Jannoo 19:21 - Yn Conaant Noa 1810

²¹ Tra va ny reddyn shoh ec kione, chiare Paul ayns y Spyrryd, erreish da v’er gholl trooid Macedonia as Achaia, dy ragh eh gys Jerusalem, gra, Lurg dou ve ayns shen, shegin dou myrgeddin yn Raue y akin.

Yn Vible Casherick 1775 1819

²¹ Tra va ny reddyn shoh ec kione, chiare Paul ayns y Spyrryd, erreish da v’er gholl trooid Macedonia as Achaia, dy ragh eh gys Jerusalem, gra, Lurg dou ve ayns shen, shegin dou myrgeddin yn Raue y akin.

Jannoo 19:21 ပူးပေါင်းရင်းမြစ်များ

Jannoo 16:12

As veih shen gys Philippi, yn reih ard‐valley v’ayns yn ayrn shen jeh Macedonia, as bentyn gys y Raue: as duirree shin ayns yn ard‐valley shen shiartanse dy laghyn.

Jannoo 18:12

As tra va Gallio ny chiannoort er Achaia, dirree ny Hewnyn magh lesh un aigney noi Paul, as hayrn ad lhieu eh gys stoyl y vriwnys.

Jannoo 18:21

Agh daag eh bannaght oc, gra, Shegin dooys er dy chooilley chor yn feailley shoh ta er‐gerrey y reayll ec Jerusalem: agh higym back reesht hiuish, lesh cooney Yee. As hiauill eh veih Ephesus.

Jannoo 19:22

Er shoh hug eh gys Macedonia jees jeh ny shirveishee echey, Timothy as Erastus; agh duirree eh hene ayns Asia son earish.

Jannoo 19:29

As va ooilley yn ard‐valley bun‐ry‐skyn: as erreish daue v’er ghoaill Gaius as Aristarchus, Macedonianee, sheshaghyn troailtee Phaul, ying ad stiagh ooilley dy cheilley ayns y theater.

Jannoo 20:16

Son va Paul kiarit dy hiaulley shaghey Ephesus, er‐y‐fa nagh row eh booiagh yn traa y vaarail ayns Asia; son v’eh ayns preish siyr, er dy chooilley chor dy ve ec Jerusalem er laa ny Kingeesh.

Jannoo 20:22

As nish cur‐my‐ner, ta mee goll fo bree yn Spyrryd gys Jerusalem, gyn fys ve aym cre ta dy haghyrt dou ayns shen:

Jannoo 21:17

As tra va shin er jeet gys Jerusalem, hug ny braaraghyn oltaghey‐bea gennal dooin.

Jannoo 21:4

As son dy dooar shin Creesteenyn ayns shen, duirree shin mâroo shiaght laa: as choyrlee ad Paul trooid y Spyrryd, gyn eh dy gholl seose gys Jerusalem.

Jannoo 23:11

As yn oie er‐giyn hass y Chiarn liorish, as dooyrt eh, Bee dy yien mie, Phaul: son myr t’ou er n’ymmyrkey feanish jeem’s ayns Jerusalem, myr shen neesht shegin dhyt feanish y ymmyrkey ec y Raue.

Jannoo 27:1

As tra ve kiarit dy row shin dy ghoaill lhuingys gys Italy, livrey ad Paul as shiartanse dy phryssoonee elley, gys fer va enmyssit Julius centurion v’ayns sheshaght‐chaggee Augustus.

Jannoo 27:24

Gra, Ny bee aggle ort, Phaul; shegin dhyt shassoo fenish Cesar: as cur‐my‐ner ta Jee er ghiootal ort ooilley adsyn ta shiaulley mayrt.

Jannoo 28:16

As tra haink shin gys y Raue, livrey yn centurion ny pryssoonee gys captan y ghard: agh ve lowit da Paul thie y ve echey da hene, marish sidoor va curmit lesh.

Romanee 1:11

Son ta foddiaght orrym dy akin shiu, dy voddym gioot ennagh spyrrydoil y hirveish erriu, dy vod shiu ve er ny niartaghey;

Romanee 1:13

Nish cha baill‐ym eh ve gyn‐yss diu, vraaraghyn, dy row mee dy mennick kiarail cheet hiu (agh choud shoh va mee er my lhiettal) dy voddagh mess ennagh ve aym ny vud euish myrgeddin, dy jarroo myr mastey Ashoonee elley.

Romanee 1:15

Shen‐y‐fa, gys rere my phooar, ta mee aarloo dy phreacheil yn sushtal diuish myrgeddin t’ec y Raue.

1 Corinthianee 16:5

Eisht hig‐ym hiuish tra vee’m er n’gholl trooid Macedonia: (son ta mee ry‐hoi goll trooid Macedonia.)

1 Corinthianee 4:19

Agh hig‐ym hiu dy gerrit, lesh kied y Chiarn, as toig‐ym eisht, cha nee yn ghlare ocsyn ta mooaralagh, agh y phooar.

2 Corinthianee 10:16

Dy phreacheil y sushtal ayns ny cheeraghyn er cheu elley j’iu, as cha nee dy ve boggyssagh ayns rule dooinney elley, jeh reddyn jeant aarloo gys nyn laue.

Galatianee 2:1

Eisht kiare bleeaney jeig ny lurg shen, hie mee seose reesht gys Jerusalem, marish Barnabas, as ghow mee Titus myrgeddin mârym.

1 Thessalonianee 1:7

Myr shen dy row shiu sampleyryn dauesyn ooilley ta credjal ayns Macedonia as Achaia.