Jannoo 18:7 - Yn Conaant Noa 1810

⁷ As jimmee eh veih shen, as hie eh stiagh ayns thie dooinney dy row va ooashlaghey Jee, enmyssit Justus, yn thie echey va er‐gerrey da’n synagogue.

Yn Vible Casherick 1775 1819

⁷ As jimmee eh veih shen, as hie eh stiagh ayns thie dooinney dy row va ooashlaghey Jee, enmyssit Justus, yn thie echey va er-gerrey da’n synagogue.

Jannoo 18:7 ပူးပေါင်းရင်းမြစ်များ

Noo Ean 9:31

Nish ta fys ain nagh vel Jee cur clashtyn da drogh‐yantee: agh my ta dooinney erbee cur ooashley da Jee, as jannoo e aigney, dasyn t’eh cur clashtyn.

Jannoo 10:2

Dooinney crauee, as beaghey ayns aggle Yee, eh hene as ooilley e hie, as v’eh cur mooarane jeirk da’n pobble, as dy mennick ayns padjer gys Jee.

Jannoo 10:22

As dooyrt adsyn Cornelius yn centurion, dooinney cairagh, as beaghey ayns aggle Yee, as jeh goo mie mastey slane ashoon ny Hewnyn, t’eh er gheddyn raaue veih Jee liorish ainle casherick, dy chur fys ort’s gys e hie, dy eaishtagh rish dty ghoan.

Jannoo 13:42

As myr va ny Hewnyn goll magh ass y synagogue, ghuee ny Ashoonee dy beagh ny goan shoh er ny phreacheil daue yn nah ghoonaght.

Jannoo 13:43

As erreish da’n chaglym‐cooidjagh v’er skeayley, deiyr ymmodee jeh ny Hewnyn, as jeh ny proselyteyn crauee er Paul as Barnabas; as loayr ad roo, as choyrlee ad ad dy hannaghtyn ayns grayse Yee.

Jannoo 13:50

Agh ghreinnee ny Hewnyn ny mraane seyrey va jeh’n chredjue oc, as deiney ooasle yn ard‐valley nyn ’oï oc, as dirree ad seose noi Paul as Barnabas, as deiyr ad ad ass dy ardjyn oc.

Jannoo 16:14

As va ben dy row va enmyssit Lydia, jeh ard‐valley Thyatira, as dellal ayns purple v’ee shoh cur ooashley da Jee, as deaisht ee rooin: as doshil yn Chiarn y cree eck, dy choyrt geill da ny goan va Paul dy loayrt.

Jannoo 17:4

As ren paart jeu credjal, as lhiantyn gys Paul as Silas: myr ren earroo mooar jeh ny Greekyn crauee, as myrgeddin dy vraane seyrey.

Colossianee 4:11

As Jesus, ta enmyssit Justus, ta jeh’n ghiarey‐chymmylt. Ad shoh ny lomarcan my cho‐labreeyn gys reeriaght Yee, ta er ny ve gerjagh dooys.