Jannoo 19:23 - Yn Conaant Noa 1810

²³ As ec y traa cheddin cha nee yn beggan boirey dirrey mychione y chredjue shen.

Yn Vible Casherick 1775 1819

²³ As ec y traa cheddin cha nee yn beggan boirey dirree mychione y chredjue shen.

Jannoo 19:23 ပူးပေါင်းရင်းမြစ်များ

Jannoo 18:26

As ren eh toshiaght dy loayrt lesh dunnallys ayns y synagogue. Agh tra va Aquila as Priscilla er chlashtyn eh, ghow ad stiagh eh, as hug ad ynsaghey sodjey as s’diuney da ayns raad Yee.

Jannoo 19:9

Agh tra daase shiartanse jeu roonagh, as mee‐chredjuagh, loayrt dy lûnagh noi yn credjue shen kiongoyrt rish y pobble, hug eh cooyl roo, as scarrey ny Creesteenyn voue, dynsee eh gagh laa ayns schoill fer va enmyssit Tyrannus.

Jannoo 22:4

As ren mee tranlaase er y chredjue shoh gys y baase, kiangley as livrey gys pryssoonyn chammah deiney as mraane.

Jannoo 24:14

Agh shoh ta mee goaill‐rish hood’s, lurg yn aght t’adsyn genmys shaghrynys veih’n chredjue, dy nee shen myr ta mish cur ooashley da Jee my ayraghyn, credjal dagh nhee ta scruit ayns y leigh as ny phadeyryn:

Jannoo 24:22

Tra cheayll, Felix shoh, hug eh ad shaghey, derrey oddagh eh toiggal sodjey y gheddyn ’sy chooish; as dooyrt eh, Tra hig Lysias yn ard‐chaptan neose, yioyms fys er bun y chooish eu.

Jannoo 9:2

As hir eh veih screeunyn, gys Damascus gys ny fir‐reill, my yioghe eh veg jeh’n raad shen, edyr ad ve deiney ny mraane, dy chur lesh ad geulit gys Jerusalem.

2 Corinthianee 11:26

Ayns jurnaaghyn dy mennick, ayns gaue ushtaghyn, ayns gaue roosteyryn, ayns gaue veih my gheiney‐cheerey hene, ayns gaue veih ny Ashoonyn‐quaagh, ayns gaue ’syn ard‐valley, ayns gaue ’syn aasagh, ayns gaue er yn aarkey, ayns gaueghyn mastey braaraghyn foalsey;

2 Corinthianee 6:5

Ayns buillaghyn, ayns pryssooney, ayns irree‐magh nyn ’oï, ayns tooilleil, ayns watchal, ayns trostey;

2 Corinthianee 6:9

Myr sleih nagh vel enney er ny choyrt orrin, as foast ta enney vie; myr goll dy baase, as cur‐my‐ner ta shin bio; myr smaghtit, as gyn v’er nyn goyrt dy baase;