Jannoo 16:12 - Yn Conaant Noa 1810

¹² As veih shen gys Philippi, yn reih ard‐valley v’ayns yn ayrn shen jeh Macedonia, as bentyn gys y Raue: as duirree shin ayns yn ard‐valley shen shiartanse dy laghyn.

Yn Vible Casherick 1775 1819

¹² As veih shen gys Philippi, yn reih ard-valley v’ayns yn ayrn shen jeh Macedonia, as bentyn gys y Raue: as duirree shin ayns yn ard-valley shen shiartanse dy laghyn.

Jannoo 16:12 ပူးပေါင်းရင်းမြစ်များ

Jannoo 16:10

As erreish da v’er vakin yn ashlish, ghow shin ayns laue dy gholl jeeragh gys Macedonia, toiggal son shickyrys dy row yn Chiarn er n’eamagh orrin dy phreacheil y sushtal daue.

Jannoo 16:21

As dy vel ad gynsaghey cliaghtaghyn nagh vel lowal dooinyn, ta fo reill yn Raue, dy ghoaill orrin ny dy reayll.

Jannoo 16:9

As honnick Paul ashlish ayns yn oie; Hass dooinney jeh Macedonia liorish, as ghuee eh er, gra, Tar noon gys Macedonia, as coon lhien.

Jannoo 18:5

As tra va Silas as Timothy er jeet veih Macedonia, va Paul er ny ghreinnaghey ayns e spyrryd, as dymmyrk eh feanish gys ny Hewnyn dy nee Yeesey va yn Creest.

Jannoo 19:21

Tra va ny reddyn shoh ec kione, chiare Paul ayns y Spyrryd, erreish da v’er gholl trooid Macedonia as Achaia, dy ragh eh gys Jerusalem, gra, Lurg dou ve ayns shen, shegin dou myrgeddin yn Raue y akin.

Jannoo 19:29

As va ooilley yn ard‐valley bun‐ry‐skyn: as erreish daue v’er ghoaill Gaius as Aristarchus, Macedonianee, sheshaghyn troailtee Phaul, ying ad stiagh ooilley dy cheilley ayns y theater.

Jannoo 20:1

As erreish da’n irree‐magh shoh ve ec fea, deïe Paul er ny Creesteenyn huggey, as daag eh bannaght oc, as jimmee eh roish dy gholl gys Macedonia.

Jannoo 20:3

As duirree eh ayns shen three meeaghyn: as tra va ny Hewnyn lhie fo‐chlea er e hon, myr v’eh kiarail dy ghoaill lhuingys gys Syria, ghow eh ayns laue dy darragh eh back trooid Macedonia.

Jannoo 20:6

As hiauiail shin veih Philippi lurg feailley ny Caisht, as haink shin huc gys Troas ayns queig laa, as duirree shin ayns shen shiaght laa.

Jannoo 27:2

As goll er‐board lhong veih Adramyttium, hie shin magh son y cheayn, kiarail shiaulley rish coast‐yn Asia, as va Aristarchus, Macedonian veih Thessalonica mârin.

Romanee 15:26

Son s’gooidsave lhieusyn jeh Macedonia as Achaia, dy yannoo chaglym ennagh son ny Creesteenyn boghtey ta ec Jerusalem.

Philippianee 1:1

Paul as Timotheus sharvaantyn Yeesey Creest, gys ooilley ny nooghyn ayns Creest Yeesey, ta ec Philippi, marish ny aspickyn as shirveishee:

Philippianee 1:5

Son y co‐ayrn eu ayns y sushtal veih’n chied laa gys nish;

1 Thessalonianee 2:2

Agh dy jarroo lurg dooin ve roïe er hurranse, as er gheddyn dellal scammyltagh, myr ta fys eu, ec Philippi, va shin dunnal ayns y Jee ain, dy phreacheil diu sushtal Yee lesh lane streeu.