Jannoo 18:4 - Yn Conaant Noa 1810

⁴ As v’eh resooney ayns y synagogue dy chooilley ghoonaght, as coyrlaghey ny Hewnyn as ny Greekyn.

Yn Vible Casherick 1775 1819

⁴ As v’eh resooney ayns y synagogue dy chooilley ghoonaght, as coyrlaghey ny Hewnyn as ny Greekyn.

Jannoo 18:4 ပူးပေါင်းရင်းမြစ်များ

Noo Luke 16:31

As dooyrt eh rish, Mannagh der ad geill da Moses as ny phadeyryn, cha greidjagh ad, ga dy n’irragh fer veih ny merriu.

Noo Luke 4:16

As haink eh gys Nazareth, raad v’eh er ny ve troggit: as hie eh, myr v’eh cliaghtey, stiagh ayns y synagogue er laa yn doonaght, as hass eh seose dy lhaih.

Noo Ean 7:35

Eisht dooyrt ny Hewnyn nyn mast’ oc hene, C’raad hed eh, nagh vow mayd eh? jed eh gys ny Hewnyn t’er nyn skeayley mastey ny Ashoonee, as adsyn y ynsaghey?

Jannoo 13:14

Agh tra v’ad er gholl veih Perga, haink ad gys Antioch ayns Pisidia, as hie ad stiagh ayns y synagogue er laa yn doonaght, as hoie ad sheese.

Jannoo 14:1

As haink eh gy‐kione ayns Iconium, dy jagh ad ny neesht cooidjagh stiagh ayns synagogue ny Hewnyn, as dy loayr ad myr shen dy ren earroo mooar chammah jeh ny Hewnyn as ny Ashoonee credjal.

Jannoo 17:11

V’ad shoh jeh cree s’ooasle na ny Thessalonianee, ayns dy deaisht ad rish y goo lesh slane arryltys aigney, ronsaghey ny scriptyryn gagh laa, nee shoh myr va ny reddyn shen.

Jannoo 17:17

Shen‐y‐fa ren eh resooney ayns y synagogue rish ny Hewnyn, as rish ny deiney crauee, as ayns thie ny quaallagh gagh laa roosyn va cheet ny raad.

Jannoo 18:13

Gra, Ta’n fer shoh coyrlaghey sleih dy ooashlaghey Jee noi yn leigh.

Jannoo 18:19

As haink eh gys Ephesus, as daag eh adsyn ayns shen: agh hie eh hene stiagh ayns y synagogue, as resoon eh rish ny Hewnyn.

Jannoo 19:26

Marish shoh ta shiu fakin as clashtyn, dy vel Paul shoh, cha nee ynrycan ec Ephesus, agh faggys trooid ooilley Asia, er choyrlaghey as er hayrn ersooyl ymmodee sleih, gra, nagh nee Jeeghyn ad ta jeant lesh laueyn:

Jannoo 19:8

As hie eh stiagh ayns y synagogue, as loayr eh lesh dunnallys choud as three meeaghyn, resooney as coyrlaghey ny reddyn va bentyn rish reeriaght Yee.

Jannoo 26:28

Eisht dooyrt Agrippa rish Paul, T’ou faggys er my choyrlaghey dy ve my Chreestee.

Jannoo 28:23

As tra v’ad er phointeil laa er e hon, haink ymmodee huggey gys e hie; daue shoh hug eh tushtey, as dymmyrk eh feanish jeh reeriaght Yee, coyrlaghey ad mychione Yeesey, chammah ass leigh Voses as ny phadeyryn, veih moghrey derrey yn astyr.

Jannoo 9:20

As chelleeragh ren eh Creest y phreacheil ayns ny kialteenyn, dy nee Mac Yee eh.

2 Corinthianee 5:11

Toiggal er‐y‐fa shen atchim y Chiarn, ta shin coyrlaghey deiney; agh ta’n ynrickys ainyn er ny hoilshaghey gys Jee, as ta mee treishteil neesht, dy vel eh er ny hoilshaghey gys ny cooinsheanseyn euish.