Jannoo 2:20 - Yn Conaant Noa 1810

²⁰ Bee yn ghrian er ny hyndaa gys dorraghys, as yn eayst gys fuill, roish my jig laa mooar as cronnal y Chiarn.

Yn Vible Casherick 1775 1819

²⁰ Bee yn ghrian er ny hyndaa gys dorraghys, as yn eayst gys fuill, roish my jig laa mooar as cronnal y Chiarn.

Jannoo 2:20 ပူးပေါင်းရင်းမြစ်များ

Noo Mian 24:29

Chelleeragh lurg seaghyn nyn laghyn shen, hig dorraghys er y ghrian, as cha der yn eayst e soilshey, as tuittee rollageyn yn aer, as bee pooaraghyn yn aer er nyn graa.

Noo Mian 27:45

Nish veih yn cheyoo oor, va dorraghys harrish ooilley yn cheer, gys yn nuyoo oor.

Noo Mark 13:24

Agh ayns ny laaghyn cheddin, lurg y seaghyn shen, aasee yn ghrian dorraghey, as cha der yn eayst e soilshey:

Noo Luke 21:25

As bee cowraghyn ayns y ghrian, as ayns yn eayst, as ayns ny rollageyn; as er y thalloo seaghyn er ashoonyn, as angaish; yn faarkey, as ny tonnyn freaney;

Jannoo 2:19

As soilshee‐ym yindyssyn ayns yn aer heose, as cowraghyn er y thalloo wass; fuill as aile, as torcan dy yaagh.

Jannoo 2:21

As hig eh gy‐kione, quoi‐erbee eïe‐ys er ennym y Chiarn, dy bee eh er ny hauail.

1 Corinthianee 5:5

Dy livrey lheid y fer shen da’n drogh‐spyrryd dy stroie yn eill, dy vod yn annym ve er ny hauail ayns laa yn Chiarn Yeesey.

1 Thessalonianee 5:2

Son ta fys dy mie eu hene, dy vel laa yn Chiarn cheet myr maarliagh ’syn oie.

2 Peddyr 3:10

Agh hig laa yn Chiarn myr maarliagh ’syn oie; tra nee ny niaughyn cherraghtyn lesh feiyr atchimagh, as nee stoo yn theihll lheïe lesh chiass loshtee bee’n thalloo shoh hene myrgeddin as ny obbraghyn t’ayn er nyn lostey seose.

2 Peddyr 3:7

Agh ta ny niaughyn as yn thalloo t’ayn nish, liorish y goo cheddin freilt ayns stoyr, kiarit son yn aile ry‐hoi laa ny briwnys, as toyrt‐mow deiney mee‐chrauee.

Ashlish 16:8

As ren y chiarroo ainle e chappan y gheayrtey er y ghrian; as va pooar er ny choyrt da dy lostey deiney lesh aile.

Ashlish 6:12

As honnick mee tra doshil eh yn cheyoo seal, as cur‐my‐ner, va craa mooar thallooin ayn, as haink y ghrian dy ve doo myr aanrit‐sack geyshteenagh, as va’n eayst myr fuill;