Jannoo 18:12 - Yn Conaant Noa 1810

¹² As tra va Gallio ny chiannoort er Achaia, dirree ny Hewnyn magh lesh un aigney noi Paul, as hayrn ad lhieu eh gys stoyl y vriwnys.

Yn Vible Casherick 1775 1819

¹² As tra va Gallio ny chiannoort er Achaia, dirree ny Hewnyn magh lesh un aigney noi Paul, as hayrn ad lhieu eh gys stoyl y vriwnys,

Jannoo 18:12 ပူးပေါင်းရင်းမြစ်များ

Noo Mian 27:19

Erreish da soie er stoyl y vriwnys, hug e ven fys huggey, gra, Ny bee veg ayd’s dy yannoo rish y dooinney cairagh shen: son s’mooar ta mee er hurranse jiu ayns my chadley, er y choontey echeysyn.

Noo Ean 19:13

Tra cheayll Pilate er‐y‐fa shen yn raa shoh, hug eh lesh Yeesey magh, as hoie eh sheese er stoyl ny briwnys, ayns ynnyd ta enmyssit yn Pavement, agh ayns Hebrew, Gabbatha.

Jannoo 13:12

Tra honnick yn kiannoort eisht cre va er daghyrt, ren eh credjal, as ghow eh yindys mooar jeh goo yn Chiarn.

Jannoo 13:50

Agh ghreinnee ny Hewnyn ny mraane seyrey va jeh’n chredjue oc, as deiney ooasle yn ard‐valley nyn ’oï oc, as dirree ad seose noi Paul as Barnabas, as deiyr ad ad ass dy ardjyn oc.

Jannoo 13:7

Va marish kiannoort ny cheerey, Sergius Paulus, dooinney mie tushtagh: hug eh shoh fys er Barnabas as Saul, geearree goo Yee y chlashtyn.

Jannoo 13:8

Agh Elymas (ta shen dy ghra ’sy ghlare ainyn, Yn fer‐obbee hug eh eddin daue, er‐chee dy hyndaa yn kiannoort veih’n chredjue.

Jannoo 14:19

As haink shiartanse dy Hewnyn veih Antioch as Iconium, as chleaynee ad y pobble, as ren ad Paul y chlaghey as y hayrn magh ass yn ard‐valley, sheiltyn dy row eh marroo.

Jannoo 14:2

Agh ghreinnee ny Hewnyn mee‐chredjuagh ny Ashoonee, as physhoon ad ny aignaghyn oc noi ny braaraghyn.

Jannoo 17:13

Agh tra hooar Hewnyn Thessalonica fys dy row Paul er phreacheil goo Yee ec Berea, haink ad derrey shen myrgeddin, as ghreinnee ad yn pobble n’oï.

Jannoo 17:5

Agh ny Hewnyn mee‐chredjuagh greinnit lesh goanlys, ghow ad huc shiartanse dy ghrogh gheiney mee‐reiltagh; as tra va chaglym mooar jeu oc, hug ad ooilley yn ard‐valley bun‐ry‐skyn, as vrish ad stiagh er niart ayns thie Jason, er‐chee ad y choyrt lhieu magh gys y pobble.

Jannoo 18:11

As duirree eh ayns shen three bleeaney as lieh vleïn, gynsaghey goo Yee nyn mast’ oc.

Jannoo 18:27

As tra v’eh kiarit dy gholl er e hoshiaght gys Achaia, scrieu ny braaraghyn lesh coyrlaghey da ny Creesteenyn dy yannoo soiaghey mooar jeh: as erreish da v’er jeet, hug eh dy mie er nyn doshiaght adsyn v’er chredjal trooid grayse.

Jannoo 19:21

Tra va ny reddyn shoh ec kione, chiare Paul ayns y Spyrryd, erreish da v’er gholl trooid Macedonia as Achaia, dy ragh eh gys Jerusalem, gra, Lurg dou ve ayns shen, shegin dou myrgeddin yn Raue y akin.

Jannoo 25:10

Eisht dooyrt Paul, Ta mee my hassoo ec stoyl‐briwnys Cesar, raad s’cair dou ve er my vriwnys: da ny Hewnyn cha vel mee er n’yannoo aggair erbee, myr s’mie ta fys ayd hene.

Romanee 15:26

Son s’gooidsave lhieusyn jeh Macedonia as Achaia, dy yannoo chaglym ennagh son ny Creesteenyn boghtey ta ec Jerusalem.

Romanee 16:5

Bannee‐jee myrgeddin ny Creesteenyn t’ayns y thie oc. Bannee‐jee my charrey graihagh Epenetus, yn chied‐vess dy Chreest ayns Achaia.

1 Corinthianee 16:15

Ta mee guee erriu, vraaraghyn, (shione diu lught‐thie Stephanas, dy vel eh yn chied‐vess dy Achaia, as dy vel ad dy arryltagh er ghoaill orroo dy hirveish er ny nooghyn.)

2 Corinthianee 1:1

Paul ostyl Yeesey Creest, liorish aigney Yee, as Timothy nyn mraar, gys agglish Yee ta ec Corinth, marish ooilley ny nooghyn t’ayns Achaia;

2 Corinthianee 11:10

Myr ta firrinys Chreest aynym, cha jean dooinney erbee m’y lhiettal veih’n voggyssagh shoh ayns ardjyn Achaia.

2 Corinthianee 11:26

Ayns jurnaaghyn dy mennick, ayns gaue ushtaghyn, ayns gaue roosteyryn, ayns gaue veih my gheiney‐cheerey hene, ayns gaue veih ny Ashoonyn‐quaagh, ayns gaue ’syn ard‐valley, ayns gaue ’syn aasagh, ayns gaue er yn aarkey, ayns gaueghyn mastey braaraghyn foalsey;

2 Corinthianee 9:2

Son ta fys aym er arryltys nyn aigney, jeh shen ta mee boggyssagh roosyn ta jeh Macedonia, dy row Achaia aarloo blein er‐dy‐henney; as ta’n ghraih jeean euish er ghreinnaghey ymmodee.

1 Thessalonianee 2:14

Son haink shiuish vraaraghyn, dy ve eiyrtyssee er kialteenyn Yee, ta ayns Judea ayns Creest Yeesey: son ta shiuish neesht er hurranse ny reddyn cheddin liorish ny deiney‐cheerey eu hene, dy jarroo myr t’adsyn liorish ny Hewnyn:

1 Thessalonianee 2:16

Lhiettal shin veih loayrt rish ny Ashoonyn‐quaagh, dy voddagh ad v’er nyn sauail, dy lhieeney seose dy kinjagh towse nyn beccaghyn: son ta corree dy heet orroo gys y chooid sodjey.

Jamys 2:6

Agh ta shiuish er hoiaghey beg jeh ny boghtyn. Nagh vel ny berchee jannoo tranlaase erriu, as tayrn shiu fenish stuill‐vriwnys?