Jannoo 18:27 - Yn Conaant Noa 1810

²⁷ As tra v’eh kiarit dy gholl er e hoshiaght gys Achaia, scrieu ny braaraghyn lesh coyrlaghey da ny Creesteenyn dy yannoo soiaghey mooar jeh: as erreish da v’er jeet, hug eh dy mie er nyn doshiaght adsyn v’er chredjal trooid grayse.

Yn Vible Casherick 1775 1819

²⁷ As tra v’eh kiarit dy gholl er e hoshiaght gys Achaia, scrieu ny braaraghyn lesh coyrlaghey da ny Creesteenyn dy yannoo soiaghey mooar jeh: as erreish da v’er jeet, hug eh dy mie er nyn doshiaght adsyn v’er chredjal trooid grayse.

Jannoo 18:27 ပူးပေါင်းရင်းမြစ်များ

Jannoo 1:15

As ayns ny laghyn shen hass Peddyr seose mastey fir‐eiyrtee [Yeesey] as dooyrt eh (va earroo ny henmyn cooidjagh mysh shey‐feed)

Jannoo 11:26

As haink eh gy‐kione dy duirree ad choud as bleïn ayns shen ayns sheshaght ny hagglish, as dy dynsee ad ymmodee dy leih; as va ny credjuee enmyssit Creesteenyn hoshiaght ayns Antioch.

Jannoo 15:34

Ny‐yeih she aigney Silas ve dy uirriaght ayns shen.

Jannoo 18:12

As tra va Gallio ny chiannoort er Achaia, dirree ny Hewnyn magh lesh un aigney noi Paul, as hayrn ad lhieu eh gys stoyl y vriwnys.

Jannoo 18:18

As duirree Paul ayns shen ymmodee laghyn, as eisht daag eh bannaght ec ny braaraghyn, as hiauill eh veih shen gys Syria, as mârish Priscilla as Aquila, v’er vaarey e chione ec Cenchrea; son v’eh fo breearrey.

Jannoo 19:1

As haink eh gy‐kione choud as va Apollos ec Corinth, dy jagh Paul trooid ny ardjyn syrjey, derrey haink eh gys Ephesus: raad hooar eh Creesteenyn dy row,

Jannoo 9:27

Agh ghow Barnabas eh, as hug eh lesh eh gys ny ostyllyn, as hoilshee eh daue, kys v’eh er vakin y Chiarn er y raad, as dy row eh er loayrt rish, as kys v’eh er phreacheil dy dunnal as dy foshlit ec Damascus ayns ennym Yeesey.

Romanee 1:5

Liorishyn ta shin er n’gheddyn grayse as ostyllys son biallys gys y chredjue mastey dy chooilley ashoon liorish yn ennym echey:

1 Corinthianee 15:10

Agh liorish grayse Yee ta mee ny ta mee: as e ghrayse, va er ny ghiootal orrym, cha row eh ayns fardail; agh ren mee laboragh ny s’doccarree na ad ooilley: ny‐yeih cha nee mish, agh grayse Yee va mârym.

1 Corinthianee 16:3

As tra hig‐ym, quoi‐erbee nee shiuish y lowal jeh liorish nyn screeuyn, ad shen ver‐yms dy choyrt lhieu yn ghiastyllys eu gys Jerusalem.

1 Corinthianee 3:6

Ta mish er hoiaghey, ren Apollos gushtaghey, agh Jee ren bishaghey.

2 Corinthianee 1:24

Cha nee dy vel shin gymmyrkey reill harrish nyn gredjue, agh ta shin fir‐choonee dy vishaghey nyn moggey: son liorish credjue ta shiu shassoo.

Philippianee 1:25

As ayns treishteil shickyr jeh shoh, ta fys aym dy bee’m bio as dy jean‐ym tannaghtyn mêriuish ooilley, dy choyrt er y hoshiaght nyn moggey as nyn gredjue:

Philippianee 1:29

Son diuish te er ny choyrt ass lieh Chreest, cha nee ny‐lomarcan dy chredjal ayn, agh myrgeddin dy hurranse er y ghraih echey;

Colossianee 2:12

Oanluckit mârishyn ayns bashtey, ayn myrgeddin ta shiu er n’irree seose mârish trooid credjue obbragh breeoil Yee, t’er hroggal eh reesht veih ny merriu.

Colossianee 4:10

Ta Aristarchus my heshey‐pryssonagh dy vannaghey diu, as Marcus mac shayrey Barnabas (mychione echey hooar shiu currym; my hig eh hiu jean‐jee mooar jeh)