Jannoo 16:13 - Yn Conaant Noa 1810

¹³ As er laa yn doonaght hie shin magh ass y valley, gys boayl va lowit son padjer, rish oirr ny hawin; as hoie shin sheese, as loayr shin rish ny mraane v’er nyn jaglym cooidjagh.

Yn Vible Casherick 1775 1819

¹³ As er laa yn doonaght hie shin magh ass y valley, gys boayl va lowit son padjer, rish oirr ny hawin; as hoie shin sheese, as loayr shin rish ny mraane v’er nyn jaglym cooidjagh.

Jannoo 16:13 ပူးပေါင်းရင်းမြစ်များ

Noo Mian 13:2

As va earrooyn mooarey dy leih er nyn jaglym cooidjagh huggey myr shen dy jagh eh er board lhong, as hoie eh sheese, as va ooilley yn pobble ny shassoo er y traie.

Noo Mark 16:15

As dooyrt eh roo, Immee‐jee magh trooid ooilley yn seihll, as jean‐jee yn sushtal y phreacheil da dy chooilley chretoor.

Noo Luke 13:10

As v’eh gynsaghey ayns unnane jeh ny synagogueyn er y doonaght.

Noo Ean 8:2

As dy moghey laa‐ny‐vairagh hie eh reesht gys y chiamble, as haink ooilley yn pobble huggey; as hoie eh sheese, as dynsee eh ad.

Jannoo 13:14

Agh tra v’ad er gholl veih Perga, haink ad gys Antioch ayns Pisidia, as hie ad stiagh ayns y synagogue er laa yn doonaght, as hoie ad sheese.

Jannoo 13:42

As myr va ny Hewnyn goll magh ass y synagogue, ghuee ny Ashoonee dy beagh ny goan shoh er ny phreacheil daue yn nah ghoonaght.

Jannoo 16:16

As haink eh gy‐kione, myr va shin er y raad goll gys padjer, dy daink ben aeg dy row nyn guail, ayn‐jee va spyrryd faishnee, as v’ee tayrn ymmodee cosney da ny maishteryn eck, liorish e hobbeeys.

Jannoo 16:6

Nish tra v’ad er gholl trooid Phrygia, as cheer Ghalatia, v’ad er nyn lhiettal liorish y Spyrryd Noo dy phreacheil y goo ayns Asia,

Jannoo 17:2

As hie Paul, myr va’n cliaghtey echey stiagh mâroo, as son three laghyn doonee ren eh resooney roo ass ny scriptyryn,

Jannoo 18:4

As v’eh resooney ayns y synagogue dy chooilley ghoonaght, as coyrlaghey ny Hewnyn as ny Greekyn.

Jannoo 20:7

As er y chied laa jeh’n chiaghtin, tra va shin er jeet cooidjagh dy vrishey arran, ren Paul preacheil daue, as myr v’eh dy gholl roish laa ny vairagh, chum eh seose loayrt derrey mean‐oie.

Jannoo 21:5

As tra va ny laghyn ec kione, jimmee shin roïn, as hie shin er nyn raad; as hie ad ooilley magh mârin dy chur shin er nyn doshiaght er nyn yurnah, mârish mraane as cloan, derrey va shin mooie ass y valley: as ghlioon shin sheese er y traie, as ghow shin padjer.

Jannoo 9:20

As chelleeragh ren eh Creest y phreacheil ayns ny kialteenyn, dy nee Mac Yee eh.

Galatianee 3:28

Cha vel ny sodjey Hew ny Greek, cha vel sharvaant ny seyr, cha vel fyrrynagh ny bwoirrynagh: son ta shiu ooilley unnane ayns Creest Yeesey.

Colossianee 1:23

My nee shiu tannaghtyn ’sy chredjue gruntit as shickyrit, as gyn ve scughit ersooyl veih treishteil y tushtal, ta shiu er chlashtyn, as v’er ny phreacheil da dy chooilley chretoor fo niau; jeh shen ta mish Paul pointit dy ve my hirveishagh.