Jannoo 19:33 - Yn Conaant Noa 1810

³³ As hayrn ad Alexander magh ass y cheshaght, ny Hewnyn cur eh er e hoshiaght. As chrie Alexander lesh e laue, as baillish v’er loayrt ass e lieh hene rish y pobble.

Yn Vible Casherick 1775 1819

³³ As hayrn ad Alexander magh ass y cheshaght, ny Hewnyn cur eh er e hoshiaght. As chrie Alexander lesh e laue, as baillish v’er loayrt ass e lieh hene rish y pobble.

Jannoo 19:33 ပူးပေါင်းရင်းမြစ်များ

Noo Luke 1:22

As tra haink eh magh, cha voddagh eh loayrt roo; as hoig ad dy row eh er vakin ashlish ayns y chiamble: son v’eh jannoo signyn daue, as hannee eh balloo.

Jannoo 12:17

Agh chrie eshyn e laue orroo ad dy ve nyn dhost, as hoilshee eh daue kys va’n Chiarn er chur lesh eh ass y phryssoon. As dooyrt eh, Insh‐jee ny reddyn shoh da Jamys, as da ny braaraghyn. As jimmee eh roish, as hie eh gys ynnyd elley.

Jannoo 13:16

Eisht hass Paul seose, as troggal seose e laue, dooyrt eh, Gheiney Israel, as shiuish ta goaill aggle roish Jee, eaisht‐jee.

Jannoo 19:34

Agh tra hooar ad fys dy nee Hew v’eh, dyllee ad ooilley lesh un choraa choud as daa oor, S’mooar ta Diana ny Ephesianee.

Jannoo 21:40

As tra v’eh er chur kied da, hass Paul er ny greeshyn, as chrie eh e laue er y pobble: as tra v’ad ooilley cooidjagh nyn dhost, loayr eh roo ayns glare ny Hebrewnyn, gra.

Jannoo 24:10

Eisht dreggyr Paul, tra va’n kiannoort er chur kied da dy loayrt, Son wheesh as dy vel fys aym dy vel uss er ve rish ymmodee bleeantyn dty vriw er yn ashoon shoh, ta mee ny s’aggindee dy ansoor er my hon hene;

Philippianee 1:7

Dy jarroo myr te jesh dooys yn smooinaghtyn shoh y ve aym mychione eu ooilley, er‐y‐fa dy vel shiu aym ec my chree, ayns wheesh as chammah ayns my gheulaghyn, as ayns fendeil as niartaghey yn sushtal, ta shiu ooilley paarteeassyn mârym jeh grayse.

1 Timothy 1:20

Jeu shoh ta Hymenius as Alexander; ad ta mee er livrey gys y drogh spyrryd, dy vod ad gynsaghey dyn dy loayrt goan‐mollaghtagh.

2 Timothy 4:14

Ta Alexander yn gaaue‐copper er n’yannoo dooys mooarane olk: nee’n Chiarn eh y chooilleeney cordail rish e obbraghyn.