Jannoo 18:15 - Yn Conaant Noa 1810

¹⁵ Agh mannagh vel eh agh argane ny vud eu hene mychione focklyn as ennym, as y leigh eu hene, jeeagh‐jee hene da; son cha beem’s my vriw ayns lheid ny cooishyn.

Yn Vible Casherick 1775 1819

¹⁵ Agh mannagh vel eh agh argane ny-vud eu hene mychione focklyn as enmyn, as y leigh eu hene, jeeagh-jee hene da; son cha beem’s my vriw ayns lheid ny cooishyn.

Jannoo 18:15 ပူးပေါင်းရင်းမြစ်များ

Noo Mian 27:24

Tra honnick Pilate nagh dug ad geill da e choyrle, agh dy row ad aarloo dy irree‐magh, ghow eh ushtey, as niee eh e laueyn kiongoyrt rish y pobble, gra, Ta mish neu‐chyndagh jeh fuill yn phersoon cairagh shen jeeagh‐jee shiuish da.

Noo Mian 27:4

Gra, Ta mee er n’yannoo peccah, ayns dy vel mee er vrah yn uill neu chyndagh. As dooyrt adsyn, Cre ta shen dooinyn? jeeagh uss da shen.

Noo Ean 18:31

Eisht dooyrt Pilate roo, Gow‐jee shiuish eh, as jean‐jee eh y vriwnys cordail y leigh eu hene. Dooyrt ny Hewnyn er‐y‐fa shen rish, Cha vel eh lowal dooinyn dooinney erbee y chur gy baase:

Jannoo 18:13

Gra, Ta’n fer shoh coyrlaghey sleih dy ooashlaghey Jee noi yn leigh.

Jannoo 23:29

As dennee mee dy row eh er ny chassid mychione cooishyn jeh’n leigh oc hene; agh nagh row nhee erbee currit gys e lieh toilchin baase ny geulaghyn.

Jannoo 25:11

Son my ta mee my ghrogh‐yantagh, ny my ta mee er n’yannoo nhee erbee dy hoilchin baase, cha vel mee gobbal baase y hurranse: agh mannagh vel yn irriney ayns nhee erbee t’ad shoh dy choyrt my lieh, cha vod dooinney erbee mish y livrey seose huc. Ta mee scughey yn chooish gys Cesar.

Jannoo 25:19

Agh va shiartanse dy whestionyn oc n’oï, mychione y chredjue oc hene, as mychione fer enmyssit Yeesey va marroo, agh va Paul shassoo er dy row eh bio.

Jannoo 26:3

Agh erskyn ooilley son dy vel oo toiggalagh ayns dy chooilley chliaghtey as question ta mastey ny Hewnyn: shen‐y‐fa ta mee guee ort, oo dy eaishtagh rhym dy surransagh.

1 Timothy 1:4

Chamoo dy chur geill da raaghyn fardalagh, as coontey fegooish bun ny baare er sheelogheyn, ta doostey questionyn [streeuagh], ny smoo na ynsagh crauee, ta ayns credjue.

1 Timothy 6:4

T’eh moyrnagh, er beggan tushtey, agh branladee mysh questionyn as arganeyn streeuagh, voue ta cheet troo, anvea, oltooan, drogh‐ouryssyn,

2 Timothy 2:23

Agh questionyn ommijagh, as giare‐cheeayllagh cur voïd, myr ta fys ayd dy vel ad doostey streeu.

Titus 3:9

Agh shaghyn questionyn ommijagh mychione sheelogheyn, as anvea, as streeu mysh y leigh; son t’ad neu‐vondeishagh, as fardail.