Jannoo 19:22 - Yn Conaant Noa 1810

²² Er shoh hug eh gys Macedonia jees jeh ny shirveishee echey, Timothy as Erastus; agh duirree eh hene ayns Asia son earish.

Yn Vible Casherick 1775 1819

²² Er shoh hug eh gys Macedonia jees jeh ny shirveishee echey, Timothy as Erastus; agh duirree eh-hene ayns Asia son earish.

Jannoo 19:22 ပူးပေါင်းရင်းမြစ်များ

Jannoo 13:5

As tra haink ad gys Salamis ren ad goo Yee y phreacheil ayns kialteenyn ny Hewnyn: as va Ean oc mâroo son shirveishagh.

Jannoo 16:1

Eisht haink eh gys Derbe as Lystra: as cur‐my‐ner, va dooinney dy row jeh’n chredjue ayns shen, va enmyssit Timothy, mac ben dy row v’er ve ny Hew, as ren chyndaa gys y chredjue; agh va’n Ayr echey ny Ashoonagh:

Jannoo 16:3

As eshyn baillish Paul dy gholl magh marish, as ghow eh as ren eh eh y ghiarey‐chymmylt, kyndagh rish ny Hewnyn v’ayns ny ardjyn shen: son va fys oc ooilley dy row e ayr ny Ashoonagh.

Jannoo 18:5

As tra va Silas as Timothy er jeet veih Macedonia, va Paul er ny ghreinnaghey ayns e spyrryd, as dymmyrk eh feanish gys ny Hewnyn dy nee Yeesey va yn Creest.

Jannoo 19:10

As shoh chum eh jannoo choud as daa vleïn; myr shen dy ren ooilley cummaltee Asia clashtyn goo yn Chiarn Yeesey; chammah ny Hewnyn as ny Ashoonee.

Jannoo 19:21

Tra va ny reddyn shoh ec kione, chiare Paul ayns y Spyrryd, erreish da v’er gholl trooid Macedonia as Achaia, dy ragh eh gys Jerusalem, gra, Lurg dou ve ayns shen, shegin dou myrgeddin yn Raue y akin.

Jannoo 19:29

As va ooilley yn ard‐valley bun‐ry‐skyn: as erreish daue v’er ghoaill Gaius as Aristarchus, Macedonianee, sheshaghyn troailtee Phaul, ying ad stiagh ooilley dy cheilley ayns y theater.

Jannoo 20:1

As erreish da’n irree‐magh shoh ve ec fea, deïe Paul er ny Creesteenyn huggey, as daag eh bannaght oc, as jimmee eh roish dy gholl gys Macedonia.

Jannoo 20:34

Dy jarroo ta fys eu hene, dy nee ny laueyn shoh ren shirveish er my ymmyrch, as orroosyn va mârym.

Romanee 16:23

Ta Gaius ren oltagh‐bea y choyrt dooys, as da’n slane agglish, dy vannaghey shiu. Ta Erastus stiurt yn ard‐valley dy nyn mannaghey, as Quartus ta braar Creestee.

2 Corinthianee 1:16

As dy ghoaill shiuish er my raad gys Macedonia, as dy heet reesht veih Macedonia hiuish, as lieriuish dy ve er my choyrt lhiam er my raad gys Judea.

2 Corinthianee 11:9

As tra va mee kionfenish mêriu, as ayns feme, cha dug mee dooinney erbee gys cost: agh shen ny va dy laccal orrym, ren ny braaraghyn haink veih Macedonia y yannoo magh: as ayns dy chooilley nhee ta mee er vreayll mee hene veih ve costyllagh diu, as shen myr nee’m mee hene y reayll.

2 Corinthianee 2:13

Cha row fea aym ayns my spyrryd, son nagh dooar mee Titus my vraar: agh faagail bannaght oc, hie mee veih shen gys Macedonia.

2 Corinthianee 8:1

Ta shin myrgeddin, vraaraghyn, soilshaghey diu grayse Yee v’er ny hirveish ayns kialteenyn Macedonia:

2 Corinthianee 8:19

(As cha nee ynrycan shen, agh v’eh myrgeddin er ny reih liorish ny kialteenyn, dy hroailt mârin lesh y ghiastyllys shoh, t’er ny hirveish liorinyn gys gloyr y Chiarn cheddin, as gys prowal jeh’n aigney arryltagh euish)

1 Thessalonianee 1:8

Son veueish hie feiyr goo yn Chiarn magh, cha nee ny lomarcan ayns Macedonia as Achaia; agh myrgeddin ayns dy chooilley voayl ta’n credjue euish ayns Jee er ny skeayley dy lhean, myr shen nagh lhiass dooin cheet harrish.

2 Timothy 4:20

Duirree Erastus ec Corinth: agh Trophimus ta mee er n’aagail ching ec Miletum.