shoh ren eh myrgeddin geamagh: as adsyn ren eh geamagh, ren eh myrgeddin seyrey: as adsyn t’eh er heyrey, t’eh myrgeddin er ghloyraghey.

Romanee 9:24

Dy‐jarroo shinyn t’eh er n’eam, cha nee jeh ny Hewnyn ny‐lomarcan, agh jeh ny Ashoonee myrgeddin.

Romanee 9:4

Ta nyn Israeliteyn; dauesyn ta bentyn yn doltanys, as y ghloyr, as ny conaantyn, as coyrt y leigh, as shirveish Yee, as ny gialdinyn;

1 Corinthianee 7:14

Son ta’n dooinney eck nagh vel jeh’n chredjue er ny chasherickey liorish y ven, as ta’n ven nagh vel jeh’n chredjue er ny chasherickey liorish y dooinney: er aght elley veagh y chloan eu neu‐ghlen; agh nish t’ad casherick.

Ephesianee 1:18

Liorish sooillyn nyn dushtey v’er ny hoilshaghey; dy vod shiu toiggal cre ta treishteil yn eam echey, as cre ta berchys gloyr e eiraght ayns ny nooghyn,

Ephesianee 2:12

Dy row shiu ec y traa shen fegooish Creest, fegooish cairys gys vondeishyn lught‐thie Israel, as joarreeyn da conaantyn y ghialdyn, gyn veg y treishteil, as fegooish Jee ayns y theihll:

Ephesianee 4:4

Ta ayn un chorp, as un Spyrryd, dy jarroo myr ta shiu er nyn eam gys un hreishteil jeh nyn stayd [Creestee]:

2 Thessalonianee 1:11

Shen‐y‐fa ta shin myrgeddin dy kinjagh goaill padjer er nyn son eu, dy gooidsave lesh y Jee ain dy choontey shiu feeu jeh’n eam shoh, as dy chooilleeney ooilley aigney‐mie e vieys, as yn obbyr dy chredjue lesh pooar.

2 Timothy 1:9

Ta er hauail shin, as er n’eamagh orrin lesh eam casherick, cha nee cordail rish ny obbraghyn ain, agh cordail rish e chiarail hene as grayse va er ny choyrt dooin ayns Creest Yeesey, er‐dy hoshiaght y theihll,

Hebrewnee 3:1

Shen‐y‐fa, vraaraghyn chrauee, paarteeassyn ’syn eam flaunyssagh, cur‐jee tastey mie da Yeesey Creest, ostyl as ard‐saggyrt nyn gredjue:

Hebrewnee 9:15

As son yn oyr shoh she eshyn ta eddyr shin as Jee fo’n conaant noa, myr shen liorish fuilliaghtyn baase dy yannoo lhiassaghey son ny peccaghyn va fo’n chied chonaant, dy voddagh adsyn t’er nyn eam geddyn yn gialdynys jeh eiraght dy bragh farraghtyn.

1 Peddyr 5:10

Agh dy jean y Jee jeh dy chooilley ghrayse, ta er n’eamagh orrin gys e ghloyr dy bragh farraghtyn liorish Creest Yeesey, lurg diu ve er hurranse tammylt beg, dy jean eh shiu y yannoo dy firrinagh mie, dy jean eh shiu y chummal seose, y niartaghey, as y hickyraghey,

2 Peddyr 1:10

Shen‐y‐fa, vraaraghyn, bee‐jee ny s’kiaralee dy yannoo yn stayd huggey va shiu er nyn eam as er nyn reih, shickyr: son my nee shiu ny reddyn shoh, cha duitt shiu son dy bragh:

2 Peddyr 1:3

Cordail myr ta e phooar flaunyssagh er choyrt dooin dy chooilley nhee ta bentyn gys bea as craueeaght, trooid y tushtey jehsyn ta er n’eamagh shin gys gloyr as bea spyrrydoil:

Ashlish 17:14

Nee ad shoh caggey noi yn Eayn as yiow’n Eayn barriaght orroo: son t’eshyn Chiarn dy hiarnyn, as Ree dy reeaghyn; as t’adsyn ta leshyn, er nyn eam, er nyn reih, as firrinagh.

Ashlish 19:9

As dooyrt eh rhym, Scrieu Maynrey t’adsyn ta er nyn guirrey gys shibber‐banshey yn Eayn. As dooyrt eh rhym, T’ad shoh raaghyn firrinagh Yee.