Jannoo 17:14 - Yn Conaant Noa 1810

¹⁴ Er shoh hug ny braaraghyn ersooyl Paul jeeragh, myr dy beagh eh dy ghoaill lhuingys: agh duirree Silas as Timothy ayns shen.

Yn Vible Casherick 1775 1819

¹⁴ Er shoh hug ny braaraghyn ersooyl Paul jeeragh, myr dy beagh eh dy ghoaill lhuingys: agh duirree Silas as Timothy ayns shen.

Jannoo 17:14 ပူးပေါင်းရင်းမြစ်များ

Noo Mian 10:23

Agh tra nee ad tranlaase erriu ayns un ard‐valley, cosne‐jee reue gys ard‐valley elley son ta mee shickyrys diu, nagh bee shiu er n’gholl harrish ard‐valjyn Israel, derrey vees Mac y dooinney er jeet.

Jannoo 1:15

As ayns ny laghyn shen hass Peddyr seose mastey fir‐eiyrtee [Yeesey] as dooyrt eh (va earroo ny henmyn cooidjagh mysh shey‐feed)

Jannoo 15:22

Eisht yeeagh ny ostyllyn as y chanstyr, as y slane agglish er dy ve ymmyrchagh dy chur deiney reiht jeh’n cheshaght oc hene gys Antioch, marish Paul as Barnabas, ta shen dy ghra, Judas sliennooit Barsabas, as Silas, ard‐gheiney mastey ny braaraghyn:

Jannoo 16:1

Eisht haink eh gys Derbe as Lystra: as cur‐my‐ner, va dooinney dy row jeh’n chredjue ayns shen, va enmyssit Timothy, mac ben dy row v’er ve ny Hew, as ren chyndaa gys y chredjue; agh va’n Ayr echey ny Ashoonagh:

Jannoo 17:10

As hug ny braaraghyn ersooyl chelleeragh Paul as Silas ayns yn oie gys Berea: as tra v’ad er jeet gys shen, hie ad stiagh ayns synagogue ny Hewnyn.

Jannoo 17:15

As hug y cheshaght hie marish Paul lhieu eh gys Athens: as chaghteraght currit lhieu gys Silas as Timothy ad dy heet huggey ayns dy chooilley hiyr, jimmee ad rhymboo.

Jannoo 17:4

As ren paart jeu credjal, as lhiantyn gys Paul as Silas: myr ren earroo mooar jeh ny Greekyn crauee, as myrgeddin dy vraane seyrey.

Jannoo 17:6

As tra nagh dooar ad ad, hayrn ad lhieu Jason as shiartanse jeh ny braaraghyn gys fir‐reill yn ard‐valley, geamagh, T’ad shoh t’er hyndaa yn seihll bun‐ry‐skyn er jeet ayns shoh neesht;

Jannoo 18:5

As tra va Silas as Timothy er jeet veih Macedonia, va Paul er ny ghreinnaghey ayns e spyrryd, as dymmyrk eh feanish gys ny Hewnyn dy nee Yeesey va yn Creest.

Jannoo 19:22

Er shoh hug eh gys Macedonia jees jeh ny shirveishee echey, Timothy as Erastus; agh duirree eh hene ayns Asia son earish.

Jannoo 20:3

As duirree eh ayns shen three meeaghyn: as tra va ny Hewnyn lhie fo‐chlea er e hon, myr v’eh kiarail dy ghoaill lhuingys gys Syria, ghow eh ayns laue dy darragh eh back trooid Macedonia.

Jannoo 9:25

Eisht ghow ny credjuee eh ayns yn oie, as lhig ad eh sheese rish y voalley ayns baskad.

Jannoo 9:30

Agh tra hoig ny braaraghyn shoh, hug ad lhieu eh sheese gys Cesarea, as hug ad eh er e hoshiaght gys Tarsus.

1 Timothy 1:3

Myr ghuee mee ort dy uirriaght kinjagh ec Ephesus, tra hie mee gys Macedonia, dy voddagh oo raaue y choyrt da paart gyn dy ynsaghey sushtal erbee elley,

Titus 1:5

Son yn oyr shoh daag mee oo ayns Crete, dy chiartaghey ny reddyn ta ergooyl, as dy phointeil shirveishee ayns dagh ard‐valley, myr doardee mee dhyt.