Jannoo 17:30 - Yn Conaant Noa 1810

³⁰ As er earishyn y vee‐hushtey oc, cha ghow Jee kerraghey; agh nish t’eh cur sarey da dy chooilley ghooinney er feai ny cruinney arrys y ghoaill:

Yn Vible Casherick 1775 1819

³⁰ As er earishyn y vee-hushtey oc, cha ghow Jee kerraghey; agh nish t’eh cur sarey da dy chooilley ghooinney er feaï-ny-cruinney arrys y ghoaill:

Jannoo 17:30 ပူးပေါင်းရင်းမြစ်များ

Noo Mian 20:7

Dooyrt adsyn rish, Er‐yn‐oyr nagh vel dooinney erbee er vailley shin. Dooyrt eshyn roo, Immee‐jee shiuish myrgeddin gys y gharey‐feeney, as yiow shiu cre‐erbee ta cair.

Noo Mian 3:2

As gra, Gow‐jee arrys: son ta reeriaght Yee er‐gerrey.

Noo Mian 4:17

Veih yn traa shen ren Yeesey toshiaght dy phreacheil, as dy ghra, Gow‐jee arrys, son ta reeriaght niau er‐gerrey.

Noo Mark 1:15

As gra, Ta’n tra cooilleenit, as ta reeriaght Yee er‐gerrey: gow‐jee arrys, as cred‐jee yn sushtal.

Noo Mark 6:12

As hie ad magh, as ren ad preacheil, sleih dy ghoaill arrys.

Noo Luke 13:5

Ta mee ginsh diu, Nagh row: agh mannagh gow‐shiuish arrys, nee shiu ooilley myrgeddin cherraghtyn.

Noo Luke 15:10

Myrgeddin ta mee gra riu, dy vel boggey ayns fenish ainleyn Yee jeh un pheccagh ta goaill arrys.

Noo Luke 24:47

As arrys as leih peccaghyn dy ve er nyn breacheil ayns yn ennym echey, mastey dy chooilley ashoon, goaill toshiaght ec Jerusalem.

Jannoo 11:18

Tra cheayll ad shoh, v’ad nyn dhost, as hug ad gloyr da Jee, gra, Eisht ta Jee da ny Ashoonee myrgeddin er ghialdyn arrys gys bea.

Jannoo 14:16

As ayns ny earishyn t’er n’gholl shaghey, lhig da ooilley ny Ashoonee shooyl ayns nyn raaidyn hene.

Jannoo 17:23

Son myr va mee goll shaghey, as cur‐my‐ner yn aght ooashlaghey euish, hooar mee altar as yn raa shoh scruit er, GYS Y JEE GYN‐YSS DOOIN. She eshyn er‐y‐fa shen ta shiu dy ooashlaghey gyn fys eu quoi eh, ta mish dy hoilshaghey diu.

Jannoo 20:21

Gymmyrkey feanish chammah gys ny Hewnyn as myrgeddin gys ny Ashoonee, mychione arrys gys Jee, as credjue gys nyn Jiarn Yeesey Creest.

Jannoo 3:19

Gow‐jee arrys er‐y‐fa shen, as chyndaa‐jee, dy vod shiu v’er nyn ghlenney veih nyn beccaghyn, dy vod earishyn yn ooraghey cheet erriu veih fenish y Chiarn,

Romanee 1:28

As dy jarroo myr nagh smooinee ad mie dy reayll Jee ayns nyn dushtey, livrey Jee ad harrish gys creoghys cree, dy yannoo shen nagh row lowal:

Romanee 2:4

Ny vel oo soiaghey beg jeh berchys e vieys, as e veenid, as surranse‐foddey, gyn toiggal dy vel mieys Yee dy dty leeideil gys arrys?

Romanee 3:23

Son ta ooilley er n’yannoo peccah, as er jeet giare jeh gloyr Yee.

Romanee 3:25

Eh ta Jee er chiarail dy ve ny lhiassaghey, trooid credjue ayns e uill, dy hoilshaghey magh e chairys son leih peccaghyn t’er n’gholl shaghey, trooid meenid Yee:

2 Corinthianee 7:10

Son ta trimshey crauee gobbraghey arrys gys saualtys, nagh vel arrys dy v’er ny ghoaill jeh: agh ta trimshey’n theihll gobbraghey baase.

1 Peddyr 4:3

Son s’lioar dooin son y traa jeh nyn mea t’er n’gholl shaghey dy ve er n’yannoo aigney ny Hashoonee, choud’s ren shiu gimmeeaght ayns rouanys, sayntyn ny foalley, jooid‐feeyney, cuirraghyn jollyssagh, meeiteilyn meshtyllagh, as jalloonys dwoaiagh: