Jannoo 16:15 - Yn Conaant Noa 1810

¹⁵ As tra v’ee hene as lught e thie er nyn mashtey, ghuee ee orrin, gra, My ta shiu er vriwnys mish dy ve firrinagh gys y Chiarn, tar‐jee stiagh gys my hie, as gow‐jee aaght mârym. As cha goghe ee obbal voïn.

Yn Vible Casherick 1775 1819

¹⁵ As tra v’ee hene as lught e thie er nyn mashtey, ghuee ee orrin, gra, My ta shiu er vriwnys mish dy ve firrinagh gys y Chiarn, tar-jee stiagh gys my hie, as gow-jee aaght mârym. As cha goghe ee obbal voïn.

Jannoo 16:15 ပူးပေါင်းရင်းမြစ်များ

Noo Mian 10:41

Eshyn ta cur oltaghey‐bea da phadeyr ayns ennym phadeyr, yiow eh leagh phadeyr; as eshyn ta cur oltaghey‐bea da doinney cairagh ayns ennym dooinney cairagh, yiow eh leagh dooinney cairagh.

Noo Mian 3:6

As goaill‐rish ny beccaghyn v’ad er nyn mashtey liorish ayns Jordan.

Noo Luke 14:23

As dooyrt y chiarn rish y charvaant, Gow magh gys ny raaidyn mooarey as ny cleigh, as guee orroo dy heet stiagh, dy vod my hie ve er ny lhieeney.

Noo Luke 24:29

Agh lhie ad er, gra, Fuirree mârin, son ta’n fastyr er, as bunnys y laa ceaut. As hie eh stiagh dy uirriaght mâroo.

Jannoo 11:14

Eh nee goan y hoilshaghey dhyt, lioroo bee oo hene as ooilley dty hie er nyn sauail.

Jannoo 16:31

As dooyrt ad, Jean credjal ayns y Chiarn Yeesey Creest, as bee oo hene as dty hie er nyn sauail.

Jannoo 16:33

As ghow eh ad yn oor cheddin jeh’n oie, as niee eh ny lhottyn oc; as v’eh hene as ooilley lught e hie er nyn mashtey chelleeragh.

Jannoo 16:34

As tra v’eh er chur lesh ad stiagh ayns e hie, hoie eh bee rhymboo, as ghow eh hene as ooilley e hie boggey, as chred ad ayns Jee.

Jannoo 18:8

As ren Crispus ard‐fer‐reill yn synagogue, credjal ayns y Chiarn, as ooilley e lught‐thie: as va ymmodee jeh ny Corinthianee ren clashtyn as credjal, er nyn mashtey.

Jannoo 8:12

Agh tra v’ad er chredjal Philip, preacheil ny reddyn va bentyn rish reeriaght Yee, as ennym Yeesey Creest, v’ad er nyn mashtey chammah deiney as mraane.

Jannoo 8:38

As doardee eh da’n ainagh shassoo: as hie ad ny neesht sheese ayns yn ushtey, chammah Philip as yn eunuch; as vasht eh eh.

Romanee 16:23

Ta Gaius ren oltagh‐bea y choyrt dooys, as da’n slane agglish, dy vannaghey shiu. Ta Erastus stiurt yn ard‐valley dy nyn mannaghey, as Quartus ta braar Creestee.

2 Corinthianee 12:11

Ta mee er jeet dy ve my ommydan ayns boggyssagh, shiu hene ta er m’êginaghey; son shiuish lhisagh v’er my voylley: son ayns nhee erbee cha vel mee ergooyl ny eer ostyllyn syrjey, ga nagh vel mee veg.

2 Corinthianee 5:14

Son ta graih Chreest dy êginaghey shin, er‐y‐fa dy nee myr shoh ta shin briwnys, my hooar un er baase son ooilley, eisht dy row ooilley marroo [ayns peccah:]

Galatianee 6:10

Myr ta caa ain er‐y‐fa shen, lhig dooin mie ’yannoo da dy chooilley ghooinney, er‐lheh dauesyn ta jeh lught‐thie’n chredjue.

Ephesianee 1:1

Paul ny ostyl dy Yeesey Creest, liorish aigney Yee, gys ny nooghyn t’ayns Ephesus, as hucsyn ta credjal ayns Creest Yeesey:

Philippianee 1:7

Dy jarroo myr te jesh dooys yn smooinaghtyn shoh y ve aym mychione eu ooilley, er‐y‐fa dy vel shiu aym ec my chree, ayns wheesh as chammah ayns my gheulaghyn, as ayns fendeil as niartaghey yn sushtal, ta shiu ooilley paarteeassyn mârym jeh grayse.

Philemon 1:17

My t’ou er‐y‐fa shen jeeaghyn orrym myr sheshey‐creestee, gow rishyn myr rhym pene.

Hebrewnee 13:2

Ny jarrood‐jee dy choyrt oltagh‐bea da joarreeyn: son liorish ta paart er choyrt oltagh‐bea da ainleyn gyn‐yss daue hene.

1 Peddyr 5:12

Liorish Sylvanus braar firrinagh diuish (myr ta mee dy ghoaill eh) ta mee er scrieu ayns focklyn giarey, coyrlaghey as gymmyrkey feanish, dy nee shoh grayse firrinagh Yee ayn ta shiu shassoo.

2 Ean 1:10

My hig fer erbee hiu, as nagh vel cur lesh mârish yn ynsagh shoh, ny cur‐jee room thie da, chamoo bannee‐jee da.

3 Ean 1:5

Charrey, t’ou jannoo dy credjuagh cre‐erbee t’ou jannoo son ny braaraghyn, as son joarreeyn;

3 Ean 1:8

Shen‐y‐fa lhisagh shin oltaghey‐bea ’choyrt da nyn lheid, dy vod mayd ve fir‐choonee gys yn irriney.