Jannoo 17:22 - Yn Conaant Noa 1810

²² Eisht hass Paul seose ayns mean Areopagus, as dooyrt eh, Gheiney Athens, hee‐ym ayns ooilley nyn graueeaght dy vel shiu feer faase‐chredjuagh.

Yn Vible Casherick 1775 1819

²² Eisht hass Paul seose ayns mean Areopagus, as dooyrt eh, Gheiney Athens, hee-ym ayns ooilley nyn graueeaght dy vel shiu feer faase-chredjuagh.

Jannoo 17:22 ပူးပေါင်းရင်းမြစ်များ

Jannoo 17:15

As hug y cheshaght hie marish Paul lhieu eh gys Athens: as chaghteraght currit lhieu gys Silas as Timothy ad dy heet huggey ayns dy chooilley hiyr, jimmee ad rhymboo.

Jannoo 17:16

Nish choud as va Paul farkiaght ec Athens, son ad dy heet, va e chree er ny ghreinnaghey cheu‐sthie jeh, tra honnick eh yn slane ard‐valley lhie ayns jalloonys.

Jannoo 17:19

As ghow ad, as hug ad lhieu eh gys Areopagus, gra, Der oo toiggal dooin, cre ta’n ynsagh noa shoh t’ou uss dy chur magh?

Jannoo 17:34

Ny‐yeih ren shiartanse dy gheiney lhiantyn huggey, as credjal: jeu shoh va Dionysius yn Areopagite, as ben va enmyssit Damaris, as feallagh elley maroo.

Jannoo 19:35

As tra va cleragh yn valley er chur y pobble gys fea, dooyrt eh, Gheiney Ephesus, quoi yn dooinney nagh vel fys echey dy vel ard‐valley ny Ephesianee dy ooashlaghey yn ven‐jee vooar Diana, as yn jalloo huitt neose veih Jupiter?

Jannoo 25:19

Agh va shiartanse dy whestionyn oc n’oï, mychione y chredjue oc hene, as mychione fer enmyssit Yeesey va marroo, agh va Paul shassoo er dy row eh bio.