Jannoo 2:23 - Yn Conaant Noa 1810

²³ Eshyn, va currit diu liorish oardagh ro‐laue as fysserree Yee, ta shiuish er ghoaill, as lesh laueyn mee‐chrauee er chrossey as er varroo.

Yn Vible Casherick 1775 1819

²³ Eshyn va currit diu liorish oardagh ro-laue as fysseree Yee, ta shiuish er ghoaill, as lesh laueyn mee-chrauee er chrossey as er varroo.

Jannoo 2:23 ပူးပေါင်းရင်းမြစ်များ

Noo Mian 20:19

As livreyree ad seose eh gys ny Ashoonee, as nee ad faghid er, as eh y scuitchal, as y chrossey: as er y trass laa nee eh girree reesht [veih ny merriu]

Noo Mian 26:24

Ta Mac y dooinney goll, myr te scruit jeh: agh smerg da’n dooinney shen liorish vees Mac y dooinney er ny vrah: s’mie veagh eh son y dooinney shen mannagh row eh rieau er jeet er y theihll.

Noo Mian 27:35

As ren ad eh y chrossey, as rheynn ad e gharmadyn, tilgey lottyn: as shoh myr va cooilleenit shen loayr y phadeyr, Rheynn ad my gharmadyn nyn mast’ oc, as er my chooat ren ad lottyn y hilgey.

Noo Mark 15:24

As tra v’ad er chrossey eh, reynn ad e gharmadyn, tilgey lottyn orroo, son ayrn dagh dooinney.

Noo Luke 22:22

As dy firrinagh ta’n Mac dooinney goll myr ve kiarit: agh smerg da’n dooinney shen liorish t’eh er ny vrah.

Noo Luke 22:37

Son ta mee gra riu, Dy nhegin da shoh ny ta scruit, ve foast cooilleenit aynym’s, As v’eh er ny earroo marish ny drogh‐yantee: son ta jerrey er ny reddyn ta my‐mychione’s.

Noo Luke 23:33

As tra v’ad er jeet gys yn ynnyd ta enmyssit Calvary, ayns shen ren ad eshyn y chrossey, as ny kimmee; yn derrey yeh er y laue yesh, as y jeh elley er y laue chiare.

Noo Luke 24:20

As kys ren ny ard‐saggyrtyn as ny fir‐reill ain y livrey eh dy ve er ny gheyrey gys baase, as ta’d er chrossey eh.

Noo Ean 19:18

Raad ren ad eshyn y chrossey, as jees elley mârish, fer er dagh cheu, as Yeesey ayns y vean.

Noo Ean 19:24

Dooyrt ad er‐y‐fa shen nyn mast’ oc hene, Ny lhig dooin y raipey eh, agh lhottyn y hilgey er, quoi echey vees eh: dy voddagh y scriptyr ve cooilleenit, ta gra, Reynn ad my gharmad nyn mast’ oc, as er my chooat ren ad lottyn y hilgey. Shoh myr ren ny sidooryn.

Jannoo 13:27

Son cummaltee Yerusalem, as ny fir‐reill oc, son nagh dug ad tastey dasyn, ny foast da, goo ny phadeyryn t’er nyn lhaih dy chooilley ghoonaght, t’ad er chooilleeney ad shen ayns eshyn y gheyrey.

Jannoo 15:18

Ec Jee ta fys er ooilley e obbraghyn hene, er‐dy hoshiaght y theihll.

Jannoo 2:36

Shen‐y‐fa lhig da ooilley lught‐thie Israel as fys y ve oc ayns shickyrys, dy vel Jee er n’yannoo Yeesey shen ta shiuish er chrossey, chammah Chiarn as Creest.

Jannoo 3:18

Agh shen va Jee ro‐laue er hoilshaghey liorish beeal ooilley e adeyryn, dy row Creest dy hurranse, t’eh myr shoh er chooilleeney.

Jannoo 4:28

Dy yannoo cre‐erbee va dty laue as dty choyrle kiarit ro‐laue dy yannoo.

Jannoo 5:28

Gra, Nagh dug shinyn sarey gyere diu, gyn shiu dy ynsaghey ayns yn ennym shoh? as cur‐my‐ner, ta shiu er lhieeney Jerusalem lesh yn ynsagh eu, as kiarail tayrn orrin loght fuill y dooinney shoh.

Jannoo 5:30

Ta Jee ny hayraghyn ain er hroggal seose Yeesey, ren shiuish y varroo as y chroghey er billey.

Jannoo 7:52

Quoi jeh ny phadeyryn nagh ren ny ayraghyn eu tranlaase er? as t’ad er varroo adsyn hoilshee ro‐laue jeh cheet yn Ercairagh, eh ta shiuish nish er vrah as er ghunverys:

Romanee 2:12

Son bee whilleen as t’er n’yannoo peccah fegooish leigh, er nyn gheyrey neesht fegooish y leigh: as bee whilleen as t’er n’yannoo peccah fo’n leigh, er nyn mriwnys liorish y leigh,

Romanee 4:17

(Myr te scruit, Ta mee er dty yannoo ayr ymmodee ashoonyn) cordail rishyn er ren eh credjal, dy jarroo Jee, ta bioghey ny merriu, as geamagh er ny reddyn shen nagh vel, myr dy beagh ad hannah ayn:

1 Thessalonianee 2:15

Chur dy baase chammah yn Chiarn Yeesey, as ny phadeyryn oc hene, as er n’yannoo tranlaase orrin; as cha vel ad pleasal Jee, as t’ad noi dy chooilley ghooinney:

1 Peddyr 1:2

Reiht cordail rish tushtey ro‐laue Yee yn Ayr, trooid casherickys y Spyrryd gys biallys, as gys spreih fuill Yeesey Creest: Grayse dy row hiu, as shee dy row er ny vishaghey.

1 Peddyr 1:20

Va dy firrinagh er ny oardaghey ro‐laue er‐dy hoshiaght y theihll, agh er ny hoilshaghey ayns ny traaghyn s’jerree shoh er y ghraih euish.

1 Peddyr 2:8

As clagh son snapperal, as creg son tuittym er, dy jarroo dauesyn ta snapperal ec y goo, myr t’ad mee‐viallagh, gys shen v’ad myrgeddin er nyn bointeil.

Jude 1:4

Son ta shiartanse dy gheiney dy steetagh er hayrtyn stiagh, nyn gour va’n vriwnys shoh roïe er ny oardaghey; deiney mee‐chrauee, chyndaa grayse yn Jee ain gys rouanys, as gobbal yn ynrycan Chiarn Jee, as nyn Jiarn Yeesey Creest.

Ashlish 13:8

As ver ooilley cummaltee yn theihll ooashley da, nyn enmyn nagh vel scruit ayns lioar bea yn Eayn er ny varroo er‐dy hoshiaght y theihll.