Jannoo 19:11 - Yn Conaant Noa 1810

¹¹ As s’mooar va ny mirrillyn ren Jee obbraghey liorish laueyn Phaul:

Yn Vible Casherick 1775 1819

¹¹ As s’mooar va ny mirrilyn ren Jee y obbraghey liorish laueyn Phaul:

Jannoo 19:11 ပူးပေါင်းရင်းမြစ်များ

Noo Ean 14:12

Dy firrinagh firrinagh ta mee gra riu, Eshyn ta credjal aynym’s ny obbraghyn ta mish dy yannoo nee eshyn myrgeddin, as obbraghyn smoo na ad shoh nee eh; er‐y‐fa dy vel mish goll royms gys my Ayr.

Jannoo 14:3

Ry‐foddey dy earish er‐y‐fa shen duirree ad ayns shen loayrt dy dunnal ayns y Chiarn, ren feanish y ymmyrkey gys goo e ghrayse hene, coyrt daue pooar cowraghyn as yindyssyn dy ve jeant liorish ny laueyn oc.

Jannoo 15:12

Eisht va ooilley yn cheshaght nyn dhost, as deaisht ad rish Barnabas as Paul, soilshaghey cre ny mirrillyn as yindyssyn va Jee er n’obbraghey mastey ny Ashoonee lioroosyn.

Jannoo 16:18

As shoh ren ee ry ymmodee laghyn. Agh Paul seaghnit ec shoh, hyndaa eh, as dooyrt eh rish y spyrryd, Ta mee dy dty harey ayns ennym Yeesey Creest oo dy heet magh ass‐jee. As haink eh magh yn oor cheddin.

Jannoo 5:12

As liorish laueyn ny hostyllyn va ymmodee cowraghyn as yindyssyn er nyn yannoo mastey’n pobble; (as v’ad ooilley lesh un aigney ayns phorch Solomon.

Jannoo 8:13

As va Simon hene er hyndaa gys y chredjue: as tra v’eh er ny vashtey, duirree eh marish Philip, goaill yindys, as cur tastey da ny mirrilyn as ny cowraghyn v’er nyn obbraghey.

Galatianee 3:5

Eshyn er‐y‐fa shen ta shirveish yn Spyrryd erriuish, as ta gobbraghey mirrillyn nyn mast’ eu, vel eh dy yannoo eh liorish obbraghyn y leigh, ny liorish y clashtyn dy chredjue?

Hebrewnee 2:4

Jee myrgeddin gymmyrkey feanish lhieu, chammah liorish cowraghyn as yindyssyn, as lesh ymmodee mirrillyn, as giootyn y Spyrryd Noo, cordail rish e aigney hene?