Jannoo 16:6 - Yn Conaant Noa 1810

⁶ Nish tra v’ad er gholl trooid Phrygia, as cheer Ghalatia, v’ad er nyn lhiettal liorish y Spyrryd Noo dy phreacheil y goo ayns Asia,

Yn Vible Casherick 1775 1819

⁶ Nish tra v’ad er gholl trooid Phrygia, as cheer Ghalatia, v’ad er nyn lhiettal liorish y Spyrryd Noo dy phreacheil y goo ayns Asia,

Jannoo 16:6 ပူးပေါင်းရင်းမြစ်များ

Noo Luke 1:2

Eer myr hoilshee ad dooinyn ad, va er‐dyn toshiaght nyn veanishyn sooilley as nyn shirveishee jeh’n ghoo.

Jannoo 10:19

Choud as va Peddyr smooinaghtyn er yn ashlish, dooyrt y Spyrryd rish, Cur‐my‐ner, ta three deiney briaght er dty hon.

Jannoo 11:12

As doardee yn Spyrryd dou goll mâroo, fegooish mee‐ourys erbee. As haink ny shey braaraghyn shoh ry heshaght mârym, as hie shin stiagh ayns thie yn dooinney:

Jannoo 16:7

As erreish daue v’er jeet gys Mysia, chiare ad dy gholl er nyn doshiaght gys Bithynia: agh cha lhig y Spyrryd daue.

Jannoo 18:23

As erreish da v’er vaarail tammylt dy hraa ayns shen, jimmee eh roish, as hie eh harrish cheer Ghalatia as Phrygia ayns order, niartaghey ooilley ny Creesteenyn ayns nyn gredjue.

Jannoo 19:10

As shoh chum eh jannoo choud as daa vleïn; myr shen dy ren ooilley cummaltee Asia clashtyn goo yn Chiarn Yeesey; chammah ny Hewnyn as ny Ashoonee.

Jannoo 20:16

Son va Paul kiarit dy hiaulley shaghey Ephesus, er‐y‐fa nagh row eh booiagh yn traa y vaarail ayns Asia; son v’eh ayns preish siyr, er dy chooilley chor dy ve ec Jerusalem er laa ny Kingeesh.

Jannoo 20:28

Cur‐jee twoaie er‐y‐fa shen diu hene, as da ooilley yn chioltane harrystoo ta’n Spyrryd Noo er n’yannoo shiu nyn aspickyn, dy veaghey agglish Yee, t’eh er chionnaghey lesh e uill hene.

Jannoo 20:4

As hie ayns sheshaght mârish gys Asia, Sopater dy Verea, as jeh ny Thessalonianee, Aristarchus as Secundus; as Gaius veih Derbe, as Timothy; as veih Asia, Tychicus as Trophimus.

Jannoo 21:27

As tra va ny shiaght laa faggys ec kione, ghreinnee ny Hewnyn va veih Asia ooilley yn pobble, tra honnick ad eh ayns y chiamble, as ghreimm ad eh,

Jannoo 6:9

Eisht dirree shiartanse jeh yn synagogue ta enmyssit ny Libertinee, as jeh ny Cyrenianee, as Alexandrianee, as jeusyn jeh Cilicia as Asia, pleadeil rish Steaon.

Jannoo 8:29

Eisht dooyrt y Spyrryd rish Philip, Immee er‐gerrey as jean sheshaght rish yn ainagh shoh.

Romanee 16:5

Bannee‐jee myrgeddin ny Creesteenyn t’ayns y thie oc. Bannee‐jee my charrey graihagh Epenetus, yn chied‐vess dy Chreest ayns Achaia.

1 Corinthianee 12:11

Agh ad shoh ooilley ta’n un as yn eer Spyrryd cheddin gobbraghey, rheynn er dy chooilley ghooinney er‐lheh myr saillish hene.

1 Corinthianee 16:1

Nish mychione y chaglym son ny nooghyn, myr ta mee er n’oardaghey da kialteenyn Ghalatia, jean‐jee shiuish myrgeddin.

1 Corinthianee 16:19

Ta kialteenyn Asia dyn mannaghey shiu. Ta Aquila as Priscilla dyn mannaghey shiu dy jeean ayns y Chiarn, marish y cheshaght Chreestee ayns y lught‐thie oc.

2 Corinthianee 1:8

Son cha baill‐lhien, vraaraghyn, dy beagh eh gyn‐yss diu cre’n seaghyn haink orrin ayns Asia, dy row shin laadit ass towse erskyn nyn niart, ayns wheesh as nagh row veg y jerkal ain dy heet jeh lesh nyn mioys:

Galatianee 1:2

As ooilley ny braaraghyn ta mârym, gys kialteenyn Ghalatia:

Galatianee 3:1

O Ghalatianee vee‐hushtagh, quoi ta er chleaynaghey shiu, nagh vel shiu biallagh gys yn irriney, kiongoyrt rish nyn sooillyn hene ta Yeesey Creest dy baghtal er ny ve soit magh, er ny chrossey nyn mast’ eu.

2 Timothy 1:15

Shoh ta fys ayd, dy vel adsyn ooilley t’ayns Asia er choyrt cooyl rhym; jeu shoh ta Phygellus as Hermogenes.

2 Timothy 4:10

Son ta Demas er my hreigeil, er graih cosney seihlltagh, as er n’gholl ersooyl gys Thessalonica; Crescens gys Galatia; Titus gys Dalmatia.

Hebrewnee 11:8

Liorish credjue tra va Abraham er ny eam dy gholl magh gys ynnyd v’eh lurg shen dy gheddyn son eiraght, v’eh biallagh; as jimmee eh magh, gyn fys echey cre gys v’eh goll.

1 Peddyr 1:1

Peddyr ostyl Yeesey Creest, gys ny joarreeyn er ny skeayley trooid magh Pontus, Galatia, Cappadocia, Asia as Bithynia,

Ashlish 1:11

Gra, Mish Alpha as Omega, yn chied er as y fer s’jerree: as, Shen t’ou dy akin, scrieu ayns lioar, as cur eh gys ny shiaght kialteenyn ta ayns Asia; gys Ephesus, as gys Smyrna, as gys Pergamos, as gys Thyatira, as gys Sardis, as gys Philadelphia, as gys Laodicea.

Ashlish 1:4

Ean gys ny shiaght kialteenyn t’ayns Asia: Grayse dy row hiu, as shee, veihsyn, ta, as va, as ta ry heet: as veih ny shiaght spyrrydyn ta kiongoyrt rish e stoyl‐reeoil.